വിനോദ സഞ്ചാര മേഖലകള്‍ അടഞ്ഞുതന്നെ; മൂന്നാറില്‍ ഹോട്ടല്‍ ജീവനക്കാര്‍ പ്രതിസന്ധിയില്‍...

മൂന്നാര്‍ : ലോക്ക് ഡൗണ്‍ ഇളവുകള്‍ ഉണ്ടെങ്കിലും നിലവിലെ സാഹചര്യത്തില്‍ മൂന്നാറിലെ വിനോദ സഞ്ചാര മേഖലകള്‍ അടഞ്ഞു കിടക്കുന്നത് ഹോട്ടല്‍ ഉടമകള്‍ക്കും ജീവനക്കാര്‍ക്കും തിരിച്ചടിയാകുന്നു. മറ്റ് മേഖലകളെ അപേക്ഷിച്ച് വിനോദ സഞ്ചാരികള്‍ എത്തിയില്ലെങ്കില്‍ കച്ചവടമില്ലെന്നതാണ് മൂന്നാറിലെ ഹോട്ടലുകളുടെ പ്രത്യേകത.ഇക്കാരണം കൊണ്ടു തന്നെ ലോക്ക് ഡൗണ്‍ ഇളവ് ലഭിച്ചിട്ടിട്ടും മൂന്നാറിലെ ഭൂരിഭാഗം ഹോട്ടലുകളും അടഞ്ഞ് തന്നെ കിടക്കുകയാണ്.

Also Read: കാസര്‍കോട്ട് കൊവിഡ് ഭീതി വിതച്ച് മഹാരാഷ്ട്രയില്‍ നിന്ന് എത്തുന്നവര്‍, പത്തുപേര്‍ക്കുകൂടി കൊവിഡ്, പിലിക്കോട് ഹോട്ട് സ്പോട്ട്!

പാഴ്സലുകള്‍ നല്‍കാനായി തുറന്നു പ്രവര്‍ത്തിക്കുന്ന ഹോട്ടലുകളില്‍ നടക്കുന്നത് നാമമാത്ര കച്ചവടം മാത്രമാണ്. മൂന്നാറിന്റെ വ്യാപാരമേഖല പതിയെ പതിയെ സാധാരണ നിലയിലേക്ക് മടങ്ങുമ്പോഴും കാര്യമായ ചലനങ്ങള്‍ ഒന്നും ഉണ്ടാകാത്ത വിഭാഗമാണ് മൂന്നാറിലെ ഹോട്ടല്‍ വ്യവസായം. മൂന്നാറിലേക്കെത്തുന്ന വിനോദ സഞ്ചാരികള്‍തന്നെയാണ് മൂന്നാറിന്റെ ഹോട്ടല്‍ മേഖലകളെയും സംരക്ഷിച്ചിരുന്നത്. അപ്രതീക്ഷിതമായെത്തിയ ലോക്ക്ഡൗണിനെ തുടര്‍ന്ന് മൂന്നാറിലെ ചെറുകിട വന്‍കിട ഹോട്ടല്‍ ഉടമകളെ ഒരേ പോലെ പ്രതിസന്ധിയിലാകുകയായിരുന്നു.

Also Read: കാസര്‍കോട്ട് കൊവിഡ് ഭീതി വിതച്ച് മഹാരാഷ്ട്രയില്‍ നിന്ന് എത്തുന്നവര്‍, പത്തുപേര്‍ക്കുകൂടി കൊവിഡ്, പിലിക്കോട് ഹോട്ട് സ്പോട്ട്!

കെട്ടിടവാടകയും മറ്റ് ചിലവുകളും നോക്കിയാല്‍ നിലവിലെ സാഹചര്യത്തിലെ ഈ പ്രതിന്ധി അടുത്ത കാലത്തൊന്നും തീരില്ലെന്നാണ് ഹോട്ടല്‍ ഉടമകള്‍ പറയുന്നത്്.ഉടമകള്‍ക്കു പുറമെ മൂന്നാറിലെ ഹോട്ടല്‍ മേഖലയില്‍ പണിയെടുത്തിരുന്ന തൊഴിലാളികളും ദുരിതബാധിതര്‍ തന്നെ.തൊഴിലും വരുമാനവുമില്ലാതായതോടെ കുടുംബംപുലര്‍ത്താന്‍ പലരും ബന്ധിമുട്ടുന്നു.ഇളവുകളുടെ പശ്ചാത്തലത്തില്‍ തോട്ടം മേഖലകളില്‍ നിന്നാളുകള്‍ ടൗണിലെത്തിയാലും വിനോദസഞ്ചാര മേഖല ഉണര്‍വ്വ് കൈവരിച്ചാലെ മൂന്നാറിന്റെ ഹോട്ടല്‍ വ്യവസായവും സാധരണനിലയിലേക്കെത്തു.