കട്ടപ്പന: കട്ടപ്പന നഗരസഭ ഉപാദ്ധ്യക്ഷനായി ജോയി ആനിത്തോട്ടം എതിരില്ലാതെ തെരഞ്ഞെടുക്കപ്പെട്ടു. മുൻ വൈസ് ചെയർമാൻ ജോയ് വെട്ടിക്കുഴി രാജി വച്ചതോടെയാണ് കോൺഗ്രസിലെ എ ഗ്രൂപ്പ് അംഗമായ ജോയ് ആനിത്തോട്ടത്തിന് നറുക്ക് വീണത്. ഒട്ടേറെ വിവാദങ്ങൾക്ക് വഴി വച്ചായിരുന്നു ഉപാധ്യക്ഷനായിരുന്ന ജോയ് വെട്ടിക്കുഴി കഴിഞ്ഞ ഏപ്രിൽ എട്ടിന് രാജി വച്ചത്. ചെയർപേഴ്സണുമായുള്ള അഭിപ്രായ ഭിന്നതയാണ് രാജിക്ക് കാരണമെന്നായിരുന്നു സംസാരം, എന്നാൽ താൻ വിദേശ യാത്ര പോകുന്നതിനാലാണ് രാജി വച്ചത് എന്നായിരുന്നു ജോയ് വെട്ടിക്കുഴിയുടെ വിശദീകരണം.
വെട്ടിക്കുഴിയുടെ രാജിയ്ക്ക് പിന്നാലെ ജോയ് ആനിത്തോട്ടത്തിനാണ് നറുക്ക് വീണത്. ഇന്ന് നടന്ന തിരഞ്ഞെടുപ്പിൽ പ്രതിപക്ഷത്ത് നിന്ന് ആരും മത്സരിക്കാത്തതിനാൽ ജോയ് ആനിത്തോട്ടം ഏകപക്ഷീയമായി വിജയിച്ചതായി വരണാധികാരി പ്രഖ്യാപിച്ചു. തുടർന്ന് നഗരസഭാ അധ്യക്ഷയുടെ സാന്നിധ്യത്തിൽ സത്യവാചകം ചൊല്ലി വൈസ് ചെയർമാനായി ജോയ് ആനിത്തോട്ടം അധികാരമേറ്റെടുത്തു. നഗരസഭയുടെ വികസനത്തിനാണ് മുൻതൂക്കമെന്ന് അദ്ദ്ദേഹം പറഞ്ഞു. മെയ് 12 നാണ് തിരഞ്ഞെടുപ്പ് നടത്താനുദ്ദേശിച്ചിരുന്നത്. എന്നാൽ ലോക് ഡൗൺ വന്നതോടെ തിരഞ്ഞെടുപ്പ് നീളുകയായിരുന്നു. ഇന്നത്തെ തിരഞ്ഞെടുപ്പ് യോഗം ബഹിഷ്കരിച്ച് പ്രതിപക്ഷം ഇറങ്ങിപ്പോയത് വാക്ക് തർക്കത്തിന് ഇടവരുത്തുകയും ചെയ്തു.
വെട്ടിക്കുഴിയുടെ രാജിയ്ക്ക് പിന്നാലെ ജോയ് ആനിത്തോട്ടത്തിനാണ് നറുക്ക് വീണത്. ഇന്ന് നടന്ന തിരഞ്ഞെടുപ്പിൽ പ്രതിപക്ഷത്ത് നിന്ന് ആരും മത്സരിക്കാത്തതിനാൽ ജോയ് ആനിത്തോട്ടം ഏകപക്ഷീയമായി വിജയിച്ചതായി വരണാധികാരി പ്രഖ്യാപിച്ചു. തുടർന്ന് നഗരസഭാ അധ്യക്ഷയുടെ സാന്നിധ്യത്തിൽ സത്യവാചകം ചൊല്ലി വൈസ് ചെയർമാനായി ജോയ് ആനിത്തോട്ടം അധികാരമേറ്റെടുത്തു. നഗരസഭയുടെ വികസനത്തിനാണ് മുൻതൂക്കമെന്ന് അദ്ദ്ദേഹം പറഞ്ഞു. മെയ് 12 നാണ് തിരഞ്ഞെടുപ്പ് നടത്താനുദ്ദേശിച്ചിരുന്നത്. എന്നാൽ ലോക് ഡൗൺ വന്നതോടെ തിരഞ്ഞെടുപ്പ് നീളുകയായിരുന്നു. ഇന്നത്തെ തിരഞ്ഞെടുപ്പ് യോഗം ബഹിഷ്കരിച്ച് പ്രതിപക്ഷം ഇറങ്ങിപ്പോയത് വാക്ക് തർക്കത്തിന് ഇടവരുത്തുകയും ചെയ്തു.