കണ്ണൂര്: കണ്ണൂരില് എട്ടാംക്ലാസുകാരി റിയ പ്രവീണ് ജീവനൊടുക്കിയ സംഭവത്തില് അധ്യാപകര്ക്കെതിരെ ആത്മഹത്യ പ്രേരണ കുറ്റം ചുമത്തി. ആത്മഹത്യ കുറിപ്പില് പേരുള്ള റിയയുടെ ക്ലാസ് ടീച്ചര് ഷോജ, കായിക അധ്യാപകന് രാഗേഷ് എന്നിവര്ക്കെതിരെയാണ് കേസ്. മാനസിക സമ്മര്ദ്ദത്തിലാക്കുന്ന തരത്തില് അധ്യാപകര് അധിക്ഷേപിച്ചതിനാലാണ് കുട്ടി ആത്മഹത്യ ചെയ്തതെന്ന് ചക്കരക്കല് പോലീസ് കോടതിയില് സമര്പ്പിച്ച റിപ്പോര്ട്ടില് പറയുന്നു.
റിയയും അഞ്ചു വിദ്യാര്ത്ഥികളെയും ബഹളം കേട്ടെത്തിയ ക്ലാസ് അധ്യാപിക ഷോജ ശാസിക്കുകയായിരുന്നു. ഇതുകേട്ട് അവിടെയെത്തിയ കായിക അധ്യാപകനായ രാഗേഷും കുട്ടികളെ താക്കീത് ചെയ്തു. അഞ്ചു പേരുടെയും രക്ഷിതാക്കളെ വിവരമറിയിക്കുമെന്ന് ഭീഷണിപ്പെടുത്തുകയും സ്റ്റുഡന്റ് പോലീസ് യൂണിറ്റില് നിന്നും പുറത്താക്കുമെന്ന് പറയുകയായിരുന്നു. ഇതിന്റെ മനോവിഷമം കാരണമാണ് റിയ വീട്ടിലെത്തി ജനല്കമ്പിയില് ജീവനൊടുക്കിയെന്നാണ് പോലിസ് അന്വേഷണത്തില് വ്യക്തമായത്.
Read Latest Local News and Malayalam News
കണ്ണൂര് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം