മൂന്നാര് : മൂന്നാര് ടൗണില് കാട്ടാനകളിറങ്ങുന്നതും കച്ചവട സ്ഥാപനങ്ങള് നശിപ്പിക്കുന്നതും പതിവായതോടെയാണ് ദേവികുളം എംഎല്എ എസ് രാജേന്ദ്രന്റെ നേതൃത്വത്തില് റോഡുപരോധ സമരം സംഘടിപ്പിച്ചത്. എം എല് യുടെ നേതൃത്വത്തില് ഉദുമല്പ്പെട്ട അന്തര് സംസ്ഥാന ദേശിയ പാത ഉപരോധിച്ചു. തുടര്ച്ചയായി കാട്ടാനകളിറങ്ങുന്ന സാഹചര്യമുണ്ടായിട്ടും വനം വകുപ്പ് മന്ത്രി നിസംഗത പാലിക്കുകയാണെന്ന് ആരോപിച്ചായിരുന്നു സമരം.
Also Read: സഹോദരിയുമായുള്ള പ്രണയം ഇഷ്ടപെട്ടില്ല... മൂവാറ്റുപുഴയില് കാമുകനെ നടുറോഡിലിട്ട് വെട്ടിക്കൊല്ലാന് ശ്രമം!!
കാട്ടാനകളിറങ്ങുന്നത് തടയാന് വനം വകുപ്പിന്റെ ഇടപെടല് ഉണ്ടാകണമെന്ന് എംഎല്എ ആവശ്യപ്പെട്ടു. രാവിലെ 9.30 തോടെയാണ് ടൗണില് കുത്തിയിരിപ്പ് സമരം നടത്തിയത്. വനം വകുപ്പ് ഉദ്യോഗസ്ഥര് എത്താതെ സമരം അവസാനിപ്പിക്കില്ലെന്ന നിലപാടും എംഎല്എയും കൂട്ടരും സ്വീകരിച്ചു. കൊവിഡിന്റെ മാനദണ്ഡങ്ങള് പാലിക്കാതെ മേഖലയില് വന് ജനകൂട്ടം തടിച്ചു കൂടുകയും ചെയ്തു.
Also Read: വന്യമൃഗങ്ങളെ പിടികൂടാന് കെണിവെച്ചാല് കുടുങ്ങും; പരിശോധന കര്ശനമാക്കി വനംവകുപ്പ്
മൂന്നാര് ഡിവൈഎസ്പി രമേഷ് കുമാറിന്റെ നേതൃത്വത്തിലുള്ള പോലീസ് സംഘം സമരക്കാരുമായി ചര്ച്ച ചെയ്തെങ്കിലും സമരക്കാര് പിന്മാറാന് കൂട്ടാക്കിയില്ല. ഇന്നലെ രാത്രിയോടെ എത്തിയ കാട്ടാനകള് മാര്ക്കെറ്റില് പ്രവേശിച്ചിരുന്നു. പച്ചക്കറി കടകളും പഴക്കടകളും കാലിയാക്കിയാണ് കാട്ടാനകള് മടങ്ങിയത്. അതേസമയം കോവിഡ് നിയന്ത്രണങ്ങള് നിലനില്ക്കുന്ന സാഹചര്യത്തില് സമരം സംഘടിപ്പിച്ചതിന് എംഎല്എയ്ക്കെതിരെ പാര്ട്ടിയില് തന്നെ വിമര്ശന മുണ്ടാകുമോ എന്നതും വരും മണിക്കൂറുകളില് അറിയാം.