നട്ടത് സീതപ്പഴം, കായ്ച്ചത് രുദ്രാക്ഷം! ജിഷ ടീച്ചറിൻ്റെ വീട്ടിലെ കാഴ്ച, വീഡിയോ കാണാം

ഇടുക്കി (Idukki): ഹൈറേഞ്ചിലും രുദ്രാക്ഷമരം പൂക്കുകയും കായ്ക്കുകയും ചെയ്യും. നെടുങ്കണ്ടം ഗവ. യുപി സ്‌കൂള്‍ അധ്യാപിക ജിഷ പ്രസാദിൻ്റെ വീട്ടിലാണ് രുദ്രാക്ഷം പൂത്തു നില്‍ക്കുന്നത്. എട്ടുവര്‍ഷം മുമ്പ് നട്ടതാണ് രണ്ട് തൈകള്‍. ഒന്ന് സീതപ്പഴവും മറ്റൊന്ന് രുദ്രാക്ഷവുമെന്നു പറഞ്ഞാണ് വാങ്ങി നട്ടത്. വൻ മരം വീടിന് മുകളിലേക്ക് വീണു; ഉറങ്ങിക്കിടന്ന വീട്ടുകാർ രക്ഷപെട്ടത് തലനാരിഴക്ക്, വീഡിയോ കാണാം

മരങ്ങള്‍ വളര്‍ന്ന് പൂവിട്ട് കായ്‌ച്ചെങ്കിലും സീതപ്പഴമെന്ന് പറഞ്ഞ് വാങ്ങിയ മരം കായ്ച്ചപ്പോള്‍ ശ്രദ്ധിച്ചില്ല. കായ്കള്‍ വളരട്ടെ എന്നു കരുതിയെങ്കിലും വളരാതെ ഇവ പഴുത്ത് പാകമായി പൊഴിയാന്‍ തുടങ്ങിയപ്പോഴാണ് ഇവ രുദ്രാക്ഷമാണെന്ന് തിരിച്ചറിഞ്ഞത്. രുദ്രാക്ഷമെന്ന് പറഞ്ഞ് വാങ്ങിയത് പൂവിട്ടതുമില്ല. പാകമായി നിലത്തു വീണ 250 ഓളം കായ്കള്‍ പെറുക്കി സൂക്ഷിച്ചിട്ടുണ്ട്.

പത്തുമണി പൂവിലൂടെ വരുമാനം; ക്ലിക്കായി ക്ലിൻ്റിൻ്റെ ഐഡിയ, വീഡിയോ കാണാം

നിത്യഹരിതവനങ്ങളിലും മറ്റും കണ്ടുവരുന്ന ഒരിനം നിത്യഹരിതവൃക്ഷമാണ് രുദ്രാക്ഷം. രുദ്രാക്ഷമരത്തിൻ്റെ കുരുവും രുദ്രാക്ഷം എന്നാണ് അറിയപ്പെടുന്നത്. രുദ്രാക്ഷമരം കൂടുതലായും നേപ്പാളിലും ഉത്തരേന്ത്യന്‍ പ്രദേശങ്ങളിലുമാണ് കാണപ്പെടാറുള്ളത്. രുദ്രാക്ഷങ്ങള്‍ പതിനാല് തരമാണുള്ളത്. രുദ്രാക്ഷം ധരിച്ചാല്‍ പാപം ശമിക്കുമെന്നും ദൈവിക സാമീപ്യമുണ്ടാകുമെന്നുമാണ് വിശ്വാസം.

ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


Topic: Idukki News, Rudraksha Tree in Idukki, Rudraksha Tree