സിനിമാ കാണാനായി തിയറ്ററിൽ എത്തിയെങ്കിലും ടിക്കറ്റ് കിട്ടിയില്ല
സിനിമാ കാണാനായി തിയറ്ററിൽ എത്തിയെങ്കിലും ടിക്കറ്റ് കിട്ടിയില്ല. തുടർന്ന് അഞ്ചുരുളി വിനോദ സഞ്ചാര കേന്ദ്രത്തിലേയ്ക്ക് പോയി. ഇവിടെ മദ്യപിച്ചിരിക്കെ ഇതുവഴിയെത്തിയ പെരുമ്പാവൂർ പോത്താശേരി സ്വദേശി രാജിത്തിൻ്റെ ഭാര്യയോട് അശ്ലീല ചുവയോടെ മോശമായി സംസാരിച്ചു. ഇത് ചോദ്യം ചെയ്ത രാജ്യത്തിനെ അടിച്ച് നിലത്ത് വീഴിച്ച് സംഘം ചേർന്ന് കൂട്ടമായി ചവിട്ടുകയും മർദിക്കുകയുമായിരുന്നു.
സ്ത്രീകളെയും നാട്ടുകാരെയും ഉപദ്രവിച്ചു
ഭർത്താവിനെ മർദിക്കുന്നത് തടസം പിടിക്കാനെത്തിയ രാജിത്തിൻ്റെ ഭാര്യയെ തള്ളി നിലത്ത് വീഴ്ത്തിയ ശേഷം മർദിക്കാൻ ശ്രമിച്ചു. അക്രമം കണ്ട് കുട്ടികൾ ഭയന്നോടി മാറിയതിനാൽ അവർ അക്രമണത്തിൽ നിന്നും രക്ഷപ്പെട്ടു. സംഘർഷം കണ്ട് തടസം പിടിക്കാനെത്തിയ സമീപത്തെ കടയുടമകളെയും സംഘം മർദിച്ചു. തുടർന്ന് വാഹനത്തിൽ കയറി രക്ഷപ്പെടാൻ ശ്രമിച്ചെങ്കിലും കക്കാട്ടുക്കടയിൽ നാട്ടുകാർ ചേർന്ന് ഇവരെ തടയുകയായിരുന്നു. എന്നാൽ ഇവരേയും യുവാക്കളുടെ സംഘം ആക്രമിച്ചു. ഇരുക്കുട്ടരും തമ്മിൽ. വലിയ സംഘർഷത്തിലേയ്ക്ക് നീങ്ങുന്നതിനിടയിലാണ് വിവരമറിഞ്ഞെത്തിയ കട്ടപ്പന പോലീസ് അക്രമിസംഘത്തെ കസ്റ്റഡിയിലെടുത്തത്.
വധശ്രമം ഉൾപ്പെടെയുള്ള വകുപ്പുകൾ
നാലംഗ കുടുംബത്തിന് നേരെ ആക്രമണം നടത്തിയ യുവാക്കളെ റിമാൻഡ് ചെയ്തു. സംഘം ചേർന്ന് വധിക്കാൻ ശ്രമിച്ചതടക്കമുള്ള വകുപ്പുകൾ ചുമത്തിയാണ് പ്രതികളെ ജയിലിലടച്ചത്. സംഭവത്തിൽ വണ്ടൻമേട് മാലി, തമിഴ്നാട് കമ്പം സ്വദേശികളായ പ്രശാന്ത്, ശബരി, പ്രശാന്ത് ശക്‌തിവേൽ, അജിത്, അജിത് അന്തോണി രാജ്, വിവിശൻ, മനോജ്, സുധീഷ് , അരുൺ ജയകുമാർ, വിജയ്, സതീഷ്, സൂര്യ സുരേഷ്, കുന്തളംപാറ സ്വദേശി രഘു, ഒരു പതിനേഴ് വയസുകാരൻ എന്നിവരെയാണ് പൊലീസ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.