കണ്ണൂരിൽ 310 പേർക്ക് കൂടി കൊവിഡ്; തിങ്കളാഴ്ച 23 ആരോഗ്യ പ്രവർത്തകർക്കും രോഗബാധ
ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 10532 ആയി. ഇവരില്‍ 127 പേര്‍ ഇന്ന് രോഗമുക്തി നേടി. അതോടെ രോഗം ഭേദമായവരുടെ എണ്ണം 6366 ആയി.
കണ്ണൂര്‍: കൊവിഡ് സമുഹ വ്യാപനതോത് അറിയുന്നതിനായി കണ്ണൂരിൽ ആന്‍റിജൻ പരിശോധന വ്യാപിപ്പിക്കുന്നു. ഇതോടെ വരും ദിനങ്ങളിൽ രോഗബാധിതരുടെ എണ്ണം ക്രമാതീതമായി കൂടുമെന്നാണ് ആരോഗ്യ വകുപ്പിന്‍റെ കണക്കുകൂട്ടൽ. ജില്ലയിൽ ആരോഗ്യ പ്രവർത്തകരുടെ എണ്ണത്തിൽ പോസറ്റീവ് കേസുകൾ കൂടുന്നത് കൊവിഡ് പ്രതിരോധ പ്രവർത്തനങ്ങളെ പ്രതികൂലമായി ബാധിക്കുന്നുണ്ട്. ഇത് വരും ദിനങ്ങളിൽ കൂടുതൽ സുരക്ഷാ ക്രമീകരണങ്ങളൊരുക്കി കുറയ്ക്കാനാണ് ജില്ലാ ഭരണകൂടം ശ്രമിക്കുന്നത്.
ഇതിനിടെ കണ്ണൂർ ജില്ലയില്‍ 310 പേര്‍ക്ക് കൂടി പുതുതായി കൊവിഡ് വൈറസ് രോഗ ബാധ സ്ഥിരീകരിച്ചിട്ടുണ്ട്. 251 പേര്‍ക്ക് സമ്പര്‍ക്കം മൂലമാണ് രോഗബാധ. ഇതിൽ ആറ് പേര്‍ വിദേശത്തു നിന്നും 30 പേര്‍ ഇതര സംസ്ഥാനങ്ങളില്‍ നിന്നും എത്തിയവരും 23 പേര്‍ ആരോഗ്യ പ്രവര്‍ത്തകരുമാണ്. ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 10532 ആയി. ഇവരില്‍ 127 പേര്‍ ഇന്ന് രോഗമുക്തി നേടി. അതോടെ രോഗം ഭേദമായവരുടെ എണ്ണം 6366 ആയി.
കൊവിഡ് ബാധിച്ച് മരിച്ച 42 പേര്‍ ഉള്‍പ്പെടെ 98 കൊവിഡ് പോസിറ്റീവ് രോഗികള്‍ മരണപ്പെട്ടു. ബാക്കി 3758 പേര്‍ ചികിത്സയിലാണ്. ജില്ലയില്‍ നിലവിലുള്ള കൊവിഡ് പോസിറ്റീവ് കേസുകളില്‍ 2699 പേര്‍ വീടുകളിലും ബാക്കി 1059 പേര്‍ വിവിധ ആശുപത്രികളിലും സിഎഫ്എല്‍ടിസികളിലുമായാണ് ചികിത്സയില്‍ കഴിയുന്നത്. അഞ്ചരക്കണ്ടി കൊവിഡ് ട്രീറ്റ്മെന്റ് സെന്‍റര്‍- 236, കണ്ണൂര്‍ ഗവ. മെഡിക്കല്‍ കോളേജ്- 154, തലശ്ശേരി ജനറല്‍ ആശുപത്രി- 62, കണ്ണൂര്‍ ജില്ലാ ആശുപത്രി- 43, കണ്ണൂര്‍ ആസ്റ്റര്‍ മിംസ്- 16, ചെറുകുന്ന് എസ്എംഡിപി- 6, തലശ്ശേരി ഇന്ദിരാഗാന്ധി ജനറല്‍ ആശുപത്രി- 30, എകെജി ആശുപത്രി- 34, ധനലക്ഷ്മി -8, ജിം കെയര്‍- 42, ടെലി ആശുപത്രി- 8, ആര്‍മി ആശുപത്രി- 2, നേവി - 2, ലൂര്‍ദ് - 2, ജോസ്ഗിരി- 5, തലശ്ശേരി കോപ്പറേറ്റീവ് ആശുപത്രി- 4, തളിപ്പറമ്പ് കോപ്പറേറ്റീവ് ആശുപത്രി- 3, എം.സി.സി- 7, കൊയിലി- 5, ആശിര്‍വാദ് -2, മാങ്ങാട്ടുപറമ്പ് അമ്മയും കുഞ്ഞും ആശുപത്രി- 2, സ്‌പെഷ്യലിറ്റി- 1, വിവിധ ഫസ്റ്റ് ലൈന്‍ കൊവിഡ് ട്രീറ്റ്മെന്റ് സെന്‍ററുകള്‍ - 329. Also Read: തിരുവനന്തപുരം, നെയ്യാറ്റിന്‍കര താലൂക്കുകള്‍ ലോക്ക് ഡൗണിലേക്ക്? കര്‍ശന നിയന്ത്രണം വേണമെന്ന് ജില്ലാ ഭരണകൂടം
ജില്ലയ്ക്ക് പുറത്തുള്ള വിവിധ ആശുപത്രികളിലും സിഎഫ്എല്‍ടിസികളിലുമായി 54 പേരും ചികിത്സയിലുണ്ട്. കൊവിഡ് 19മായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 15168 പേരാണ്. ഇതില്‍ 14006 പേര്‍ വീടുകളിലും 1162 പേര്‍ ആശുപത്രികളിലുമാണ് നിരീക്ഷണത്തില്‍ കഴിയുന്നത്. ജില്ലയില്‍ നിന്ന് ഇതുവരെ 123532 സാമ്പിളുകള്‍ പരിശോധനയ്ക്ക് അയച്ചതില്‍ 123134 എണ്ണത്തിന്‍റെ ഫലം വന്നു. 398 എണ്ണത്തിന്‍റെ ഫലം ലഭിക്കാനുണ്ടെന്ന് ജില്ലാ കലക്ടർ ടിവി സുഭാഷ് അറിയിച്ചു. കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
