മഴയില്‍ പീരുമേട് തോട്ടം മേഖലയില്‍ വന്‍ നാശം; തൊഴിലാളികള്‍ക്ക് പരിക്ക്, വീഡിയോ കാണാം

പീരുമേട് : കനത്ത കാറ്റും മഴയും പീരുമേട് തോട്ടം മേഖലയില്‍ വന്‍ നാശം വിതച്ചു. ലയങ്ങളുടെ മേല്‍ക്കൂര തകര്‍ന്ന് ആറു തൊഴിലാളികള്‍ക്ക് പരിക്കേറ്റു. പീരുമേട് ടീ കമ്പനിയിലെ ചീന്തലാര്‍ ഒന്നാം ഡിവിഷനിലെ ലയങ്ങളുടെ മേല്‍ക്കൂരയാണ് തകര്‍ന്നത്.Also Read: കേരള സാങ്കേതിക സര്‍വകലാശാല വിദ്യാര്‍ത്ഥി കൊവിഡ് ബാധിച്ച് മരിച്ചു

ഇവിടുത്തെ ലയങ്ങളില്‍ താമസിച്ചിരുന്നവരെ ദുരിതാശ്വാസ ക്യാമ്പുകളിലേക്ക് മറ്റിയിരുന്നു. 20 വര്‍ഷത്തിലധികമായി പീരുമേട് ടീ കമ്പനിയുടെ രണ്ടു ഡിവിഷനുകളും അടഞ്ഞുകിടക്കുകയാണ്. ഉടമകള്‍ തോട്ടം ഉപേക്ഷിച്ച് പോയതില്‍ പിന്നെ ലയങ്ങളുടെ അറ്റകുറ്റപണികള്‍ നടന്നിട്ടില്ല. ഏതു നിമിഷവും തകര്‍ന്നു വീഴാവുന്ന ലയങ്ങളിലാണ് തൊഴിലാളികള്‍ കഴിയുന്നത്. മഴക്കാലം ഇവര്‍ക്ക് ദുരിത കാലമാണ്.

Also Read:സിയാദിന് ചിത്രം വരക്കാൻ ക്യാന്‍വാസ് വേണ്ട ; ഫോൺ മാത്രം മതി, വീഡിയോ കാണാം

തോട്ടം മേഖല പ്രതിസന്ധിയിലായതോടെ അടിസ്ഥാന സൗകര്ങ്ങള്‍ ഇവിടെ ലഭിക്കുന്നില്ല. തൊഴിലാളി സംഘടനകള്‍ വീതം വച്ചു നല്‍കുന്ന തേയിലച്ചെടികളിലെ കൊളുന്ത് എടുത്താണ് തൊഴിലാളികള്‍ ജീവിതം മുന്നോട്ട് കൊണ്ടുപോകുന്നത്. തോട്ടം തൊഴിലാളികള്‍ക്കായി ഭവനപദ്ധതി നടപ്പാക്കുമെന്ന സര്‍ക്കാര്‍ പ്രഖ്യാപനവും പാഴാവുകയാണെന്ന് തൊഴിലാളികള്‍ പറയുന്നു.

ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ