പഴയങ്ങാടി: ആശുപത്രിയിലേക്കുള്ള യാത്രയ്ക്കിടെ യുവതിയെ പീഡിപ്പിക്കാന്‍ ശ്രമിച്ച ഓട്ടോ ഡ്രൈവര്‍ക്കെതിരെ പീഡനത്തിന് കേസെടുത്തു. കണ്ണൂർ മാട്ടൂല്‍ നോര്‍ത്ത് സ്വദേശി ചിട്ടിയില്‍ മണി മോഹനനെ(53)തിരെയാണ് കേസെടുത്തത്. യുവതിയുടെ ഭര്‍ത്താവിന്റെ കുത്തേറ്റ ഇയാള്‍ ആശുപത്രിയില്‍ ചികിത്സയിലാണ്.
ജസീന്ത ബില്‍ഡിങ്ങിന് സമീപത്തെ ഓട്ടോസ്റ്റാന്റിലെ ഡ്രൈവറായ മണി മോഹനെതിരെയാണ് പോലീസ് കേസെടുത്തത്. മാട്ടൂല്‍ നോര്‍ത്തില്‍ വാടക ക്വാട്ടേര്‍സില്‍ താമസിക്കുന്ന 34കാരിയെയാണ് പ്രതി പീഡിപ്പിക്കാന്‍ ശ്രമിച്ചത്. കഴിഞ്ഞ പത്തിന് പകല്‍ പഴയങ്ങാടിയിലെ ആയുര്‍വേദ ആശുപത്രിക്ക് സമീപം ആളൊഴിഞ്ഞ സ്ഥലത്ത് വച്ചാണ് പീഡന ശ്രമമുണ്ടായത്.
പ്രതി നിരന്തരം ശല്യം ചെയ്തതിന് പിന്നാലെയാണ് പീഡിപ്പിക്കാന്‍ ശ്രമിച്ചതെന്ന് പോലീസിന് നൽകിയ പരാതിയിൽ വ്യക്തമാക്കുന്നുണ്ട്. പരാതിയില്‍ യുവതിയുടെ മൊഴിയെടുത്ത പോലിസ് മാനഭംഗത്തിന് കേസെടുക്കുകയായിരുന്നു. പീഡനക്കേസില്‍ പ്രതി ചേര്‍ക്കപ്പെട്ട ഓട്ടോ ഡ്രൈവര്‍ കുത്തേറ്റ പരിക്കുകളോടെ ഇപ്പോഴും പരിയാരം മെഡിക്കല്‍ കോളജില്‍ കഴിയുകയാണ്. സംഭവത്തില്‍ യുവതിയുടെ ഭര്‍ത്താവ് തമിഴ്‌നാട് തിരിവാരൂര്‍ സ്വദേശിയെ പഴയങ്ങാടി പോലിസ് അറസ്റ്റ് ചെയ്തിരുന്നു.
ഓട്ടോ ഡ്രൈവറായ മണി മോഹനനും യുവതിയുടെ ഭര്‍ത്താവും സുഹൃത്തുക്കളായിരുന്നുവെന്ന് പോലീസ് പറഞ്ഞു. കഴിഞ്ഞ 10ന് പഴയങ്ങാടി ഭാഗത്തേക്ക് പോകാനായി മണി മോഹനന്റെ ഓട്ടോയില്‍ കയറിയ ഇയാളുടെ ഭാര്യയെ ആളൊഴിഞ്ഞ സ്ഥലത്തെത്തിയപ്പോള്‍ ഓട്ടോ നിര്‍ത്തി പീഡിപ്പിക്കാന്‍ ശ്രമിക്കുകയായിരുന്നു. പിന്നാലെ വീട്ടിലെത്തിയ യുവതി സംഭവം ഭര്‍ത്താവിനോട് പറഞ്ഞു.
തുടര്‍ന്ന് വൈകീട്ടോടെ മണിമോഹനനെ ഓട്ടം വിളിച്ചു കൊണ്ടുപോയി കുത്തി പരിക്കേല്‍പ്പിക്കുകയായിരുന്നു. സംഭവത്തില്‍ അറസ്റ്റിലായ ഭര്‍ത്താവിനെ ചോദ്യം ചെയ്തപ്പോഴാണ് പീഡന വിവരം ഇയാള്‍ പോലിസിനോട് പറഞ്ഞത്. തുടര്‍ന്ന് യുവതിയുടെ പരാതി രേഖപ്പെടുത്തി ഡ്രൈവര്‍ക്കെതിരേ കേസെടുക്കുകയായിരുന്നു. ഭര്‍ത്താവിനെ പയ്യന്നൂര്‍ കോടതി റിമാൻഡ് ചെയ്തു. ഡ്രൈവര്‍ക്ക് കൈക്കും തലക്കുമാണ് കുത്തേറ്റത്.
Read Latest Local News and Malayalam News
ജസീന്ത ബില്‍ഡിങ്ങിന് സമീപത്തെ ഓട്ടോസ്റ്റാന്റിലെ ഡ്രൈവറായ മണി മോഹനെതിരെയാണ് പോലീസ് കേസെടുത്തത്. മാട്ടൂല്‍ നോര്‍ത്തില്‍ വാടക ക്വാട്ടേര്‍സില്‍ താമസിക്കുന്ന 34കാരിയെയാണ് പ്രതി പീഡിപ്പിക്കാന്‍ ശ്രമിച്ചത്. കഴിഞ്ഞ പത്തിന് പകല്‍ പഴയങ്ങാടിയിലെ ആയുര്‍വേദ ആശുപത്രിക്ക് സമീപം ആളൊഴിഞ്ഞ സ്ഥലത്ത് വച്ചാണ് പീഡന ശ്രമമുണ്ടായത്.
പ്രതി നിരന്തരം ശല്യം ചെയ്തതിന് പിന്നാലെയാണ് പീഡിപ്പിക്കാന്‍ ശ്രമിച്ചതെന്ന് പോലീസിന് നൽകിയ പരാതിയിൽ വ്യക്തമാക്കുന്നുണ്ട്. പരാതിയില്‍ യുവതിയുടെ മൊഴിയെടുത്ത പോലിസ് മാനഭംഗത്തിന് കേസെടുക്കുകയായിരുന്നു. പീഡനക്കേസില്‍ പ്രതി ചേര്‍ക്കപ്പെട്ട ഓട്ടോ ഡ്രൈവര്‍ കുത്തേറ്റ പരിക്കുകളോടെ ഇപ്പോഴും പരിയാരം മെഡിക്കല്‍ കോളജില്‍ കഴിയുകയാണ്. സംഭവത്തില്‍ യുവതിയുടെ ഭര്‍ത്താവ് തമിഴ്‌നാട് തിരിവാരൂര്‍ സ്വദേശിയെ പഴയങ്ങാടി പോലിസ് അറസ്റ്റ് ചെയ്തിരുന്നു.
ഓട്ടോ ഡ്രൈവറായ മണി മോഹനനും യുവതിയുടെ ഭര്‍ത്താവും സുഹൃത്തുക്കളായിരുന്നുവെന്ന് പോലീസ് പറഞ്ഞു. കഴിഞ്ഞ 10ന് പഴയങ്ങാടി ഭാഗത്തേക്ക് പോകാനായി മണി മോഹനന്റെ ഓട്ടോയില്‍ കയറിയ ഇയാളുടെ ഭാര്യയെ ആളൊഴിഞ്ഞ സ്ഥലത്തെത്തിയപ്പോള്‍ ഓട്ടോ നിര്‍ത്തി പീഡിപ്പിക്കാന്‍ ശ്രമിക്കുകയായിരുന്നു. പിന്നാലെ വീട്ടിലെത്തിയ യുവതി സംഭവം ഭര്‍ത്താവിനോട് പറഞ്ഞു.
തുടര്‍ന്ന് വൈകീട്ടോടെ മണിമോഹനനെ ഓട്ടം വിളിച്ചു കൊണ്ടുപോയി കുത്തി പരിക്കേല്‍പ്പിക്കുകയായിരുന്നു. സംഭവത്തില്‍ അറസ്റ്റിലായ ഭര്‍ത്താവിനെ ചോദ്യം ചെയ്തപ്പോഴാണ് പീഡന വിവരം ഇയാള്‍ പോലിസിനോട് പറഞ്ഞത്. തുടര്‍ന്ന് യുവതിയുടെ പരാതി രേഖപ്പെടുത്തി ഡ്രൈവര്‍ക്കെതിരേ കേസെടുക്കുകയായിരുന്നു. ഭര്‍ത്താവിനെ പയ്യന്നൂര്‍ കോടതി റിമാൻഡ് ചെയ്തു. ഡ്രൈവര്‍ക്ക് കൈക്കും തലക്കുമാണ് കുത്തേറ്റത്.
Read Latest Local News and Malayalam News