ഇടുക്കി: കുട്ടിക്കാനത്ത് സമീപം ശബരിമല തീർത്ഥാടകരുടെ വാഹനം മറിഞ്ഞ് 15 പേർക്ക് പരിക്കേറ്റു. തിരുവണ്ണാമലയിൽ നിന്ന് ശബരിമലക്ക് പോയ വാഹനമാണ് അപകടത്തിൽപ്പെട്ടത്. കുട്ടിക്കാനം വളഞ്ഞങ്ങാനം വളവിൽ ആണ് അപകടം നടന്നത്. ഡ്രൈവർ ഉൾപ്പെടെ 24 പേരാണ് വാഹനത്തിൽ ഉണ്ടായിരുന്നത്. രാവിലെ പത്ത് മണിയോടെ ആയിരുന്നു അപകടം. അമിത വേഗതയാണ് അപകടത്തിന് കാരണമെന്നാണ് പോലീസിന്റെ പ്രാഥമിക നിഗമനം.
അപകടത്തിൽ പരിക്കേറ്റ നാല് പേരെ പീരുമേട് താലൂക്കാശുപത്രിയിലേക്ക് മാറ്റി. മറ്റെല്ലാവരെയും സ്വകാര്യ ആശുപത്രിയിൽ പ്രാഥമിക ചികിത്സകൾ നൽകി. ആരുടെയും നില ഗുരുതരമല്ല എന്നാണ് ലഭിക്കുന്ന വിവരം. നിയന്ത്രണം നഷ്ട്ടപ്പെട്ട വാഹനം റോഡരുകിൽ തന്നെ മറിയുകയായിരുന്നു. ഹൈവേ പോലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
Read Latest Local News and Malayalam News
ഇടുക്കി ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
വർണാഭമായി പുഷ്പമേള മേളയെ ആകർഷകമാക്കി റോസ്, ജമന്തി, മുല്ല, മെലസ്റ്റോമ, ചൈനീസ് ബാൾസം, അഡീലിയം
എന്റെ കേരളം പ്രദർശന വിപണനമേളയെ വർണാഭമാക്കി സഹകരണ വകുപ്പിന്റെ പുഷ്പമേള. പൂച്ചെടികൾ, മരം-പച്ചക്കറി തൈകൾ ഉൾപ്പടെ വ്യത്യസ്തമായ നൂറിലധികം ചെടികളാണ് പുഷ്പമേളയെ വേറിട്ടതാക്കുന്നത്. വിപണനമേളയിൽ ഏറ്റവുമധികം തിരക്കേറിയ സ്റ്റാളുകളിലൊന്നാണ് പുഷ്പമേളയുടേത്. വിവിധ ഇനം റോസ്, ജമന്തി, മുല്ല, മെലസ്റ്റോമ, ചൈനീസ് ബാൾസം, അഡീലിയം, ഇൻഡോർ പ്ലാന്റ്സ്, കാർണേഷ്യ, ഡയാന്തസ്, ഇലച്ചെടികൾ, ഡാലിയ, സീസിയ, ജർബ്ര തുടങ്ങിയ ചെടികൾ, തായ്ലന്റ് മാവ്, വിയറ്റ്നാം ഏർലി പ്ലാവ്, തായ്ലന്റ്, ഗംഗാബോണ്ടം തെങ്ങുകൾ, ഒരു വർഷം കൊണ്ട് കായഫലം ഉണ്ടാവുന്ന വിവിധ ഇനം പപ്പായ, ചാമ്പക്ക, പേരക്ക, പ്ലാവ് തുടങ്ങിയവയും വിവിധ ഇനം പച്ചക്കറി തൈകളും വിൽപ്പനക്കുണ്ട്. 20 രൂപ മുതൽ 350 രൂപ വരെ വിലയുള്ള ചെടികൾ മേളയിൽ ലഭിക്കും. നെന്മാറ ബ്ലോക്ക് യുവ സഹകരണ സംഘത്തിന്റെ നേതൃത്വത്തിലാണ് പുഷ്പമേള ഒരുക്കിയിരിക്കുന്നത്.