ബിഷപ്പിനെ സാധാരണയായി ഇത്തരം വിശേഷ ദിവസങ്ങളിൽ കാണാറുണ്ടെന്നും അദ്ദേഹം നേരത്തെ നടത്തിയ പ്രസ്താവന വ്യക്തിപരമല്ലെന്നും കേരളത്തിന്റെ പൊതുവികാരമാണെന്നും പി കെ കൃഷ്ണദാസ് പറഞ്ഞു. പിതാവിന്റെ പ്രസ്താവനകളെ ബിജെപി ഗൗരവത്തോടെയാണ് കാണുന്നത്. അവരുടെ പ്രശ്നത്തിന് പരിഹാരം കാണുന്നതിനുള്ള എല്ലാ ശ്രമങ്ങളും എൻഡിഎ സർക്കാരിന്റെ ഭാഗത്തു നിന്നുണ്ടാകുമെന്ന് പി കെ കൃഷ്ണദാസ് സന്ദർശനത്തിനുശേഷം മാധ്യമ പ്രവർത്തകരോട് പറഞ്ഞു.
ബിജെപി അഖിലേന്ത്യാ ഉപാധ്യക്ഷൻ എ പി അബ്ദുള്ളക്കുട്ടി, ജില്ലാ പ്രസിഡന്റ് എൻ ഹരിദാസ്, കെ വി സുമേഷ് എന്നിവർ കൃഷ്ണദാസിനൊപ്പമുണ്ടായിരുന്നു. വരുന്ന ലോക്സഭാ തെരഞ്ഞെടുപ്പിൽ ക്രൈസ്തവ വോട്ടുകൾ ലക്ഷ്യമിട്ട് ബിജെപി നേതാക്കൾ മതമേലധ്യക്ഷൻമാരെ കഴിഞ്ഞ ദിവസങ്ങളിൽ സന്ദർശിച്ചു വരികയാണ്. പ്രധാനമന്ത്രിയുടെ ചിത്രവും ഒപ്പുമുള്ള പതിനായിരം ഈസ്റ്റർ കാർഡുകളുമാണ് കഴിഞ്ഞ ദിവസങ്ങളിൽ ബിജെപി പ്രവർത്തകർ ക്രിസ്തീയ ഭവനങ്ങളിൽ എത്തിച്ചത്.
കണ്ണൂര് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News