കണ്ണൂർ വിമാനത്താവളത്തിൽ വീണ്ടും സ്വർണവേട്ട; 64 ലക്ഷത്തിൻ്റെ സ്വർണം പിടികൂടി

കണ്ണൂര്‍: കണ്ണൂര്‍ അന്താരാഷ്ട്ര വിമാനത്താവളത്തില്‍ വീണ്ടും സ്വര്‍ണം പിടികൂടി. 64.5 ലക്ഷത്തിൻ്റെ സ്വര്‍ണവുമായി മൂന്ന് കര്‍ണാടക സ്വദേശികളാണ് കസ്റ്റംസ് പിടിയിലായത്. കര്‍ണാടക ബട്കല്‍ സ്വദേശി മുഹമ്മദ് ഷമ്മാസ്, ഉഡുപ്പി സ്വദേശി മുക്താര്‍ അഹമ്മദ് സിറാജുദ്ദീന്‍, ഷബാസ് അഹമ്മദില്‍ എന്നിവരില്‍ നിന്നും 1322 ഗ്രാം സ്വര്‍ണമാണ് പിടികൂടിയത്. സംശയം തോന്നിയതിനെ തുടർന്ന് കസ്റ്റംസ് നടത്തിയ വിശദ പരിശോധനയിലാണ് ഗുളിക രൂപത്തിലും വസ്ത്രങ്ങള്‍ക്കിടയില്‍ ബെല്‍റ്റ് രൂപത്തില്‍ ഒളിപ്പിച്ചുവെച്ച നിലയിലും സ്വര്‍ണം കണ്ടെത്തിയത്. വിദേശത്തു നിന്നും കടത്തിയ സ്മാർട്ട് ഫോണും ഇവരിൽ നിന്നു പിടികൂടിയിട്ടുണ്ട്.

Also Read: കണ്ണവത്തെ സലാഹുദ്ദീൻ വധം; ഉന്നത ഗൂഡാലോചന പുറത്തു കൊണ്ടുവരണം, ഇടത് ഭരണത്തിലും പ്രതികള്‍ വിലസിനടക്കുന്നെന്ന് എസ്ഡിപിഐ

കണ്ണൂര്‍ രാജ്യാന്തര വിമാനത്താവളം വഴി സ്വർണക്കടത്ത് വ്യാപകമാകുന്ന പശ്ചാത്തലത്തിൽ കസ്റ്റംസ് ജാഗ്രത ശക്തമാക്കിയിട്ടുണ്ട്.
വിമാനത്താവളം പ്രവർത്തനമാരംഭിച്ചു രണ്ടുവർഷം തികയാനിരിക്കെ കഴിഞ്ഞ കാലങ്ങളിലായി 85.9 കിലോഗ്രാം സ്വര്‍ണമാണ്
പിടികൂടിയത്. 34 കോടി രൂപ വിലമതിക്കുന്ന സ്വർണമാണ് രണ്ടുവർഷത്തിനുള്ളിൽ പിടികൂടിയത്. വിമാനത്താവളത്തിലെ എയര്‍
കസ്റ്റംസ്‌ 3,11,087,791 രൂപ വരുന്ന 74.9 കിലോ സ്വര്‍ണവും ഡയറക്‌ടറേറ്റ്‌ ഓഫ്‌ റവന്യൂ ഇന്‍റലിജന്‍സ്‌ 11 കിലോ സ്വര്‍ണവുമാണ്
പിടികൂടിയത്‌.

Also Read: കെഎസ്എഫ്ഇ റെയ്ഡില്‍ അതൃപ്തി പുകയുന്നു; പരസ്യമാക്കി നേതാക്കള്‍, ലക്ഷ്യം മുഖ്യമന്ത്രിയോ?

2018-19 സാമ്പത്തിക വര്‍ഷം 3557.92 ഗ്രാമും 2019-20 വര്‍ഷത്തില്‍ 47121.38 ഗ്രാമും ഈ സാമ്പത്തികവര്‍ഷം 24,229.79 ഗ്രാം സ്വര്‍ണവുമാണ് എയര്‍ കസ്റ്റംസ്‌ പിടികൂടിയത്‌. വിമാനത്താവളം പ്രവര്‍ത്തനം തുടങ്ങി ആദ്യത്തെ ഒരു മാസം അഞ്ച്‌ കേസുകളാണ് രജിസ്റ്റര്‍ ചെയ്‌തത്.
രണ്ടാം വര്‍ഷം 63 കേസുകളും ലോക്ക്‌ ഡൗണിനുശേഷം 25 ലധികം കേസുകളാണ് കസ്റ്റംസ്‌ രജിസ്റ്റര്‍ ചെയ്‌തത്‌. കൊവിഡ്‌
പശ്ചാത്തലത്തില്‍ ലോക്ക്‌ ഡൗണില്‍ വിദേശ സര്‍വീസുകള്‍ നിര്‍ത്തിവെച്ചതോടെ സ്വര്‍ണക്കടത്ത്‌ കുറഞ്ഞിരുന്നുവെങ്കിലും
പ്രവാസികളെ നാട്ടിലെത്തിക്കാന്‍ ചാര്‍ട്ടേഡ്‌ വിമാനങ്ങള്‍ക്ക്‌ അനുമതിയായതോടെയാണ് സ്വര്‍ണക്കടത്ത്‌ വീണ്ടും തുടങ്ങിയത്‌.



കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ