കണ്ണൂരിൽ 142 പേർക്ക് കൊവിഡ്; 3 ആരോഗ്യ പ്രവർത്തകർക്കും രോഗം

കണ്ണൂർ: കണ്ണൂർ ജില്ലയില്‍ സമൂഹ വ്യാപന ഭീതി പരത്തി കൊണ്ട് 142 പേര്‍ക്ക് കൂടി പുതുതായി കൊവിഡ് സ്ഥിരീകരിച്ചു. ഇതിൽ ഒരാള്‍ വിദേശത്തു നിന്നും 20 പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. മൂന്ന് ആരോഗ്യ പ്രവര്‍ത്തകര്‍ക്കും പുതുതായി രോഗം സ്ഥിരീകരിച്ചു.

Also Read: കണ്ണൂര്‍ വിമാനത്താവളത്തിൽ നിന്നും വീണ്ടും സ്വര്‍ണ്ണം പിടികൂടി; മാഹി സ്വദേശിയില്‍ നിന്ന് പിടികൂടിയത് അരക്കോടിയോളം രൂപ വിലമതിക്കുന്ന സ്വര്‍ണ്ണം

ഇതോടെ ജില്ലയില്‍ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 3809 ആയി. ഇവരില്‍ പുതുതായി രോഗമുക്തി നേടിയ 123 പേരടക്കം 2787 പേര്‍ ആശുപത്രി വിട്ടു. കൊവിഡ് സ്ഥിരീകരിച്ച 26 പേര്‍ മരണപ്പെട്ടു. ബാക്കി 985 പേര്‍ ആശുപത്രികളില്‍ ചികിത്സയിലാണ്.

Also Read: 'ഒരു ലോക്കല്‍ കമ്മിറ്റി 400 കമൻ്റുകള്‍ വരെ ഇടണം'; അണികള്‍ക്ക് നിര്‍ദേശവുമായി എം വി ജയരാജൻ, ഓഡിയോ സന്ദേശം പുറത്ത്

കൊവിഡുമായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 11,612 പേരാണ്. ഇവരില്‍ അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററില്‍ 212 പേരും കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ 158 പേരും തലശേരി ജനറല്‍ ആശുപത്രിയില്‍ 41 പേരും കണ്ണൂര്‍ ജില്ലാ ആശുപത്രിയില്‍ 43 പേരും കണ്ണൂര്‍ ആസ്റ്റര്‍ മിംസ് ആശുപത്രിയില്‍ 21 പേരും ധനലക്ഷ്മി ആശുപത്രിയില്‍ ഒരാളും തലശേരി ഇന്ദിരാ ഗാന്ധി ജനറല്‍ ആശുപത്രിയില്‍ രണ്ട് പേരും ഫസ്റ്റ് ലൈന്‍ കൊവിഡ് ട്രീറ്റ്മെന്റ് സെന്ററുകളില്‍ 418 പേരും വീടുകളില്‍ 10717 പേരുമാണ് നിരീക്ഷണത്തിലുള്ളത്.

Also Read: പയ്യാവൂരിലെ കൂട്ട ആത്മഹത്യ: യുവതിയും മകളും ജീവനൊടുക്കിയതിനു പിന്നിൽ ബ്ലേഡ് മാഫിയ? ക്രൈം ബ്രാഞ്ച് അന്വേഷണം


കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ