കണ്ണൂര്: പയ്യന്നൂര്‍ എം. എല്‍. എ ടി. ഐ. മധുസൂദനന്‍ ജനകീയ സമരത്തിനെ ഭയന്ന് ഗൃഹസന്ദര്‍ശന പരിപാടി ഒഴിവാക്കി മുങ്ങിയെന്നു സന്ദേശം സോഷ്യല്‍ മീഡിയയില്‍ പ്രചരിച്ചതിനെ തുടര്‍ന്ന് പരിസ്ഥിതി പ്രവര്‍ത്തകനെ സി.പി. എം ലോക്കല്‍ സെക്രട്ടറി ഫോണില്‍ വിളിച്ചു ഭീഷണിപ്പെടുത്തിയത് വിവാദമാകുന്നു. സി. പി. എം ആലപ്പടമ്പ് ലോക്കല്‍ സെക്രട്ടറി ടി. വിജയനാണ് പരിസ്ഥിതി പ്രവര്‍ത്തകനായ ജോബി പീറ്ററെ 'ഇങ്ങനെയാണെങ്കില്‍ കാര്യങ്ങള്‍ നല്ലരീതിയില്‍ പോവില്ലെന്നു' പറഞ്ഞു ഭീഷണി പ്പെടുത്തിയത്.
കഴിഞ്ഞ കുറച്ചു ദിവസമായ തളിപറമ്പ് മണ്ഡലത്തിലെ ആലപ്പടമ്പിലെ മത്സ്യസംസ്‌കരണ യൂണിറ്റിനെതിരെ നാട്ടുകാരും പ്രദേശവാസികളും സമരത്തിലാണ്. ഈ സാഹചര്യത്തില്‍ നാട്ടുകാരുടെ പ്രതിഷേധം ഭയന്ന് പയ്യന്നൂര്‍ മണ്ഡലം എം. എല്‍. എ സി. പി. എം സംസ്ഥാന വ്യാപകമായി നടത്തിവരുന്നഗൃഹസന്ദര്‍ശനപരിപാടി ഒഴിവാക്കിയെന്നു പയ്യന്നൂര്‍ ഭാഗത്തെ ഒരു ഓണ്‍ലൈന്‍മാധ്യമം റിപ്പോര്‍ട്ടു ചെയ്തിരുന്നു. ഈ വാര്‍ത്തയുടെ ലിങ്ക് ജോബി ഒരു വാട്‌സ് ആപ്പ് കൂട്ടായ്മയില്‍ ഷെയര്‍ ചെയ്തതാണ് ലോക്കല്‍ സെക്രട്ടറിയെ പ്രകോപിച്ചത്.
Also Read: അഞ്ജുശ്രീ കഴിച്ചത് എലിവിഷമോ? കൂടെ ഭക്ഷണം കഴിച്ച ആർക്കും പ്രശനങ്ങളില്ല, ഫോൺ കസ്റ്റഡിയിലെടുത്തു, എലിവിഷത്തെ കുറിച്ച് സെർച്ച് ചെയ്തെന്നും റിപ്പോർട്ട് ഇതേ തുടര്‍ന്ന് ജോബിയെ വിജയന്‍ ഇങ്ങനെയാണെങ്കില്‍ കാര്യങ്ങള്‍ നല്ലരീതിയില്‍ പോവുകയില്ലെന്നും എം. എല്‍. എ ഗൃഹസന്ദര്‍ശനപരിപാടിയില്‍ പങ്കെടുത്തില്ലെന്നു പറയുന്നത് എന്തടിസ്ഥാനത്തിലാണെന്നു ചോദിക്കുകയായിരുന്നു. പോസ്റ്റു പിന്‍വലിച്ചില്ലെങ്കില്‍ കാര്യങ്ങള്‍ മോശമായി മാറുമെന്നു ഭീഷണിയും ഉയര്‍ത്തുന്നുണ്ട്. ആലപ്പടമ്പിലെ മത്സ്യസംസ്‌കരണ യൂനിറ്റിനെതിരെ സമരം ചെയ്തതിന്റെ പേരില്‍ തനിക്കു മാത്രമല്ല മറ്റുപലര്‍ക്കും ഭീഷണിയുണ്ടെന്നു ജോബി പീറ്റര്‍ പ്രതികരിച്ചു.
സി. പി. എം ലോക്കല്‍സെക്രട്ടറിയുടെ ഫോണ്‍ ഭീഷണി ചോര്‍ന്നതോടെ സോഷ്യല്‍ മീഡിയയില്‍ വൈറലായിരിക്കുകയാണ്. തനിക്കു ലഭിച്ച വാര്‍ത്തയുടെ ലിങ്ക് മാത്രമാണ് താന്‍ പ്രാദേശിക വാട്‌സ് ആപ്പ് കൂട്ടായ്മയില്‍ ഷെയര്‍ ചെയ്തതെന്നു ജോബി പറയാന്‍ ശ്രമിക്കുന്നുണ്ടെങ്കിലും പതിവു ശൈലിയില്‍ ഏകപക്ഷീയമായി തട്ടിക്കയറുകയാണ് ലോക്കല്‍ സെക്രട്ടറിയായ വിജയന്‍ ചെയ്യുന്നതെന്നാണ് ശബ്ദസന്ദേശത്തില്‍ വ്യക്തമാകുന്നത്. സംഭവം കണ്ണൂരില്‍ രാഷ്ട്രീയ വിവാദമായി മാറിയിട്ടുണ്ട്. സി.പി. എം നേതാവിന്റെ ഭീഷണിക്കെതിരെ പ്രതിപക്ഷപാര്‍ട്ടികള്‍ രംഗത്തു വന്നിട്ടുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
