ഇടുക്കി അണക്കെട്ടിലെ ജലനിരപ്പ് 2387.54 ല്‍! ബ്ലൂ അലര്‍ട്ടിലേക്ക്...

ഇടുക്കി: ഇടുക്കി ആര്‍ച്ച് ഡാമിലെ ജലനിരപ്പ് ബ്ലൂ അലര്‍ട്ടിനോട് അടുക്കുന്നു. ഏറ്റവും പുതിയ കണക്കനുസരിച്ച് അണക്കെട്ടിലെ ജലനിരപ്പ് 2387.54 അടിയാണ്. അണക്കെട്ടിലെ ജലനിരപ്പ് 2387.98 അടിയില്‍ എത്തുമ്പോഴാണ് ബ്ലൂ അലര്‍ട്ട് പ്രഖ്യാപിക്കുന്നത്. 2393.98 അടിയിലെത്തുമ്പോള്‍ ഓറഞ്ച് അലര്‍ട്ടും 2394.98 അടിയിലെത്തുമ്പോള്‍ റെഡ് അലര്‍ട്ടും പ്രഖ്യാപിക്കും.

Also Read: രാമക്കൽമേട്ടിലെ ക്രൗഡ് ഹില്‍ റിസോര്‍ട്ട് ഉടമ കൊവിഡ് ബാധിച്ച് മരിച്ചു

കഴിഞ്ഞ ഒരാഴ്ച പെയ്ത ശക്തമായ മഴയില്‍ നീരൊഴുക്ക് വര്‍ധിച്ചതാണ് ജലനിരപ്പ് ഉയരാന്‍ കാരണമായത്. അണക്കെട്ടിലെ ജലനിരപ്പ് ബ്ലൂ അലര്‍ട്ടിലേക്ക് എത്തിയാലും നിലവില്‍ ആശങ്കപ്പെടേണ്ട സാഹചര്യമില്ല. മഴ കുറഞ്ഞതിനാല്‍ അണക്കെട്ടിലേക്ക് ഒഴുകിയെത്തുന്ന ജലത്തിന്റെ അളവില്‍ കുറവ് വന്നിട്ടുണ്ട്. ഇടുക്കി ആര്‍ച്ച് ഡാമിന്റെ പരമാവധി സംഭരണശേഷി 2403 അടിയാണ്.

Also Read: ഭൂമിക്കായുള്ള കാത്തിരിപ്പ് തുടങ്ങിയിട്ട് 15 വർഷം; ജീവൻ പണയം വെച്ചാണ് കഴിയുന്നതെന്ന് അന്തോണിയാർ കോളനി നിവാസികൾ

2018 ലാണ് ഏറ്റവും ഒടുവില്‍ ഇടുക്കി അണക്കെട്ടിന്റെ ഭാഗമായ ചെറുതോണി അണക്കെട്ടുകളുടെ ഷട്ടര്‍റുകള്‍ തുറന്നത്. ഇക്കുറി കാലവര്‍ഷം ശക്തിപ്രാപിച്ച സമയങ്ങളില്‍ ജലനിരപ്പ് ഉയര്‍ന്നത് ആശങ്ക ജനിപ്പിച്ചിരുന്നെങ്കിലും ഇടയ്ക്ക് മഴ കുറഞ്ഞത് ഏറെ ആശ്വാസമായി. അണക്കെട്ടിലെ പരമാവധി ജലസംഭരണശേഷിയുടെ 82.29 ശതമാനം വെള്ളമാണ് ഇപ്പോള്‍ അണക്കെട്ടിലുള്ളത്.


ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ