നറുക്കെടുപ്പില് കിട്ടിയ 10 പവന് ഡിസിസി നേതാവ് തട്ടിയെടുത്തു; പരാതിയുമായി യൂത്ത് കോണ്ഗ്രസ് നേതാവ്
യൂത്ത് കോണ്ഗ്രസ് വെള്ളിയാമറ്റം മണ്ഡലം പ്രസിഡന്റും കെഎസ്ആര്ടിസി കണ്ടക്ടറുമായ എംആര് അജിത്തിന്റെ പരാതിയിലാണ് നടപടി. ഒരു വര്ഷം മുമ്പാണ് ഖാദി ബോര്ഡിന്റെ സമ്മാന കൂപ്പണ് നറുക്കെടുപ്പില് അജിത്തിന് 10 പവന് സമ്മാനം ലഭിച്ചത്.
തൊടുപുഴ: ഖാദി ബോര്ഡ് ഓണസമ്മാന പദ്ധതിയിലെ കൂപ്പണ് നറുക്കെടുപ്പിലൂടെ ലഭിച്ച 10 പവന് സ്വര്ണം ഡിസിസി ജനറല് സെക്രട്ടറി തട്ടിയെടുത്തെന്ന കേസില് അന്വേഷണം നടത്തി നടപടി സ്വീകരിക്കാന് ജില്ലാ കോടതി ഉത്തരവിട്ടു. യൂത്ത് കോണ്ഗ്രസ് വെള്ളിയാമറ്റം മണ്ഡലം പ്രസിഡന്റും കെഎസ്ആര്ടിസി കണ്ടക്ടറുമായ എംആര് അജിത്തിന്റെ പരാതിയിലാണ് നടപടി.
ഒരു വര്ഷം മുമ്പാണ് അജിത്ത് തൊടുപുഴയിലെ ഖാദി ബോര്ഡ് റീട്ടെയില് ഷോപ്പില് നിന്നും ഇന്സ്റ്റാള്മെന്റ് വ്യവസ്ഥയില് തുണി വാങ്ങിയത്. ഡിസിസി സെക്രട്ടറിയായ ജിയോ മാത്യുവും അജിത്തിന്റെ ക്രെഡിറ്റ് സൗകര്യം ഉപയോഗിച്ച് തുണി വാങ്ങിയിരുന്നു. അജിത്തിനാണ് സമ്മാന കൂപ്പണ് ലഭിച്ചത്. നറുക്കെടുപ്പില് 10 പവന് സ്വര്ണാഭരണം ഈ കൂപ്പണ് ലഭിക്കുകയും ചെയ്തു.
Also Read: 'കോടതി മുറിയിൽ വക്കീല് അപമാനിച്ചു, പോലീസുകാരി വഴക്കുപറഞ്ഞു, ഒപ്പം നിൽക്കേണ്ടവരും കൈയൊഴിഞ്ഞു'; ആംബുലൻസ് പീഡനം അതിജീവിച്ച 19 കാരി പറയുന്നു
മന്ത്രി ഇപി ജയരാജനില് നിന്നും സമ്മാനം കൈപ്പറ്റാന് അജിത്തിനൊപ്പം ജിയോ മാത്യുവും തിരുവനന്തപുരത്തേയ്ക്ക് പോയിരുന്നു. മടങ്ങി വരുമ്പോള്geo mathew ഈ സ്വര്ണം തട്ടിയെടുത്തെന്നാണ് അജിത്തിന്റെ പരാതി. ഇക്കാര്യം ചൂണ്ടിക്കാട്ടി ജിയോ മാത്യു ഡിസിസി നേതൃത്വത്തിന് പരാതി നല്കിയിരുന്നു. തൊടുപുഴ പോലീസിലും പരാതി നല്കിയിരുന്നു. തുടര് നടപടികള് ഉണ്ടാകാതിരുന്ന സാഹചര്യത്തിലാണ് ജില്ലാ കോടതിയില് സ്വകാര്യ അന്യായം ഫയല് ചെയ്തത്.
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ