കട്ടപ്പന: സംഗീതോപകരണങ്ങളില് പൂക്കള് വിരിയിച്ച് ചമയകലാകാരന്. കട്ടപ്പന സ്വദേശി കെ.ആര് ഉത്തമനാണ് പൂക്കള്കൊണ്ട് വീടിന് മുന്നില് ചമയമൊരുക്കിയിരിക്കുന്നത്. സംഗീതോപകരണങ്ങളുടെ മാതൃക ഒരുക്കി അതിനുള്ളിലാണ് പൂച്ചെടികൾ വച്ചുപിടിപ്പിച്ചിരിക്കുന്നത്. ലോക്ഡൗണിനോടനുബന്ധിച്ച് ലഭിച്ച ഇടവേളകളില് ഉപയോഗ ശൂന്യമായ വസ്തുക്കള് ഉപയോഗിച്ച് സംഗീതോപകരണങ്ങളുടെ മാതൃക ഉണ്ടാക്കുകയും ചെടികള് അതിനുള്ളില് വച്ചുപിടിപ്പിക്കുകയുമായിരുന്നു. മേക്കപ്പ് കലാകാരനായ ഉത്തമന് കലാ അധ്യാപകനും തെയ്യം, മയിലാട്ടം കലാകാരനുമാണ്. സംഗീതോപകരണങ്ങളില് പൂക്കള് വിരിഞ്ഞുനില്ക്കുന്ന കാഴ്ച ഏവരെയും ആകര്ഷിക്കും.
തയ്യല് ജോലിയും മേക്കപ്പുമൊക്കെയായി കഴിഞ്ഞിരുന്ന ഉത്തമന്റെ ജീവിതം കോവിഡ് മഹാമാരിയും ലോക്ഡൗണും മാറ്റിമറിച്ചു. എന്നാല് സ്വന്തം വീട്ടില് ഒതുങ്ങിക്കൂടാന് ഉത്തമന് താല്പര്യമില്ലായിരുന്നു. നാട്ടിലെ നിരവധി കലാകരന്മാരെ സംഭാവന ചെയ്ത ഇദ്ദേഹത്തിന് വിരസത അനുഭവപ്പെടുന്ന സമയത്താണ് ഇത്തരത്തില് പൂന്തോട്ട നിര്മാണവും കരകൗശല നിര്മാണവുമെല്ലാം. മൃദുംഗം, ചെണ്ട, കീബോര്ഡ്, വയലിന്, ഉടുക്ക് തുടങ്ങിയ എല്ലാ സംഗീതോപകരണങ്ങളും ഉത്തമന്റെ പൂന്തോട്ടത്തില് കാണാം. സംഗീതോപകരണങ്ങളില് നിറച്ചിരിക്കുന്ന പൂക്കള് കാഴ്ചയുടെ മനോഹാരിത മാത്രമല്ല ഒരു കലാകാരന്റെ പൂര്ണതയും വെളിവാക്കുന്നു.
ലോക്ഡൗണ് ദിനങ്ങളില് കടകള് തുറക്കാത്തതൊന്നും ഇദ്ദേഹത്തിലെ പ്രതിഭയ്ക്ക് തടസമായില്ല. വീട്ടില് ഉപയോഗ ശൂന്യമായി കിടന്ന പല വസ്തുക്കളും ഉത്തമന്റെ കരവിരുതില് മനോഹര സൃഷ്ടിയായി മാറി. പൂന്തോട്ട നിര്മാണത്തിലും മറ്റ് കലാ പ്രവര്ത്തനങ്ങളിലും ഇദ്ദേഹത്തിന്റെ കുടുംബാംഗങ്ങളും പൂര്ണ പിന്തുണയുമായി ഉത്തമനൊപ്പമുണ്ട്.
തയ്യല് ജോലിയും മേക്കപ്പുമൊക്കെയായി കഴിഞ്ഞിരുന്ന ഉത്തമന്റെ ജീവിതം കോവിഡ് മഹാമാരിയും ലോക്ഡൗണും മാറ്റിമറിച്ചു. എന്നാല് സ്വന്തം വീട്ടില് ഒതുങ്ങിക്കൂടാന് ഉത്തമന് താല്പര്യമില്ലായിരുന്നു. നാട്ടിലെ നിരവധി കലാകരന്മാരെ സംഭാവന ചെയ്ത ഇദ്ദേഹത്തിന് വിരസത അനുഭവപ്പെടുന്ന സമയത്താണ് ഇത്തരത്തില് പൂന്തോട്ട നിര്മാണവും കരകൗശല നിര്മാണവുമെല്ലാം. മൃദുംഗം, ചെണ്ട, കീബോര്ഡ്, വയലിന്, ഉടുക്ക് തുടങ്ങിയ എല്ലാ സംഗീതോപകരണങ്ങളും ഉത്തമന്റെ പൂന്തോട്ടത്തില് കാണാം. സംഗീതോപകരണങ്ങളില് നിറച്ചിരിക്കുന്ന പൂക്കള് കാഴ്ചയുടെ മനോഹാരിത മാത്രമല്ല ഒരു കലാകാരന്റെ പൂര്ണതയും വെളിവാക്കുന്നു.
ലോക്ഡൗണ് ദിനങ്ങളില് കടകള് തുറക്കാത്തതൊന്നും ഇദ്ദേഹത്തിലെ പ്രതിഭയ്ക്ക് തടസമായില്ല. വീട്ടില് ഉപയോഗ ശൂന്യമായി കിടന്ന പല വസ്തുക്കളും ഉത്തമന്റെ കരവിരുതില് മനോഹര സൃഷ്ടിയായി മാറി. പൂന്തോട്ട നിര്മാണത്തിലും മറ്റ് കലാ പ്രവര്ത്തനങ്ങളിലും ഇദ്ദേഹത്തിന്റെ കുടുംബാംഗങ്ങളും പൂര്ണ പിന്തുണയുമായി ഉത്തമനൊപ്പമുണ്ട്.