ഇടുക്കി(Idukki): മഹാശിവരാത്രി ഹൈറേഞ്ചിലെ ക്ഷേത്രങ്ങളിൽ ക്ഷേത്ര ദർശനം നടത്തി ഭക്തർ സായൂജ്യമടഞ്ഞു. കൊവിഡ് മഹാമാരി കാരണം രണ്ട് വർഷത്തിന് ശേഷമാണ് ക്ഷേത്രങ്ങളിൽ മഹാശിവരാത്രി ആഘോഷങ്ങൾ നടന്നത്. ശിവരാത്രി ആഘോഷം ഹൈന്ദവ സമൂഹം വളരെ ശ്രേഷ്ഠമായാണ് കൊണ്ടാടുന്നത്. ദേവന്മാരും അസുരന്മാരും ചേർന്ന് പാലാഴി കടയുമ്പോൾ ഭൂമിയെ നശിപ്പിക്കാൻ കഴിയുന്ന കാളകൂട വിഷം പുറത്ത് വന്നു. വിഷം ഭൂമിയിൽ സ്പർശിച്ച് ജീവജാലങ്ങൾക്ക് നാശമുണ്ടാകാതിരിക്കാനായി ശിവൻ ആ വിഷം പാനം ചെയ്തു. എന്നാൽ വിഷം ഉളളിൽ ചെന്ന് ശിവന് ആപത്തുണ്ടാകാതാരിക്കാനായി പാർവ്വതി ദേവി അദ്ദേഹത്തിന്റെ കണ്ഠത്തിൽ മുറുകെ പിടിച്ചു. വായിൽ നിന്ന് വിഷം പുറത്തു പോകാതിരിക്കാനായി ഭഗവാൻ വിഷ്ണു വായ് പൊത്തി പിടിക്കുകയും ചെയ്തു.
അങ്ങനെ വിഷം ശിവന്റെ കണ്ഠത്തിൽ ഉറയ്ക്കുകയും കഴുത്ത് നീല നിറമാവുകയും ചെയ്തു. ഭഗവാൻ ശിവന് ആപത്തുണ്ടാകാതിരിക്കാനായി പാർവ്വതീ ദേവി ഉറക്കമിളിച്ചിരുന്നു പ്രാർത്ഥിച്ച ദിവസമാണ് ശിവരാത്രിയെന്നാണ് ഐതിഹ്യം.ശിവപ്രീതിക്കായി അനുഷ്ഠിക്കുന്ന ഏറ്റവും പ്രധാനമായ വ്രതാനുഷ്ഠാനമാണ് ശിവരാത്രി വ്രതം. വ്രതമനുഷ്ഠിക്കുന്നതിലൂടെ ജീവിതത്തിൽ ചെയ്ത പാപങ്ങളിൽ നിന്നെല്ലാം മുക്തി ലഭിക്കുമെന്നാണ് വിശ്വാസം. ശിവക്ഷേത്രങ്ങളിലാണ് കൂടുതലും ശിവരാത്രി ആഘോഷം നടക്കുന്നത്. ഹൈറേഞ്ചിൽ പരശുരാമനാൽ പ്രതിഷ്ടിതമായ പഞ്ചമഹാക്ഷേത്രങ്ങളിൽ ഒന്നാണ് അയ്യപ്പൻ കോവിൽ ശ്രീധർമ്മശാസ്താ ക്ഷേത്രം.
ശിവരാത്രി നാളിലാണ് പരശുരാമൻ ശ്രീധർമ്മശാസ്താ പ്രതിഷ്ഠ നടത്തിയത്. പെരിയാറിന്റെ തീരത്തായതിനാൽ ഇവിടെത്തെ ശിവരാത്രി മഹോത്സവം പ്രസിദ്ധമാണ്. സാധാരണ 8 ദിവസം നീണ്ടു നിൽക്കുന്ന ആഘോഷ പരിപാടിയാണിവിടെ സംഘടിപ്പിക്കുന്നത്. കൊവിഡും പ്രകൃതിയുടെ തിരിച്ചടിയും വലിയ ആഘോഷങ്ങൾക്ക് കൂച്ച് വിലങ്ങിട്ടു. പുലർച്ചെ മുതൽ ക്ഷേത്രാചാര ചടങ്ങുകൾ നടന്നു. ക്ഷേത്ര ദർശനത്തിന് ധാരാളം ഭക്തജനങ്ങളാണ് എത്തിയത്. ക്ഷേത്രത്തിലെത്താൻ വള്ള സൗകര്യവും ഏർപ്പെടുത്തിയത് ഭക്തജനങ്ങൾക്ക് എത്തിച്ചേരുന്നതിന് അനുഗ്രഹമായി. രാത്രിയിൽ ഭജനയും പുലർച്ചെ ബലിയും നടന്നു.
Topic:Idukki, Sivrathri, Idukki sivrathri celebration
അങ്ങനെ വിഷം ശിവന്റെ കണ്ഠത്തിൽ ഉറയ്ക്കുകയും കഴുത്ത് നീല നിറമാവുകയും ചെയ്തു. ഭഗവാൻ ശിവന് ആപത്തുണ്ടാകാതിരിക്കാനായി പാർവ്വതീ ദേവി ഉറക്കമിളിച്ചിരുന്നു പ്രാർത്ഥിച്ച ദിവസമാണ് ശിവരാത്രിയെന്നാണ് ഐതിഹ്യം.ശിവപ്രീതിക്കായി അനുഷ്ഠിക്കുന്ന ഏറ്റവും പ്രധാനമായ വ്രതാനുഷ്ഠാനമാണ് ശിവരാത്രി വ്രതം. വ്രതമനുഷ്ഠിക്കുന്നതിലൂടെ ജീവിതത്തിൽ ചെയ്ത പാപങ്ങളിൽ നിന്നെല്ലാം മുക്തി ലഭിക്കുമെന്നാണ് വിശ്വാസം. ശിവക്ഷേത്രങ്ങളിലാണ് കൂടുതലും ശിവരാത്രി ആഘോഷം നടക്കുന്നത്. ഹൈറേഞ്ചിൽ പരശുരാമനാൽ പ്രതിഷ്ടിതമായ പഞ്ചമഹാക്ഷേത്രങ്ങളിൽ ഒന്നാണ് അയ്യപ്പൻ കോവിൽ ശ്രീധർമ്മശാസ്താ ക്ഷേത്രം.
ശിവരാത്രി നാളിലാണ് പരശുരാമൻ ശ്രീധർമ്മശാസ്താ പ്രതിഷ്ഠ നടത്തിയത്. പെരിയാറിന്റെ തീരത്തായതിനാൽ ഇവിടെത്തെ ശിവരാത്രി മഹോത്സവം പ്രസിദ്ധമാണ്. സാധാരണ 8 ദിവസം നീണ്ടു നിൽക്കുന്ന ആഘോഷ പരിപാടിയാണിവിടെ സംഘടിപ്പിക്കുന്നത്. കൊവിഡും പ്രകൃതിയുടെ തിരിച്ചടിയും വലിയ ആഘോഷങ്ങൾക്ക് കൂച്ച് വിലങ്ങിട്ടു. പുലർച്ചെ മുതൽ ക്ഷേത്രാചാര ചടങ്ങുകൾ നടന്നു. ക്ഷേത്ര ദർശനത്തിന് ധാരാളം ഭക്തജനങ്ങളാണ് എത്തിയത്. ക്ഷേത്രത്തിലെത്താൻ വള്ള സൗകര്യവും ഏർപ്പെടുത്തിയത് ഭക്തജനങ്ങൾക്ക് എത്തിച്ചേരുന്നതിന് അനുഗ്രഹമായി. രാത്രിയിൽ ഭജനയും പുലർച്ചെ ബലിയും നടന്നു.
Topic:Idukki, Sivrathri, Idukki sivrathri celebration