കണ്ണൂര്: വീടിന്റെ ഒന്നാം നിലയില് സിന്തറ്റിക്ക് മയക്കുമരുന്ന് ശേഖരം സൂക്ഷിച്ച യുവാവ് അറസ്റ്റില്. പന്ത്രണ്ട് ലക്ഷം രൂപയുടെ എംഡിഎംഎയുമായാണ് യുവാവ് പിടിയിലായത്. രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയിൽ എളമ്പേരം പാറയിലെ ചെറുകുന്നോന്റകത്ത് മൂസാന്കുട്ടിയെയാ(21 )ണ് തളിപറമ്പ് റെയ്ഞ്ച് ഇന്സ്പെക്ടര് വി വിപിന്കുമാറും സംഘവും പിടികൂടിയത്.
തളിപറമ്പ് കോടതിയില് ഹാജരാക്കിയ മൂസാന്കുട്ടിയെ റിമാന്ഡ് ചെയ്തു. ക്രിസ്തുമസ്, പുതുവത്സരാഘോഷത്തിന്റെ ഭാഗമായി കണ്ണൂര് ജില്ലയിലേക്ക് മയക്കുമരുന്ന് കടത്തുന്നതിനെതിരെ എക്സൈസും പോലിസും പരിശോധന ശക്തമാക്കിയിരിക്കുകയാണ്. ഈ സാഹചര്യത്തില് നിരവധി കേസുകളാണ് പിടികൂടുന്നത്.
Read Latest Local News and Malayalam News
കണ്ണൂര് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
സംസ്ഥാനത്ത് സംരംഭങ്ങൾക്ക് സൗഹൃദ അന്തരീക്ഷം; മന്ത്രി പി രാജീവ്
സംസ്ഥാനത്ത് സംരംഭങ്ങൾ ആരംഭിക്കാൻ സൗഹൃദ അന്തരീക്ഷമാണെന്ന് വ്യവസായ വകുപ്പ് മന്ത്രി പി രാജീവ്. കുറ്റ്യാടി മണ്ഡലത്തിൽ ആരംഭിക്കുന്ന നാളീകേര പാർക്കിന്റെ ശിലാസ്ഥാപനം നിർവഹിച്ച് സംസാരിക്കുകയായിരുന്നു അദ്ദേഹം. സംസ്ഥാനത്ത് 8 മാസം കൊണ്ട് 1 ലക്ഷം പുതിയ സംരംഭങ്ങൾക്കാണ് തുടക്കമായത്. ഇതിലൂടെ നിരവധി പേർക്ക് തൊഴിലും ലഭിച്ചു. സംരംഭങ്ങൾ തുടങ്ങാനുള്ള സാധ്യതകളെ ഉപയോഗപ്പെടുത്തി കുറ്റ്യാടിയിലും ചെറുകിട സംരംഭങ്ങൾ ആരംഭിക്കണമെന്നും സർക്കാരിന്റെ എല്ലാവിധ സഹായങ്ങളും ഉണ്ടാവുമെന്നും മന്ത്രി പറഞ്ഞു.
നാളീകേര പാർക്ക് യാഥാർഥ്യമാവുന്നതോടെ പ്രാദേശത്തെ സമ്പദ്ഘടനയിലും അടിമുടി മാറ്റമുണ്ടാകും. 2024 സാമ്പത്തിക വർഷം മുഖ്യമന്ത്രി പിണറായി വിജയൻ പാർക്ക് ഉദ്ഘാടനം ചെയ്യുമെന്നും മന്ത്രി പറഞ്ഞു. നാളികേര അധിഷ്ഠിത ഉല്പന്നങ്ങൾ ഉൽപ്പാദിപ്പിച്ച് കുറ്റ്യാടി തേങ്ങക്ക് ഡിമാൻഡ് വർധിപ്പിക്കുകയാണ് പാർക്കിലൂടെ ലക്ഷ്യമിടുന്നത്. പദ്ധതിക്കായി 7.53 കോടി രൂപ ചിലവാണ് പ്രതീക്ഷിക്കുന്നത്. പ്രവൃത്തികൾ 2023 ഡിസംബർ മാസത്തോടെ പൂർത്തിയാക്കും. ചടങ്ങിൽ കെ.പി കുഞ്ഞമ്മദ് കുട്ടി മാസ്റ്റർ എംഎൽഎ അധ്യക്ഷത വഹിച്ചു.