"വി ഡി സതീശന് പണിയൊന്നുമില്ലെങ്കിൽ പിഴുതെറിഞ്ഞ് നടക്കട്ടെ; സമരം നടത്തുന്നത് തെക്കും വടക്കുമില്ലാത്ത കുറെയെണ്ണം", വീഡിയോ

കണ്ണൂർ (Kannur): പ്രതിപക്ഷ നേതാവ് വി ഡി സതീശന് വേറെ പണിയൊന്നുമില്ലെങ്കിൽ കെ റെയിൽ കല്ല് പിഴുതെറിഞ്ഞ് നടക്കട്ടെയെന്ന് സിപിഎം കേന്ദ്ര കമ്മിറ്റിയംഗം ഇ പി ജയരാജൻ. കണ്ണൂരിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. എന്തുവന്നാലും സംസ്ഥാനത്ത് കെ റെയിൽ പദ്ധതി നടപ്പിലാക്കുക തന്നെ ചെയ്യുമെന്നും അത് കേരള ജനതയുടെ ആഗ്രഹമാണെന്നും ഇ പി ജയരാജൻ വ്യക്തമാക്കി.കോൺഗ്രസ് നേതാക്കൾ പാർട്ടി കോൺഗ്രസിൻ്റെ ഭാഗമായി നടക്കുന്ന ദേശീയ സെമിനാറിൽ പങ്കെടുത്തില്ലെങ്കിൽ സെമിനാർ നടക്കാതെ പോകില്ലെന്നും ഇ പി ജയരാജൻ പറഞ്ഞു. കെ റെയിൽ കേരളത്തിൽ നടപ്പിലാക്കണമെന്നത് കേരള ജനതയുടെ ആഗ്രഹമാണ്. അത് പ്രതീക്ഷിച്ച വികസനമാണെന്നും ഇ പി ജയരാജൻ പറഞ്ഞു.
കണ്ണൂരിൽ കെ റെയിൽ പ്രതിഷേധം കത്തുന്നു, കലക്ട്രേറ്റിൽ കെ റെയിൽ കുറ്റി സ്ഥാപിച്ചു, പിഴുതെടുത്ത് പോലീസ്, വീഡിയോ കാണാം

പാർട്ടി കോൺഗ്രസ് ദേശീയ സെമിനാറിൽ കോൺഗ്രസ് നേതാക്കൾ പങ്കെടുത്തില്ലെങ്കിൽ സെമിനാർ തകർന്നു പോകുമോ, കോൺഗ്രസ് നേതാക്കൾ വിളിച്ചാൽ എല്ലാ പാർട്ടിക്കാരും പങ്കെടുക്കില്ലേ, അവർ അവരുടെ നിലപാട് പറയട്ടെ. രാഷ്ടീയ പാർട്ടികൾ മറ്റ് രാഷ്ടീയ പാർട്ടികളുടെ പരിപാടിയിൽ പങ്കെടുത്താൽ അവരുടെ രാഷ്ടീയം മുഴുവൻ ഉപേക്ഷിക്കുമോ, അവർ പങ്കെടുക്കാത്തത് കൊണ്ട് സെമിനാർ നടക്കാതെ പോകില്ലെന്നും ഇ പി ജയരാജൻ പറഞ്ഞു.

ഒരു കോടി രൂപയുടെ സ്വർണവുമായി യാത്രക്കാരൻ പിടിയിൽ; കണ്ണൂരിൽ വൻ സ്വർണവേട്ട

മുസ്ലീം ലീഗിൻ്റെ തണലിൽ കഴിയുന്ന പാർട്ടിയാണ് കോൺഗ്രസെന്നും ലീഗില്ലെങ്കിൽ ഒരു സീറ്റിൽ പോലും അവർക്ക് ജയിക്കാനാകില്ലെന്നും അദ്ദേഹം പറഞ്ഞു. നാൾക്കുനാൾ ക്ഷയിച്ചു കൊണ്ടിരിക്കുന്ന കോൺഗ്രസിൻ്റെ അധപ്പതനത്തിന് കാരണം ഇത്തരം പിന്തിരിപ്പൻ നയങ്ങളാണെന്നും ഇ പി ജയരാജൻ കുറ്റപ്പെടുത്തി.


കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


Topic: Kannur News, E P Jayarajan, V D Satheesan