ടാറിംഗ് തീർന്നപ്പോൾ കാശും തീർന്നു; കൽഭിത്തിയിടിഞ്ഞാലും ഉദ്ഘാടനം വൈകാതെ കട്ടപ്പന റോഡ്
ടാറിംഗിനായി എത്തിച്ച റോഡ് റോളറിന്റെ പ്രകമ്പനത്തിലാണ് ബൈപ്പാസ് ഉദ്‌ഘാടനത്തിനായി തയ്യാറെടുക്കുന്നതിനിടെ പടിക്കെട്ട് തകർന്നത്. 1.2 കോടി രൂപ വിനിയോഗിച്ചാണ് ബൈപ്പാസ് നിർമിച്ചത്
ഹൈലൈറ്റ്:
- മന്ത്രി റോഷി അഗസ്റ്റിൻ നാളെ വൈകിട്ട് ഉദ്ഘാടനം നടത്താനിരിക്കെയാണ് തകർച്ച
- ഫണ്ടില്ലെന്ന കാരണത്താൽ പൊതുമരാമത്ത് വകുപ്പ് നന്നാക്കാതെയിട്ടിരിക്കുന്നു
- ഉദ്ഘാടനം മാറ്റി വെയ്ക്കാതെ അധികൃതർ
കട്ടപ്പന(Idukki) : പണിചെയ്ത് ഉദ്ഘാടനം സജ്ജമാക്കുന്നതിനിടയിൽ സംരക്ഷണഭിത്തിയിടിഞ്ഞു. പുതുക്കി നിർമിക്കാനാണേൽ കാശില്ലന്ന കാരണവും. കല്ലും ഭിത്തിയും കെട്ടിയില്ലങ്കിലും ഉദ്ഘാടനം മാറ്റി വെയ്ക്കാതെ അധികൃതർ. ജലവിഭവ വകുപ്പ് മന്ത്രി റോഷി അഗസ്റ്റിൻ നാളെ വൈകിട്ട് ഉദ്ഘാടനം ചെയ്യാൻ പോകുന്ന റോഡിന്റെ തകർന്ന സംരക്ഷണ ഭിത്തി ഇനിയും പുന:സ്ഥാപിച്ചിട്ടില്ല.
ഉന്നത നിലവാരത്തിൽ ടാറിംഗ് പൂർത്തിയാക്കിയ സ്‌കൂൾ കവല പള്ളിക്കവല റോഡിന്റെ സംരക്ഷണ ഭിത്തിയാണ് അപകടത്തിലായിട്ടും ഫണ്ടില്ലെന്ന കാരണത്താൽ പൊതുമരാമത്ത് വകുപ്പ് നന്നാക്കാതെയിട്ടിരിക്കുന്നത്. നാളെ വൈകിട്ട് 6.30 ന് മന്ത്രി റോഡ് ഉദ്ഘാടനം ചെയ്യുന്നത് വെറും പ്രഹസനം മാത്രമാണെന്നാണ് ഉയരുന്ന ആക്ഷേപം.
ദേശീയപാതയേയും മലയോര ഹൈവേയും ബന്ധിപ്പിക്കുന്ന റോഡ്
അടിമാലി കുമളി ദേശീയ പാതയേയും നിർദ്ദിഷ്ഠ മലയോര ഹൈവേയേയും തമ്മിൽ ബന്ധിപ്പിക്കുന്ന സ്‌കൂൾ കവല പള്ളിക്കവല റോഡിൽ ജ്യോതിസ് ജംഗ്ഷനിലാണ് ടാറിംഗ് ജോലികൾ പുരോഗമിച്ചുകൊണ്ടിരുന്നപ്പോൾ സംരക്ഷണഭിത്തി ഇടിഞ്ഞത്. തകർന്ന ഭിത്തി ഉടനടി പുന:സ്ഥാപിക്കുമെന്ന് അധികൃതർ വ്യക്തമാക്കിയിരുന്നുവെങ്കിലും ഈ ഭാഗത്ത് സേ്ര്രഫി കോണുകൾ സ്ഥാപിച്ച് മടങ്ങിയതല്ലാതെ തുടർനടപടിയുണ്ടായില്ല. മഴ കനത്തതോടെ ബാക്കി ഭാഗവും ഇടിഞ്ഞു താഴുവാൻ സാധ്യത വർധിച്ചു.
ദിവസേന നൂറൂകണക്കിന് വാഹനങ്ങൾ
ദിവസേന നൂറ് കണക്കിന് സ്വകാര്യ വാഹനങ്ങളാണ് ഇതുവഴി കടന്നുപോകുന്നത്. സ്വകാര്യ, കെ.എസ്.ആർ.ടി സി ബസുകളും ഈ പാതയിലൂടെയാണ് കോട്ടയം റൂട്ടിലേയ്ക്ക് പ്രവേശിക്കുന്നത്. ഇതിനു പുറമേ സമീപത്തെ സ്വകാര്യ ആശപത്രിക്ക് എതിർവശത്ത് പത്തോളം കുടുംബങ്ങൾ വഴിയായി ഉപയോഗിക്കുന്ന കൽപടിക്കെട്ട് തകർന്നതും പുന:സ്ഥാപിച്ച് നൽകിയിട്ടില്ല.
വേഗത്തിൽ പുനർനിർമിക്കണമെന്ന് നാട്ടുകാർ
ടാറിംഗിനായി എത്തിച്ച റോഡ് റോളറിന്റെ പ്രകമ്പനത്തിലാണ് പടിക്കെട്ട് തകർന്നത്. 1.2 കോടി രൂപ വിനിയോഗിച്ച് നിർമ്മിച്ച ബൈപ്പാസ് റോഡിന്റെ ഉദ്ഘാടനം ആഘോഷമാക്കുവാൻ ഒരുങ്ങുമ്പോൾ അപകടാവസ്ഥയിലായ സംരക്ഷണഭിത്തിയും നിരവധി കുടുംബങ്ങൾ ഉപയോഗിക്കുന്ന നടപ്പുവഴി തകർന്നതും കണ്ടില്ലെന്ന് നടിക്കരുതെന്നാണ് നാട്ടുകാർക്ക് പറയാനുള്ളത്.
ഉന്നത നിലവാരത്തിൽ ടാറിംഗ് പൂർത്തിയാക്കിയ സ്‌കൂൾ കവല പള്ളിക്കവല റോഡിന്റെ സംരക്ഷണ ഭിത്തിയാണ് അപകടത്തിലായിട്ടും ഫണ്ടില്ലെന്ന കാരണത്താൽ പൊതുമരാമത്ത് വകുപ്പ് നന്നാക്കാതെയിട്ടിരിക്കുന്നത്. നാളെ വൈകിട്ട് 6.30 ന് മന്ത്രി റോഡ് ഉദ്ഘാടനം ചെയ്യുന്നത് വെറും പ്രഹസനം മാത്രമാണെന്നാണ് ഉയരുന്ന ആക്ഷേപം.
ദേശീയപാതയേയും മലയോര ഹൈവേയും ബന്ധിപ്പിക്കുന്ന റോഡ്
അടിമാലി കുമളി ദേശീയ പാതയേയും നിർദ്ദിഷ്ഠ മലയോര ഹൈവേയേയും തമ്മിൽ ബന്ധിപ്പിക്കുന്ന സ്‌കൂൾ കവല പള്ളിക്കവല റോഡിൽ ജ്യോതിസ് ജംഗ്ഷനിലാണ് ടാറിംഗ് ജോലികൾ പുരോഗമിച്ചുകൊണ്ടിരുന്നപ്പോൾ സംരക്ഷണഭിത്തി ഇടിഞ്ഞത്. തകർന്ന ഭിത്തി ഉടനടി പുന:സ്ഥാപിക്കുമെന്ന് അധികൃതർ വ്യക്തമാക്കിയിരുന്നുവെങ്കിലും ഈ ഭാഗത്ത് സേ്ര്രഫി കോണുകൾ സ്ഥാപിച്ച് മടങ്ങിയതല്ലാതെ തുടർനടപടിയുണ്ടായില്ല. മഴ കനത്തതോടെ ബാക്കി ഭാഗവും ഇടിഞ്ഞു താഴുവാൻ സാധ്യത വർധിച്ചു.
ദിവസേന നൂറൂകണക്കിന് വാഹനങ്ങൾ
ദിവസേന നൂറ് കണക്കിന് സ്വകാര്യ വാഹനങ്ങളാണ് ഇതുവഴി കടന്നുപോകുന്നത്. സ്വകാര്യ, കെ.എസ്.ആർ.ടി സി ബസുകളും ഈ പാതയിലൂടെയാണ് കോട്ടയം റൂട്ടിലേയ്ക്ക് പ്രവേശിക്കുന്നത്. ഇതിനു പുറമേ സമീപത്തെ സ്വകാര്യ ആശപത്രിക്ക് എതിർവശത്ത് പത്തോളം കുടുംബങ്ങൾ വഴിയായി ഉപയോഗിക്കുന്ന കൽപടിക്കെട്ട് തകർന്നതും പുന:സ്ഥാപിച്ച് നൽകിയിട്ടില്ല.
വേഗത്തിൽ പുനർനിർമിക്കണമെന്ന് നാട്ടുകാർ
ടാറിംഗിനായി എത്തിച്ച റോഡ് റോളറിന്റെ പ്രകമ്പനത്തിലാണ് പടിക്കെട്ട് തകർന്നത്. 1.2 കോടി രൂപ വിനിയോഗിച്ച് നിർമ്മിച്ച ബൈപ്പാസ് റോഡിന്റെ ഉദ്ഘാടനം ആഘോഷമാക്കുവാൻ ഒരുങ്ങുമ്പോൾ അപകടാവസ്ഥയിലായ സംരക്ഷണഭിത്തിയും നിരവധി കുടുംബങ്ങൾ ഉപയോഗിക്കുന്ന നടപ്പുവഴി തകർന്നതും കണ്ടില്ലെന്ന് നടിക്കരുതെന്നാണ് നാട്ടുകാർക്ക് പറയാനുള്ളത്.