എപി അബ്ദുള്ളക്കുട്ടിയുടെ സഹോദരനും ബിജെപിയിലേക്ക്... കയറിയ ഉടനെ സ്ഥാനാര്‍ത്ഥി കസേര, കമ്പിലില്‍ മത്സരിക്കും!

കണ്ണൂര്‍: എപി അബ്ദുള്ളക്കുട്ടിയുടെ കുടുംബത്തിൽ നിന്ന് മറ്റൊരാൾ കൂടി ബിജെപിയിലേക്ക്. അടുത്ത കാലത്ത് ബിജെപി ദേശീയ ഉപാധ്യക്ഷനായി നിയമിതനായ എപി അബ്ദുളളക്കുട്ടിയുടെ സഹോദരന്‍ ഷറഫുദ്ദീനാണ് കണ്ണൂരില്‍ എന്‍ഡിഎ സ്ഥാനാര്‍ത്ഥിയായി മത്സരിക്കുന്നത്. കണ്ണൂര്‍ നാറാത്ത് പഞ്ചായത്തിലെ 17ാം വാര്‍ഡായ കമ്പിലിലാണ് എന്‍ഡിഎ സ്ഥാനാര്‍ത്ഥിയായി ഷറഫുദ്ദീന്‍ മത്സരിക്കുന്നത്. ബിജെപിയും എന്‍ഡിഎയും ന്യൂനപക്ഷ വിരുദ്ധ പാര്‍ട്ടിയാണെന്ന കോണ്‍ഗ്രസിന്റെയും സിപിഎമ്മിന്‍റെയും കളളപ്രചാരണങ്ങള്‍ക്ക് തിരിച്ചടി നൽകാനാണ് താനും സഹോദരനെപ്പോലെ ബിജെപിയിൽ ചേർന്നു പ്രവർത്തിക്കാൻ തീരുമാനിച്ചതെന്ന് ഷറഫുദ്ദീന്‍ പറഞ്ഞു.

Also Read: ദമ്പതികള്‍ മത്സരിക്കരുതെന്ന് നേതൃത്വം; എന്നാല്‍ ഇവര്‍ക്ക് ബാധമല്ല... ഐത്തപ്പ കുളാലും ഭാര്യ ജയശ്രീയും ഇത്തവണയും അങ്കം കുറിക്കും, വ്യക്തമായ കാരണമുണ്ട്!!

എന്‍ഡിഎ സ്ഥാനാര്‍ത്ഥിയായി ഇദ്ദേഹം പത്രിക നല്‍കിയിട്ടുണ്ട്. നാറാത്ത് അബ്ദുളളക്കുട്ടിയുടെ തറവാട് വീടിന് സമീപം താമസിക്കുന്ന ഷറഫൂദ്ദീന്‍റെ സ്ഥാനാര്‍ത്ഥിത്വം ന്യൂനപക്ഷങ്ങള്‍ക്ക് ഭൂരിപക്ഷമുളള കമ്പില്‍ വാര്‍ഡില്‍ ബിജെപിക്ക് വിജയപ്രതീക്ഷ നൽകിയിട്ടുണ്ട്. മാസങ്ങൾക്കു മുൻപാണ് അബ്ദുള്ളക്കുട്ടിയെ ബിജെപി അഖിലേന്ത്യാ ഉപാധ്യക്ഷനായി കേന്ദ്ര നേതൃത്വം നിയോഗിച്ചത്. ലക്ഷദ്വീപിൻ്റെ ചുമതലയാണ് അബ്ദുള്ളക്കുട്ടിക്ക് നൽകിയിരിക്കുന്നത്.

Also Read: കോണ്‍ഗ്രസില്‍ ന്യൂനപക്ഷ വിരുദ്ധ സമീപനം, അര്‍ഹതയുള്ളവര്‍ക്ക് അംഗീകാരവുമില്ല... ഷാനവാസ് പാദൂര്‍ കോണ്‍ഗ്രസില്‍ നിന്നും രാജിവെച്ചു, ഇനി എല്‍ഡിഎഫ് സ്ഥാനാര്‍ത്ഥി

ബിജെപി ദേശീയ നേതൃത്വത്തിലേക്ക് ഉയർത്തപ്പെട്ട അബ്ദുള്ളക്കുട്ടി പാർട്ടിയുടെ ന്യുനപക്ഷ മുഖങ്ങളിലൊന്നായാണ് പരിഗണിക്കപ്പെടുന്നത്. തദ്ദേശ സ്വയംഭരണ സ്ഥാപന തെരഞ്ഞെടുപ്പിൽ സംസ്ഥാനത്ത് ബിജെപി നേതാക്കൾക്കായി പ്രചാരണം നയിക്കുന്ന പ്രമുഖ നേതാക്കളിലൊരാളാണ് അബ്ദുള്ളക്കുട്ടി. തദ്ദേശ സ്വയംഭരണ വാർഡുകളിൽ നടപ്പിലാക്കിയ പദ്ധതികളിൽ ഭുരിഭാഗവും നരേന്ദ്ര മോദി സർക്കാർ ആവിഷ്ക്കരിച്ചതാണെന്ന പ്രചാരണമാണ് അദ്ദേഹം നടത്തി വരുന്നത്.

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ