ഇടുക്കി: ചുരക്കുളം ആശുപത്രിയിൽ മഴക്കാലത്ത് വെള്ളം കയറിയുണ്ടാവുന്ന നാശനഷ്ടങ്ങൾ ഒഴിവാക്കാൻ നൂതന പദ്ധതിയൊരുങ്ങുന്നു. ഇതിന്റെ ആദ്യഘട്ടമായി നാശനഷ്ടം തടയുന്നതിനായിട്ടുള്ള പദ്ധതിയുടെ സർവ്വേ നടപടികൾ ആരംഭിച്ചു. സംസ്ഥാന സർക്കാരിന്റെ റീ ബിൽഡ് കേരളയിൽ ഉൾപ്പെടുത്തി രണ്ടു കോടി രൂപയാണ് പദ്ധതിക്കായി അനുവദിച്ചിരിക്കുന്നത്. രണ്ടുപാലങ്ങളുടെയും തോടിന് ആഴം കൂട്ടുന്നതിനുള്ള സർവ്വേ നടപടികളാണ് ഇപ്പോൾ ആരംഭിച്ചിരിക്കുന്നത്. സർവ്വേ പൂർത്തീകരിച്ചയുടൻ എസ്റ്റിമേറ്റ് തയ്യാറാക്കി പദ്ധതിക്കായുളള ടെന്റർ നടപടികൾ ഉടൻ ആരംഭിക്കാനാണ് വകുപ്പ് തല തീരുമാനം.
മരുന്നുൾപ്പെടെ വെള്ളത്തിലാകും
മഴക്കാലമാവുന്നതോടെ പെരിയാർ കൈത്തോട്ടിലെ ജലനിരപ്പ് ഉയർന്ന് തോടിന് സമീപം സ്ഥിതി ചെയ്യുന്ന വണ്ടിപ്പെരിയാർ ചുരക്കുളം സാമൂഹികാരോഗ്യ കേന്ദ്രത്തിൽ വെള്ളം കയറുക പതിവാണ്. മരുന്നുകളും മറ്റ് ആശുപത്രി ഉപകരണങ്ങളും നശിക്കുന്നതും ദിവസങ്ങളോളം ആശുപത്രിയുടെ സേവനം നിലയ്ക്കുന്നതും പതിവാണ്. ആശുപത്രിയിൽ വെളളം കയറി നാശനഷ്ടങ്ങൾ സംഭവിക്കുന്നതിന് പരിഹാരം കാണണമെന്ന കാലങ്ങളായുള്ള പരാതികൾക്കും നിവേദനങ്ങൾക്കുമൊടുവിലാണ് ഇപ്പോൾ പരിഹാരമാവുന്നത്. ഇതിനായി ഇടുക്കി പാക്കേജിൽ സംസ്ഥാന സർക്കാരിന്റെ റീ ബിൽഡ് കേരളയിൽ ഉൾപ്പെടുത്തി രണ്ടു കോടി രൂപ അനുവദിച്ച് ഉത്തരവായി.
പരിഹാര മാർഗങ്ങൾ ഇവയൊക്കെ
വണ്ടിപ്പെരിയാർ സാമൂഹികാരോഗ്യ കേന്ദ്രത്തിലേക്ക് പ്രവേശിക്കുന്ന പെരിയാർ കൈതോടിന് കുറുകെയുള്ള രണ്ടു പാലങ്ങൾ പൊളിച്ച് ബലവത്തായ പുതിയ പ്രധാന പാലം നിർമ്മിക്കും. പെരിയാർ കൈതോടിന്റെ ഈ ഭാഗത്ത് 12 മീറ്റർ വീതി കൂട്ടും. തോടിന്റെ ആഴം വർദ്ധിപ്പിക്കുന്നതും പദ്ധതിയിൽ ഉൾപ്പെടുത്തിയിട്ടുണ്ട്. പദ്ധതിയുടെ നടത്തിപ്പ് സംബന്ധിച്ച് കഴിഞ്ഞ ദിവസം ഇടുക്കി സബ് കലക്ടർ അരുൺ എസ് നായർ സ്ഥലം സന്ദർശിച്ച് സ്ഥിതിഗതികൾ വിലയിരുത്തിയിരുന്നു. തുടർന്ന് എത്രയും വേഗം പദ്ധതിയുടെ നിർമ്മാണ പ്രവർത്തനങ്ങൾ ആരംഭിക്കണമെന്ന നിർദേശപ്രകാരമാണ് റവന്യൂ ഇറിഗേഷൻ ഉദ്യോഗസ്ഥരുടെ നേതൃത്വത്തിൽ സർവ്വേ നടപടികൾ ആരംഭിച്ചത്.
മരുന്നുൾപ്പെടെ വെള്ളത്തിലാകും
മഴക്കാലമാവുന്നതോടെ പെരിയാർ കൈത്തോട്ടിലെ ജലനിരപ്പ് ഉയർന്ന് തോടിന് സമീപം സ്ഥിതി ചെയ്യുന്ന വണ്ടിപ്പെരിയാർ ചുരക്കുളം സാമൂഹികാരോഗ്യ കേന്ദ്രത്തിൽ വെള്ളം കയറുക പതിവാണ്. മരുന്നുകളും മറ്റ് ആശുപത്രി ഉപകരണങ്ങളും നശിക്കുന്നതും ദിവസങ്ങളോളം ആശുപത്രിയുടെ സേവനം നിലയ്ക്കുന്നതും പതിവാണ്. ആശുപത്രിയിൽ വെളളം കയറി നാശനഷ്ടങ്ങൾ സംഭവിക്കുന്നതിന് പരിഹാരം കാണണമെന്ന കാലങ്ങളായുള്ള പരാതികൾക്കും നിവേദനങ്ങൾക്കുമൊടുവിലാണ് ഇപ്പോൾ പരിഹാരമാവുന്നത്. ഇതിനായി ഇടുക്കി പാക്കേജിൽ സംസ്ഥാന സർക്കാരിന്റെ റീ ബിൽഡ് കേരളയിൽ ഉൾപ്പെടുത്തി രണ്ടു കോടി രൂപ അനുവദിച്ച് ഉത്തരവായി.
പരിഹാര മാർഗങ്ങൾ ഇവയൊക്കെ
വണ്ടിപ്പെരിയാർ സാമൂഹികാരോഗ്യ കേന്ദ്രത്തിലേക്ക് പ്രവേശിക്കുന്ന പെരിയാർ കൈതോടിന് കുറുകെയുള്ള രണ്ടു പാലങ്ങൾ പൊളിച്ച് ബലവത്തായ പുതിയ പ്രധാന പാലം നിർമ്മിക്കും. പെരിയാർ കൈതോടിന്റെ ഈ ഭാഗത്ത് 12 മീറ്റർ വീതി കൂട്ടും. തോടിന്റെ ആഴം വർദ്ധിപ്പിക്കുന്നതും പദ്ധതിയിൽ ഉൾപ്പെടുത്തിയിട്ടുണ്ട്. പദ്ധതിയുടെ നടത്തിപ്പ് സംബന്ധിച്ച് കഴിഞ്ഞ ദിവസം ഇടുക്കി സബ് കലക്ടർ അരുൺ എസ് നായർ സ്ഥലം സന്ദർശിച്ച് സ്ഥിതിഗതികൾ വിലയിരുത്തിയിരുന്നു. തുടർന്ന് എത്രയും വേഗം പദ്ധതിയുടെ നിർമ്മാണ പ്രവർത്തനങ്ങൾ ആരംഭിക്കണമെന്ന നിർദേശപ്രകാരമാണ് റവന്യൂ ഇറിഗേഷൻ ഉദ്യോഗസ്ഥരുടെ നേതൃത്വത്തിൽ സർവ്വേ നടപടികൾ ആരംഭിച്ചത്.