വ്യാജ തണ്ടപ്പേര് ഉപയോ​ഗിച്ച് ഭൂമി തട്ടിയെടുത്തി, ഒത്താശ ചെയ്യാൻ സിപിഎമ്മും ഉദ്യോ​ഗസ്ഥരും, കലക്ട്രേറ്റിന് മുന്നിൽ സഹോദരങ്ങളുടെ ധർണ

കണ്ണൂർ: പ്രാദേശിക സിപിഎം (CPM) നേതാക്കളുടെ ഒത്താശയോടെ പാർട്ടി ഗ്രാമത്തിൽ വില്ലേജ് ഓഫിസർ തണ്ടപ്പേര് തിരുത്തി തങ്ങളുടെ സ്ഥലം സഹോദരന് അന്യായമായി പതിച്ചു കൊടുത്തുന്നുവെന്ന് ആരോപിച്ചു വയോധികനും സഹോദരങ്ങളും കണ്ണൂർ (Kannur) കലക്ടറേറ്റിന് മുൻപിൽ കുത്തിയിരുപ്പ് സമരം നടത്തി. കണ്ണൂർ ജില്ലയിലെ മലപ്പട്ടം വില്ലേജിലെ ചുളിയാട് തലക്കോട് സ്വദേശികളായ കണ്ണോത്ത് ഗോവിന്ദനും സഹോദരങ്ങളായ ചന്ദ്രൻ കൃഷ്ണൻ, ലക്ഷ്മണൻ എന്നിവരാണ് കലക്ടറേറ്റിന് മുൻപിൽ നീതി തേടി സമരം നടത്തിയത്.Also Read: ജോലി മൈക്കാട് പണി; ഡോക്ടറെന്ന് പറഞ്ഞ് യുവാവ് തട്ടിയത് ലക്ഷങ്ങള്‍; പണം പിരിക്കുന്നത് ഭാര്യയും കാമുകിയും ചേര്‍ന്ന്... ഇത് അനീഷിന്റെ സിനിമ കഥയെ വെല്ലുന്ന ജീവിതം

തങ്ങളുടെ ഉടമസ്ഥതയിലുള്ള സ്ഥലത്തിന്റെ തണ്ടപ്പേര് തിരുത്തി പ്രാദേശിക സിപിഎം നേതാക്കളുടെ ഒത്താശയോടെ മലപ്പട്ടംവില്ലേജ് ഓഫിസർ സ്ഥലം തങ്ങളുടെ അനുമതിയില്ലാതെ പതിച്ചു കൊടുക്കുകയായിരുന്നുവെന്നാണ് ഇവർ പറയുന്നത്. കടുത്ത നീതി നിഷേധമാണ് തങ്ങൾ നേരിടുന്നത്. ഹൈക്കോടതി റദ്ദ് ചെയ്ത പട്ടയഭൂമിയിലാണ് ഇവർ അതിക്രമിച്ചു കയറുകയും സ്ഥലം അളന്ന് മതിൽ കെട്ടുകയും ചെയ്തത്. കോടതി വിധി അട്ടിമറിച്ചത് ഗുരുതരമായ കുറ്റകൃത്യമാണ്.

Also Read: എകെജി സെന്റർ ആക്രമണം; ഡിയോ സ്കൂട്ടറും പോലീസ് കണ്ടെത്തി, സ്കൂട്ടർ എത്തിച്ച വനിത നേതാവ് ഇപ്പോഴും ഒളിവിൽ

കഴിഞ്ഞ 32 വർഷമായി ഭൂമി തിരിച്ചു കിട്ടാൻ തങ്ങൾ നിയമ പോരാട്ടത്തിലാണ്. റിസ.അഞ്ച് പിടിച്ച് 18/2 പട്ടയം ആണെന്ന് സ്ഥാപിക്കാനാണ് വില്ലേജ് അധികൃതർ കൂട്ടുനിന്നത്. പട്ടയ കേസ് അന്യായമായി നീട്ടി കൊണ്ടുപോവുകയാണ് റവന്യു ഉദ്യോഗസ്ഥർ ചെയ്യുന്നത്. പയ്യന്നൂർ ലാൻഡ് ട്രൈബ്യുന്നർ തഹസിൽദാരാണ് വ്യാജ പട്ടയം അനുവദിച്ചത്. 2019 , 21 ൽ ഞങ്ങളുടെ നികുതി വില്ലേജിൽ സ്വീകരിക്കാത്തത് സംബന്ധിച്ചു തങ്ങളുടെ പരാതിയിൽ ഇതുവരെ റവന്യു വകുപ്പ് അധികൃതർ തീർപ്പുകൽപിച്ചില്ലെന്നും സിപിഎം പ്രവർത്തകരുടെയും ഉദ്യോഗസ്ഥരുടെയും ഭീഷണി കാരണം തങ്ങൾ ആത്മഹത്യാ മുനമ്പിലാണെന്നും സമരം നടത്തിയ കണ്ണോത്ത് ഗോവിന്ദൻ , ചന്ദ്രൻ , കൃഷ്ണൻ , ലക്ഷ്മണൻ എന്നിവർ പറഞ്ഞു.

കണ്ണൂ‍ര്‍ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News