കൊവിഡ് രോഗിയായ അമ്മയെ ആംബുലന്‍സില്‍ കയറ്റി വിട്ടു; തിരിച്ചു വന്ന മകന് അയല്‍വാസികളുടെ ക്രൂര മര്‍ദ്ദനം, സംഭവം ഇടുക്കിയില്‍
സംഭവത്തില്‍ ഉടുമ്പന്‍ചോല പോലീസ് കേസെടുത്തു. തമിഴ്നാട്ടില്‍ ബന്ധുവിന്‍റെ മരണാനന്തര ചടങ്ങില്‍ പങ്കെടുത്തതിനു ശേഷം തിരികെ എത്തിയ കുമരേശനും കുടുംബാഗങ്ങളും വീട്ടില്‍ നിരീക്ഷണത്തില്‍ കഴിയുകയായിരുന്നു. ഇതിനിടയല്‍ അമ്മയ്ക്ക് കൊവിഡ് സ്ഥിരീകരിച്ചു.
| Edited by Samayam Desk | Lipi3 Aug 2020, 4:47 pm
രാജാക്കാട് : ചെമ്മണ്ണാര്‍ സ്വദേശിയായ കുമരേശനാണ് ഇത്തരത്തില്‍ നാട്ടുകാരുടെ മര്‍ദ്ദനമേറ്റത്. ഇദ്ദേഹത്തിന്‍റെ അമ്മയ്ക്ക് കഴിഞ്ഞ ദിവസം കൊവിഡ് സ്ഥിരീകരിച്ചിരുന്നു.തുടര്‍ന്ന് വീട്ടില്‍ നിന്ന് കൊവിഡ് സെന്‍ററിലേക്ക് എത്തിക്കാനായ ആംബുലന്‍സില്‍ കയറ്റിവിട്ടശേഷം മടങ്ങിയെത്തിയപ്പോഴാണ് അയല്‍വാസികള്‍ ഇദ്ദേഹത്തിനെ മര്‍ദ്ദിച്ചതെന്നാണ് പരാതി. മടങ്ങിയെത്തിയ തന്നെ അയല്‍ വാസികളായ ആറുപേര്‍ ചേര്‍ന്ന് മര്‍ദ്ദിക്കുകയായിരുന്നുവെന്ന് കുമരേശന്‍ പറഞ്ഞു.
സംഭവത്തില്‍ ഉടുമ്പന്‍ചോല പോലീസ് കേസെടുത്തു. തമിഴ്നാട്ടില്‍ ബന്ധുവിന്‍റെ മരണാനന്തര ചടങ്ങില്‍ പങ്കെടുത്തതിനു ശേഷം തിരികെ എത്തിയ കുമരേശനും കുടുംബാഗങ്ങളും വീട്ടില്‍ നിരീക്ഷണത്തില്‍ കഴിയുകയായിരുന്നു. ഇതിനിടയല്‍ അമ്മയ്ക്ക് കൊവിഡ് സ്ഥിരീകരിച്ചു. രോഗിയെ കൊണ്ടു പോകാനായി വീടിന്‍റെ സമീപത്തേക്ക് ആംബുലന്‍സിനു എത്താന്‍ കഴിയാത്തതിനാല്‍ ആരോഗ്യ വകുപ്പ് അധികൃതരുടെ നിര്‍ദേശപ്രകാരം കുമരേശന്‍ സ്വന്തം വാഹനത്തില്‍ അമ്മയെ ആംബുലന്‍സില്‍ എത്തിക്കുകയും ചെയ്തു.
എന്നാല്‍ തിരികെ വീട്ടിലേക്ക് മടങ്ങി എത്തിയപ്പോള്‍ പ്രദേശവാസികളായ ചിലര്‍ ക്വാറന്‍റൈന്‍ ലംഘിച്ചെന്നാരോപിച്ചാണ് ഇദ്ദേഹത്തിന മര്‍ദ്ദിച്ചത്. മര്‍ദ്ദനത്തില്‍ ഇദ്ദേഹത്തിന്‍റെ നെറ്റിക്കും മുറിവേറ്റു. കൊവിഡ് നിരീക്ഷണത്തിലായിരുന്നതിനാല്‍ ഇദ്ദേഹത്തെയും ജില്ലാ മെഡിക്കല്‍ കോളേജിലേക്ക് മാറ്റി.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
