മലോയരമേഖലകളിൽ കാട്ടാന ശല്യം രൂക്ഷം; ജനജീവിതം ദുസഹമാകുന്നു: പ്രതിരോധം ഫലപ്രദമല്ലെന്ന് ആരോപണം

ഇടുക്കി: ദിവസങ്ങള്‍ കഴിയുന്തോറും മലയോര മേഖലയില്‍ കാട്ടാന ശല്യം വര്‍ധിച്ചു വരുന്നത് കര്‍ഷകരുടെ സ്വൈര്യ ജീവിതത്തിനും കാര്‍ഷിക മേഖലക്കും തിരിച്ചടിയാകുന്നു. മറയൂര്‍,മൂന്നാര്‍,മാങ്കുളം,ചിന്നക്കനാല്‍,അടിമാലി,ശാന്തമ്പാറ,വട്ടവട പഞ്ചായത്തുകളിലാണ് കാട്ടാന ശല്യം രൂക്ഷമായിട്ടുള്ളത്.പ്രതിരോധ സംവിധാനങ്ങള്‍ പൂര്‍ണ്ണമായി ഫലപ്രാപ്തിയിലെത്താത്തതും നാശനഷ്ടങ്ങള്‍ക്ക് നഷ്ടപരിഹാരം ലഭിക്കാന്‍ കാലതാമസം നേരിടുന്നതും കര്‍ഷകര്‍ക്ക് വെല്ലുവിളി ഉയര്‍ത്തുന്നു.

Also Read: അടിമാലി താലൂക്ക് ആശുപത്രിയിലെ ഡയാസിസ് യൂണിറ്റില്‍ രഹസ്യ നിയമനമെന്ന് ആരോപണം

ദിവസങ്ങള്‍ കഴിയുന്തോറും കാട്ടാനകള്‍ ഇറങ്ങുന്ന ജനവാസമേഖലകളുടെ വ്യാപ്തി മലയോര മേഖലയില്‍ വര്‍ധിക്കുകയാണ്.ചോര നീരാക്കുന്ന മലയോര കര്‍ഷകര്‍ക്കിത് ചെറിയ ബുദ്ധിമുട്ടല്ലഉണ്ടാക്കുന്നത്.രാത്രി കാലങ്ങളില്‍ ആനകളെ ഭയന്ന് ജീവിക്കണമെന്നതിനപ്പുറം കാട്ടാനകള്‍ കാര്‍ഷിക മേഖലയില്‍ വരുത്തുന്ന നാശം ഓരോ കര്‍ഷകനും വലിയ കണ്ണുനീരാണ് സമ്മാനിക്കുന്നത്. ഉണ്ടെന്ന് പറയുന്ന പ്രതിരോധ നടപടികള്‍ ഒന്നും നിലവില്‍ കാട്ടനയില്‍ നിന്നും കര്‍ഷകരെ രക്ഷിക്കാന്‍ പര്യാപ്തമല്ല.

മറയൂര്‍,മൂന്നാര്‍,മാങ്കുളം,ചിന്നക്കനാല്‍,അടിമാലി,ശാന്തമ്പാറ,വട്ടവട പഞ്ചായത്തുകളിലാണ് കാട്ടാന ശല്യം രൂക്ഷമായിട്ടുള്ളത്. മുമ്പെങ്ങും കാട്ടാനകള്‍ എത്താതിരുന്ന പലയിടങ്ങളിലുമിപ്പോള്‍ ആനകള്‍ സ്വൈര്യവിഹാരം നടത്തുന്നു. വാഴ,കരിമ്പ്,തെങ്ങ്,കമുക്,ഏലം,മരച്ചീനി,പച്ചക്കറികള്‍ മുതലായ കൃഷികള്‍ക്കാണ് കാട്ടാന ആക്രമണത്തില്‍ വ്യാപക നാശം സംഭവിക്കുന്നത്.കടകള്‍ക്കും വീടുകള്‍ക്കും നേരെയും ആക്രമണമുണ്ടാകുന്നു.

Also Read: മാങ്കുളത്ത് അയല്‍വാസിയെ കൊലപ്പെടുത്തിയ സംഭവം; പ്രതി പിടിയില്‍

പ്രതിരോധ സംവിധാനങ്ങള്‍ ഒരുക്കുന്നുണ്ടെങ്കിലും അവ മതിയാകാതെ വരുന്നതായി കര്‍ഷകര്‍ പരാതി ഉന്നയിക്കുന്നു.തീര്‍ത്തിട്ടുള്ള പ്രതിരോധ മാര്‍ഗ്ഗങ്ങള്‍ പലയിടത്തും നാശത്തിന്‍റെ വക്കിലാണ്.നാശനഷ്ടങ്ങള്‍ക്ക് നഷ്ടപരിഹാരം ലഭിക്കാന്‍ കാലതാമസം നേരിടുന്നതും പലപ്പോഴും മതിയായ നഷ്ട പരിഹാരം ലഭിക്കാത്തതും കര്‍ഷകര്‍ക്ക് വെല്ലുവിളിയാകുന്നു.

ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ