ഒറ്റക്കെട്ടായി അതിജീവിക്കാം... മോഹൻലാൽ റിലീസ് ചെയ്ത ഹ്രസ്വചിത്രം വൈറലാകുന്നു, വീഡിയോ

കണ്ണൂർ: കണ്ണൂർ സബ് ജയിൽ ജീവനകാർ നിർമ്മിച്ച ലോക്ക് ഡൗൺ ഹ്രസ്വചിത്രം ശ്രദ്ധേയമാകുന്നു. കഴിഞ്ഞ ദിവസം തന്റെ ഫെയ്സ് ബുക്ക് പേജിലുടെ സൂപ്പർ സ്റ്റാർ മോഹൻലാലാണ് ചിത്രം റിലിസ് ചെയ്തത്. നമുക്ക് അതിജീവിക്കാം ഈ മഹാവ്യാധിയെ ഒറ്റക്കെട്ടായി എന്ന സന്ദേശമുയർത്തിയാണ് 'ലോക്ക് ഡൗൺ' എന്ന ഹ്രസ്വചിത്രം ഒരുക്കിയിട്ടുള്ളത്.

Also Read: ആലത്തൂരിൽ വാഷ് വേട്ട തുടരുന്നു; 145 ലിറ്റർ വാഷ് പിടികൂടി

സ്ഥിരം ലോക്ക് ഡൗണിൽ കഴിയുന്ന ഒരു തടവുപുള്ളിയുടെ ജീവിതത്തിലെ ചില നിമിഷങ്ങളാണ് ചിത്രത്തിൻ്റെ പ്രമേയം. കൊറോണ വൈറസ് വ്യാപനത്തിൻ്റെ തുടക്കത്തിൽ ജയിലിലും പ്രതിരോധ പ്രവർത്തനങ്ങളുടെ ഒരുക്കങ്ങൾ തുടങ്ങി കഴിഞ്ഞു. ഈ ദിവസങ്ങളിലാണ് വധശ്രമത്തിന് റിമാൻഡ് ചെയ്യപ്പെട്ട തടവുകാരനെ കാണാൻ അയാളുടെ ഭാര്യയും കുഞ്ഞുമെത്തുന്നത്.

Also Read: മദ്യത്തിനേക്കാൾ ഇരട്ടി വീര്യമുള്ള ഹോമിയോ മരുന്ന് വിൽപ്പന; പാലക്കാട് മുൻ ഫിഷറീസ് ജീവനക്കാരൻ അറസ്റ്റിൽ! മരുന്ന് കഴിച്ച പലർക്കും ദേഹാസ്വാസ്ഥ്യം!!

ഭർത്താവ് ജയിലിലും താനും കൈ കുഞ്ഞും പുറത്തും വരാൻ പോകുന്ന കറുത്ത കാലത്തിന്റെ ഭീതിയും നിസഹായതയും ആ യുവതിയുടെ മുഖത്തുണ്ട്. എങ്ങനെയെങ്കിലും ഭർത്താവിനെ പുറത്തിറക്കാമെന്ന് അവർ പറയുന്നു. തന്റെ കമ്മൽ വിറ്റ് വക്കീലിനുള്ള പൈസ കൊടുത്തിട്ടുണ്ടെന്നും കമ്പിയിഴകളിൽ കൈകൾ ചേർത്തുവെച്ച് അവൾ പറയുന്നു. എന്നാൽ തൻ്റെ കുടുംബത്തിൻ്റെ ആശ്രയമായ സൂപ്പർ മാർക്കറ്റ് കൊവിഡ് കാലത്ത് പൂട്ടിപ്പോയാൽ എന്തു ചെയ്യുമെന്നാണ് അവളുടെ ആശങ്ക.

Also Read: സൂര്യപ്രകാശം തട്ടാതെ 80 ദിവസങ്ങൾ; വനശ്രീയിൽ വിരിഞ്ഞിറങ്ങിയത് 35 പെരുമ്പാമ്പിന്‍ കുഞ്ഞുങ്ങള്‍

ഒന്നും സംഭവിക്കില്ലെന്നും നമുക്ക് ഇതിനെയൊക്കെ അതിജീവിക്കാൻ കഴിയുമെന്നാണ് ആകസ്മിക സംഭവത്തിൽ പ്രതിയാക്കപ്പെട്ട ഭർത്താവിന്റെ മറുപടി. സമാഗമം തീരാറായി എന്ന് പാറാവു നിൽക്കുന്ന വാർഡൻ പറയുമ്പോൾ നീയും കുഞ്ഞും നല്ലവണ്ണം കൈ കഴുകാൻ മറക്കരുതെന്ന ഉപദേശം നൽകാനും അയാൾ മറക്കുന്നില്ല. കൊവിഡെന്ന മഹാമാരിയെ ചെറുക്കാൻ സ്ഥിരം ലോക്ക് ഡൗണായിപ്പോയ തടവുകാരും സജ്ജമാണെന്ന സന്ദേശത്തോടു കൂടിയാണ് ഗൗതം പ്രദീപ് രചനയും സംവിധാനവും നിർമിച്ച ചിത്രം അവസാനിക്കുന്നത്. സോഷ്യൽ മീഡിയയിൽ റിലിസ് ചെയ്ത ചിത്രം ഇതിനകം തന്നെ വൈറലായിട്ടുണ്ട്.