അഞ്ചരക്കണ്ടിയിൽ കുടുംബാരോഗ്യ കേന്ദ്രത്തിൻ്റെ കെട്ടിടം തകര്‍ന്നു; 2 പേർക്ക് പരിക്ക്

കണ്ണൂര്‍: അഞ്ചരക്കണ്ടി കണ്ണാടിവെളിച്ചത്ത് നിര്‍മ്മാണത്തിനിടെ കുടുംബാരോഗ്യ കേന്ദ്രത്തിൻ്റെ കെട്ടിടം തകര്‍ന്ന് രണ്ടുപേര്‍ക്ക് പരിക്ക്. പഞ്ചായത്ത് കുടുംബാരോഗ്യ കേന്ദ്രത്തിനായി നിര്‍മ്മിക്കുന്ന കെട്ടിടത്തിൻ്റെ ചുമരും കോണ്‍ക്രീറ്റ് ബീമുമാണ് തകര്‍ന്നത്. അപകടത്തിൽ പരിക്കേറ്റവരെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.

Also Read: കൊവിഡ് ചികിത്സയിൽ പുതുചരിത്രം കുറിച്ച് പരിയാരം; മന്ത്രിയും എംഎൽഎയുമടക്കം ചികിത്സ തേടിയെത്തിയത് ആയിരത്തിലേറെപ്പേർ

ബീമിൻ്റെ നിര്‍മ്മാണം നടക്കുന്നതിനിടയിലാണ് അപകടം. കെട്ടിടത്തിൻ്റെ നിര്‍മ്മാണത്തില്‍ അപാകതയുണ്ടെന്ന് നേരത്തെ ആരോപണമുയര്‍ന്നിരുന്നു. ഓഗസ്റ്റ് മൂന്നിനായിരുന്നു കണ്ണാടിവെളിച്ചത്തെ അഞ്ചരക്കണ്ടി പഞ്ചായത്ത് പ്രാഥമിക ആരോഗ്യകേന്ദ്രം കുടുംബാരോഗ്യ കേന്ദ്രമായി ഉയര്‍ത്തുന്നതിൻ്റെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചത്.

Also Read: കതിരൂർ സ്ഫോടനം: ഇരു കൈകളും നഷ്ടപ്പെട്ട യുവാവ് റിമാൻഡിൽ


കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ