പകൽ ക്ഷേത്ര മതിൽ നിർമാണം; ജോലി കഴിഞ്ഞ് മടങ്ങും മുമ്പ് കുളിക്കാനിറങ്ങി, യുവാക്കൾക്ക് ദാരുണാന്ത്യം
ഇടുക്കിയില്‍ പാറമടയുടെ കുളത്തില്‍ വീണ് 2 യുവാക്കള്‍ മരിച്ചു. അമ്പലമേട് സ്വദേശികളായ മഹേഷ്, അരുണ്‍കുമാര്‍ എന്നിവരാണ് മരിച്ചത്. തങ്കമണി കാമാക്ഷി അമ്പലമേട് അമ്പലത്തിന്റെ പാറമട കുളത്തില്‍ കുളിക്കാനിറങ്ങുമ്പോഴായിരുന്നു അപകടം. ക്ഷേത്ര മതില്‍കെട്ടിന്റെ നിര്‍മാണ പ്രവര്‍ത്തിയില്‍ ഏര്‍പ്പെട്ടിരിക്കുന്നവരായിരുന്നു ഇരുവരും. ജോലി കഴിഞ്ഞ് കുളത്തില്‍ കുളിക്കാന്‍ ഇറങ്ങിയപ്പോഴായിരുന്നു അപകടം.
Lipi 16 Sept 2022, 8:10 pm
ഹൈലൈറ്റ്:
- ഇടുക്കിയില്‍ പാറമട കുളത്തില്‍ വീണ് 2 പേര്‍ മരിച്ചു
- മഹേഷ്, അരുണ്‍ കുമാര്‍ എന്നിവരാണ് മരിച്ചത്
- ജോലി കഴിഞ്ഞ് കുളിക്കാന്‍ ഇറങ്ങിയതായരുന്നു
ഇടുക്കി(Idukki): ജോലി കഴിഞ്ഞ ശേഷം പാറമട കുളത്തിൽ കുളിക്കാനിറങ്ങിയ രണ്ടു യുവാക്കൾ മുങ്ങി മരിച്ചു. അമ്പലമേട് സ്വദേശികളായ ആന ചാരിയിൽ മഹേഷ്, വേലൂർ അരുണ്‍കുമാര്‍ എന്നിവരാണ് മരിച്ചത്. ഇന്ന് വൈകിട്ട് 5.30 ഓടെയാണ് സംഭവം. തങ്കമണി കാമാക്ഷി അമ്പലമേട് അമ്പലത്തിന്റെ(Ambalamedu Temple) പാറമട കുളത്തില്‍ കുളിക്കാനിറങ്ങിയപ്പോഴാണ് അപകടമുണ്ടായത്. അമ്പലമേട് ക്ഷേത്രത്തിന്റെ മതിൽ കെട്ടിന്റെ നിർമ്മാണത്തിൽ എർപ്പെട്ടിരുന്നവരാണ് ഇരുവരും.
Read Latest Local News and Malayalam News
Also Read: കട തുറക്കാൻ പോയപ്പോൾ കടിച്ചുവീഴ്ത്തി തെരുവുനായ, ലളിതയുടെ കൈപ്പത്തി കടിച്ചുകീറി
Also Read: 10 മാസം മുന്‍പ് വിവാഹം, ഭർതൃവീട്ടിൽ ജീവനൊടുക്കി ഷീജ; ജോബിഷിൻ്റെ വീട്ടുകാരെയും അറസ്റ്റ് ചെയ്യാൻ സാധ്യത
ജോലി കഴിഞ്ഞ് കുളിക്കുന്നതിനായി ഇരുവരും അമ്പലത്തിന് സമീപത്തെ പാറമടക്കുളത്തിൽ എത്തുകയായിരുന്നു. ഇതിനിടയിൽ കാൽ വഴുതി വീണാണ് അപകടം. ഇരുവർക്കും നീന്തൽ അറിയില്ലായിരുന്നു എന്നും സമീപവാസികൾ പറയുന്നു. ഇടുക്കിയിൽ നിന്ന് ഫയർഫോഴ്സ് എത്തിയെങ്കിലും ഇതിന് മുൻപ് തന്നെ ഇരുവരെയും നാട്ടുകാർ പുറത്തെടുത്തിരുന്നു. മൃതദേഹങ്ങൾ പോസ്റ്റ്മോർട്ടത്തിനായി ഇടുക്കി മെഡിക്കൽ കോളേജിലേക്ക് കൊണ്ടുപോയി.