കണ്ണൂർ: തലശേരിയിൽ കണ്ടെയ്ന്‍മെന്‍റ് സോണില്‍ സിപിഎം കുടുംബസംഗമം നടത്തിയത് വിവാദമാകുന്നു. തലശ്ശേരി നഗരസഭയിലെ 35-ാം വാര്‍ഡ് (കൊമ്മല്‍) കണ്ടെയ്ന്‍മെന്‍റ് സോണിലാണ് കൊ വിഡ് നിയന്ത്രണങ്ങൾ ലംഘിച്ചുകൊണ്ട് ഭരണകക്ഷി പാർട്ടി തന്നെ ആൾക്കൂട്ട യോഗം വിളിച്ചു കൂട്ടിയത്.
Samayam Malayalamപ്രതീകാത്മക ചിത്രം
ഈ വാര്‍ഡില്‍ പത്തിലധികം ആളുകള്‍ക്ക് നിലവില്‍ കൊവിഡ് സ്ഥിരീകരിച്ചിട്ടുണ്ട്. കൊവിഡ് രോഗിയുള്ള വീടിന്‍റെ അടുത്ത് തന്നെ സിപിഎമ്മിന്‍റെ നേതൃത്വത്തില്‍ നാല്‍പതിലധികം പേര്‍ പങ്കെടുക്കുന്ന കുടുംബ സംഗമം നടത്തുകയായിരുന്നു.
വാര്‍ഡ് കൗണ്‍സിലര്‍ കെ ലിജേഷിന്‍റെ നേതൃത്വത്തില്‍ ആരോഗ്യപ്രവര്‍ത്തകരും വളണ്ടിയര്‍മാരും ചേര്‍ന്ന് വീടുകള്‍തോറും സാനിറ്റൈസറും, മാസ്‌കുകളും വിതരണം ചെയ്യുകയായിരുന്നു. അപ്പോഴാണ് ഈ കുടുംബയോഗം കൗണ്‍സിലറുടെ ശ്രദ്ധയില്‍പെട്ടത്. വാര്‍ഡ് കൗണ്‍സിലര്‍ ഉടന്‍തന്നെ തലശേരി പോലീസിൽ വിവരം അറിയിച്ചു. എന്നാല്‍ സിപിഎമ്മിന്‍റെ പ്രമുഖ നേതാക്കള്‍ കുടുംബ സംഗമം നടക്കുന്ന വീട്ടുകാര്‍ക്കെതിരെ കേസെടുക്കരുതെന്ന് പോലീസിനോട് ആവശ്യപ്പെട്ടുവെന്നാണ് പരാതി.
ഇ തേ തുടർന്ന് കൗണ്‍സിലര്‍ പോലീസ് സ്റ്റേഷനില്‍ നേരിട്ട് ചെല്ലുകയും വീട്ടുകാര്‍ക്കെതിരെ രേഖാമൂലം പരാതി എഴുതി നല്‍കുകയും തുടർന്ന് വീട്ടുകാര്‍ക്കെതിരെ പോലീസ് കേസെടുക്കുകയും ചെയ്തു. കണ്ടെയ്ന്‍മെന്‍റ് സോണില്‍ പോലും പാര്‍ട്ടി പരിപാടികള്‍ നടത്തി രോഗവ്യാപനം കൂട്ടുവാനുള്ള പ്രവര്‍ത്തനങ്ങളാണ് സിപിഎമ്മിന്‍റെ ഭാഗത്ത്നിന്നുണ്ടാകുന്നതെന്ന് വാര്‍ഡ് കൗണ്‍സിലര്‍ കെ ലിജേഷ് ആരോപിച്ചു. ഇത് ജനങ്ങളോടുള്ള വെല്ലുവിളിയാണെന്നും വാര്‍ഡില്‍ അരക്ഷിതാവസ്ഥ സൃഷ്ടിക്കുവാനുള്ള ബോധപൂര്‍വ്വ ശ്രമമാണെന്നും അദ്ദേഹം പറഞ്ഞു.
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
