കണ്ണൂർ (Kannur): കണ്ണൂർ-പയ്യന്നൂർ റൂട്ടിൽ ഇന്ന് നടന്ന സ്വകാര്യ ബസുകളുടെ മിന്നൽ പണിമുടക്കിൽ യാത്രക്കാർ വലഞ്ഞു. വിദ്യാർഥികളെ ബസിൽ കയറ്റിയില്ലെന്നാരോപിച്ച് ഒരു സംഘമാളുകൾ ബസുകൾ തടഞ്ഞിട്ട് ഡ്രൈവർമാരെ മർദിച്ചതിൽ പ്രതിഷേധിച്ചാണ് ഇന്ന് രാവിലെ മുതൽ സ്വകാര്യ ബസുകൾ ഓട്ടം നിർത്തി പ്രതിഷേധിച്ചത്. ഇതോടെയാണ് ഈ റൂട്ടിൽ സഞ്ചരിക്കുന്ന വിദ്യാർഥികളടക്കമുള്ള യാത്രക്കാർ പെരുവഴിയിലായത്.
രാവിലെ നല്ല തിരക്കുള്ള പയ്യന്നൂർ-കണ്ണൂർ റൂട്ടിൽ ബസോട്ടം നിലച്ചതിനെ തുടർന്ന് പെരുവഴിയിലായ യാത്രക്കാർ കെഎസ്ആർടിസിയെയും ദീർഘദൂര ബസുകളെയുമാണ് ആശ്രയിച്ചത്. ഇന്നലെ വൈകിട്ട് 4.30 ഓടെ ഏഴിലോട് വെച്ചാണ് പണിമുടക്കിന് ആസ്പദമായ സംഭവം. എടാട്ടുള്ള പയ്യന്നൂർ കോളേജ് സ്റ്റോപ്പിൽ നിന്ന് വിദ്യാർഥികളെ കയറ്റിയില്ലെന്നാരോപിച്ച് അഞ്ച് ബൈക്കുകളിലായി പിന്തുടർന്ന വിദ്യാർഥികളും മറ്റുള്ളവരും ചേർന്നാണ് കണ്ണൂർ ഭാഗത്തേക്ക് പോവുകയായിരുന്ന ഒണിക്സ്, ഫാത്തിമാസ്, അശ്വിൻ എന്നീ ബസുകൾ ഏഴിലോട് വെച്ച് തടഞ്ഞുവെച്ചത്. ഇതേ തുടർന്ന് വാക്കേറ്റം നടക്കുന്നതിനിടയിലാണ് ബൈക്കിലെത്തിയവർ ഡ്രൈവർ സീറ്റിനരികിലെത്തി ഒണിക്സ് ബസിലെയും ഫാത്തിമാസ് ബസിലെയും ഡ്രൈവർമാരെ പൊതിരെ തല്ലിയത്.
പരിക്കേറ്റ ഒണിക്സ് ബസ് ഡ്രൈവർ ബക്കളം സ്വദേശി കിഷോറിനെ (22) തളിപ്പറമ്പ് ഗവ. ആശുപത്രിയിലും ഫാത്തിമാസ് ബസ് ഡ്രൈവർ മുണ്ടേരി സ്വദേശി മിഥുനെ (29) കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു. സംഭവത്തിൽ പ്രതിഷേധിച്ച് ഇന്ന് രാവിലെ മുതലാണ് ബസ് ജീവനക്കാർ പണിമുടക്കിന് ആഹ്വാനം ചെയ്തത്. ഇതേ തുടർന്ന് പയ്യന്നൂർ-കണ്ണൂർ റൂട്ടിൽ സ്വകാര്യ ബസ് സർവീസ് നിലയ്ക്കുകയായിരുന്നു. ജീവനക്കാരെ മർദിച്ചവർക്കെതിരെ നടപടി സ്വീകരിക്കണമെന്നാണ് തൊഴിലാളികളുടെ ആവശ്യം. ബസ് ജീവനക്കാരുടെ ജീവനുനേരെ ഭീഷണി ഉയർത്തുന്ന ഇത്തരം നടപടികൾ അവസാനിപ്പിക്കാൻ പോലീസ് തയ്യാറാകണമെന്നും തൊഴിലാളികൾ ആവശ്യപ്പെട്ടു.
പയ്യന്നൂർ കോളേജ് സ്റ്റോപ്പിൽ നിന്നും വിദ്യാർഥികളെ കയറ്റിയിട്ടും അനാവശ്യമായി പ്രശ്നങ്ങളുണ്ടാക്കാൻ ചിലർ ബോധപൂർവം ശ്രമിച്ചതാണെന്നും ഡ്രൈവർമാരെ മർദിച്ചതിൽ വിദ്യാർഥികളെ കൂടാതെ പുറത്തുനിന്നെത്തിയവരും ഉണ്ടായിരുന്നുവെന്നും ബസ് ജീവനക്കാർ പോലീസിൽ നൽകിയ പരാതിയിൽ പറയുന്നു. പയ്യന്നൂർ പോലീസ് ബസ് തൊഴിലാളികൾ, യൂണിയൻ പ്രതിനിധികൾ, ബസ് ഉടമകൾ എന്നിവരുമായി ബസ് പണിമുടക്ക് ഒത്തുതീർപ്പാക്കാനുള്ള അനുരഞ്ജന ചർച്ചകൾ നടത്തിവരികയാണ്.
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Kannur News, Kannur Private Bus Strike, Kannur Bus Staff Attack
രാവിലെ നല്ല തിരക്കുള്ള പയ്യന്നൂർ-കണ്ണൂർ റൂട്ടിൽ ബസോട്ടം നിലച്ചതിനെ തുടർന്ന് പെരുവഴിയിലായ യാത്രക്കാർ കെഎസ്ആർടിസിയെയും ദീർഘദൂര ബസുകളെയുമാണ് ആശ്രയിച്ചത്. ഇന്നലെ വൈകിട്ട് 4.30 ഓടെ ഏഴിലോട് വെച്ചാണ് പണിമുടക്കിന് ആസ്പദമായ സംഭവം. എടാട്ടുള്ള പയ്യന്നൂർ കോളേജ് സ്റ്റോപ്പിൽ നിന്ന് വിദ്യാർഥികളെ കയറ്റിയില്ലെന്നാരോപിച്ച് അഞ്ച് ബൈക്കുകളിലായി പിന്തുടർന്ന വിദ്യാർഥികളും മറ്റുള്ളവരും ചേർന്നാണ് കണ്ണൂർ ഭാഗത്തേക്ക് പോവുകയായിരുന്ന ഒണിക്സ്, ഫാത്തിമാസ്, അശ്വിൻ എന്നീ ബസുകൾ ഏഴിലോട് വെച്ച് തടഞ്ഞുവെച്ചത്. ഇതേ തുടർന്ന് വാക്കേറ്റം നടക്കുന്നതിനിടയിലാണ് ബൈക്കിലെത്തിയവർ ഡ്രൈവർ സീറ്റിനരികിലെത്തി ഒണിക്സ് ബസിലെയും ഫാത്തിമാസ് ബസിലെയും ഡ്രൈവർമാരെ പൊതിരെ തല്ലിയത്.
പരിക്കേറ്റ ഒണിക്സ് ബസ് ഡ്രൈവർ ബക്കളം സ്വദേശി കിഷോറിനെ (22) തളിപ്പറമ്പ് ഗവ. ആശുപത്രിയിലും ഫാത്തിമാസ് ബസ് ഡ്രൈവർ മുണ്ടേരി സ്വദേശി മിഥുനെ (29) കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു. സംഭവത്തിൽ പ്രതിഷേധിച്ച് ഇന്ന് രാവിലെ മുതലാണ് ബസ് ജീവനക്കാർ പണിമുടക്കിന് ആഹ്വാനം ചെയ്തത്. ഇതേ തുടർന്ന് പയ്യന്നൂർ-കണ്ണൂർ റൂട്ടിൽ സ്വകാര്യ ബസ് സർവീസ് നിലയ്ക്കുകയായിരുന്നു. ജീവനക്കാരെ മർദിച്ചവർക്കെതിരെ നടപടി സ്വീകരിക്കണമെന്നാണ് തൊഴിലാളികളുടെ ആവശ്യം. ബസ് ജീവനക്കാരുടെ ജീവനുനേരെ ഭീഷണി ഉയർത്തുന്ന ഇത്തരം നടപടികൾ അവസാനിപ്പിക്കാൻ പോലീസ് തയ്യാറാകണമെന്നും തൊഴിലാളികൾ ആവശ്യപ്പെട്ടു.
പയ്യന്നൂർ കോളേജ് സ്റ്റോപ്പിൽ നിന്നും വിദ്യാർഥികളെ കയറ്റിയിട്ടും അനാവശ്യമായി പ്രശ്നങ്ങളുണ്ടാക്കാൻ ചിലർ ബോധപൂർവം ശ്രമിച്ചതാണെന്നും ഡ്രൈവർമാരെ മർദിച്ചതിൽ വിദ്യാർഥികളെ കൂടാതെ പുറത്തുനിന്നെത്തിയവരും ഉണ്ടായിരുന്നുവെന്നും ബസ് ജീവനക്കാർ പോലീസിൽ നൽകിയ പരാതിയിൽ പറയുന്നു. പയ്യന്നൂർ പോലീസ് ബസ് തൊഴിലാളികൾ, യൂണിയൻ പ്രതിനിധികൾ, ബസ് ഉടമകൾ എന്നിവരുമായി ബസ് പണിമുടക്ക് ഒത്തുതീർപ്പാക്കാനുള്ള അനുരഞ്ജന ചർച്ചകൾ നടത്തിവരികയാണ്.
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Kannur News, Kannur Private Bus Strike, Kannur Bus Staff Attack