അന്തർ സംസ്ഥാന യാത്രക്കാർക്ക് ആശ്വാസം; മാക്കൂട്ടം ചുരം പാതയിലൂടെ സ്വകാര്യ ബസ് സർവീസ് പുനരാരംഭിച്ചു

കണ്ണൂർ: അഞ്ചുമാസത്തെ ഇടവേളയ്ക്കുശേഷം മാക്കൂട്ടം ചുരം അന്തർസംസ്ഥാന പാതവഴിയുള്ള ബസ് സർവീസ് പുനരാരംഭിച്ചു. ഇതോടെ കൊവിഡ് നിയന്ത്രണങ്ങൾ ഉറപ്പുവരുത്താൻ പെടാപ്പാട് പെടുകയാണ് അതിർത്തി ചെക്ക് പോസ്റ്റുകളിലെ പോലീസ്, ആരോഗ്യവകുപ്പ്-റവന്യൂ ജീവനക്കാർ. കർണാടക അന്തർസംസ്ഥാന യാത്രകൾക്കുള്ള എല്ലാ നിയന്ത്രണങ്ങളും നീക്കിയതോടെ കേരളത്തിൽ നിന്ന് കർണാടകത്തിലേക്കും തിരിച്ചുമുള്ള യാത്രക്കാരുടെ ഒഴുക്ക് തുടരുകയാണ്.

Also Read: മാക്കൂട്ടം ചുരം പാതയിൽ കൊള്ളയ്ക്കിറങ്ങിയ മലയാളികൾ ഉൾപ്പെടെ ഒൻപതംഗ സംഘം പിടിയിൽ

ഒരുമാസം മുൻപാണ് ചുരം പാത തുറന്നത്. ആദ്യ രണ്ട് ആഴ്ചകളിൽ ചരക്ക് വാഹനങ്ങളും ചില സ്വകാര്യ വാഹനങ്ങളും മാത്രമായിരുന്നു ഓടിയിരുന്നത്. കൊവിഡ് ജാഗ്രതാ പോർട്ടലിൽ രജിസ്റ്റർ ചെയ്തുവരുന്നവർക്ക് മാത്രമാണ് കേരളത്തിലേക്ക് പ്രവേശനാനുമതി നൽകുന്നത്. ഇതിനായി കൂട്ടുപുഴയിൽ പോലീസ് എയ്ഡ് പോസ്റ്റും കിളിയന്തറയിൽ പോലീസിനും ആരോഗ്യവകുപ്പിനും റവന്യൂ വകുപ്പിനുമായി പ്രത്യേക പരിശോധനാ കേന്ദ്രങ്ങളും ഒരുക്കിയിട്ടുണ്ട്. കഴിഞ്ഞ ശനിയാഴ്ച കർണാടക ആർടിസിയുടെ ഒരു ബസും കേരള ആർടിസിയുടെ ഒരു ബസുമാണ് കർണാടകത്തിൽ നിന്ന് കേരളത്തിലേക്ക് എത്തിയത്.

Also Read: കണ്ണൂരില്‍ ബോംബ് രാഷ്ട്രീയത്തില്‍ കരുവാക്കപ്പെടുന്നത് ന്യൂജനറേഷനും; കുട്ടിക്കുരങ്ങുകളെകൊണ്ട് ചുടുചോറ് വാരിച്ച് നേതാക്കള്‍!!

സ്വകാര്യ ബസുകളിലും സ്വകാര്യ ടൂറിസ്റ്റ് ബസുകളിലും എത്തുന്ന യാത്രക്കാർക്ക് ജില്ലയിൽ ഇറങ്ങുന്നതിന് രണ്ട് സ്റ്റോപ്പുകൾ മാത്രമാണ് അനുവദിച്ചിരിക്കുന്നത്. യാത്രക്കാർ ഒന്നുകിൽ കിളിയന്തറയിൽ ഇറങ്ങി ആൻറിജൻ ടെസ്റ്റിന് വിധേയമായതിന് ശേഷം ടാക്സികൾ പിടിച്ച് വീട്ടിലേക്ക് പോകണം. കിളിയന്തറയിൽ ഇറങ്ങാത്തവർക്ക് അടുത്ത സ്റ്റോപ്പ് കണ്ണൂരിൽ മാത്രമാണ്. ബെംഗളൂരു, മൈസൂരു ഭാഗങ്ങളിൽ നിന്നുവന്ന് തലശേരി ഉൾപ്പെടെ ജില്ലയിലെ മറ്റ് പ്രദേശങ്ങളിൽ പോകേണ്ടവർക്ക് ഏറെ ദുരിതം ഇതുണ്ടാക്കുന്നുണ്ട്.

Also Read: കതിരൂർ സ്ഫോടനം: ഗുരുതരമായി പരിക്കേറ്റ റമീഷിൻ്റെ കൈപ്പത്തികൾ നീക്കം ചെയ്തു

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ