ഇന്‍ഡിഗോ മാപ്പ് പറഞ്ഞു, ക്ഷമാപണം എഴുതി നല്‍കിയാല്‍ ബഹിഷ്‌കരണം അവസാനിപ്പിക്കും: ഇ പി ജയരാജന്‍

കണ്ണൂര്‍: യാത്രാവിലക്ക് ഏര്‍പ്പെടുത്തിയതില്‍ ഇന്‍ഡിഗോ മാപ്പ് പറഞ്ഞെന്ന് എല്‍ഡിഎഫ് കണ്‍വീനര്‍ ഇ പി ജയരാജന്‍. മുംബൈയിലുള്ള മലയാളി റീജനല്‍ മാനേജറാണ് ഫോണില്‍ വിളിച്ചതെന്ന് അദ്ദേഹം പറഞ്ഞു. ക്ഷമാപണം എഴുതി തരാത്തതിനാലാണ് വിമാനത്തില്‍ യാത്ര ചെയ്യാത്തതെന്ന് ഇ പി ജയരാജന്‍ പറഞ്ഞു.

Also Read: ഭര്‍ത്താവിന് ശമ്പളില്ല, രണ്ടു മാസമായി പട്ടിണി പിന്നെന്ത് ഓണം? ദു:ഖത്തില്‍ കെഎസ്ആര്‍ടിസി ജീവനക്കാരുടെ കുടുംബം

'എന്നാല്‍ തനിക്ക് വിമാന യാത്ര ചെയ്യാത്തതില്‍ പ്രയാസമില്ല. വിമാന യാത്ര ചെയ്യുന്നതിനെക്കാള്‍ ട്രെയിനില്‍ യാത്ര ചെയ്യുമ്പോഴാണ് സുഖം. സാമ്പത്തികമായും ആരോഗ്യപരമായും ലാഭം അതാണ്, മാത്രമല്ല നല്ല ഉറക്കവും കിട്ടുമെന്നും' ഇ പി ജയരാജന്‍ പറഞ്ഞു.

undefined

മുഖ്യമന്ത്രിക്കെതിരെ കണ്ണൂരില്‍ നിന്നും തിരുവനന്തപുരത്തേക്ക് പുറപ്പെട്ട ഇന്‍ഡിഗോ വിമാനത്തില്‍ നിന്നും മുദ്രാവാക്യം വിളിച്ച യൂത്ത് കോണ്‍ഗ്രസ് പ്രവര്‍ത്തകരായ ഫര്‍സിന്‍ മജീദ്, നവീന്‍കുമാര്‍ എന്നിവരെ തള്ളിയിട്ടു അപായപ്പെടുത്താന്‍ ശ്രമിച്ചെന്ന പരാതിയിലാണ് അന്ന് വിമാനത്തിലുണ്ടായിരുന്ന എല്‍ഡിഎഫ് കണ്‍വീനര്‍ ഇപി ജയരാജനെതിരെ ഇന്‍ഡിഗോ വിമാന കമ്പിനി നടപടിയെടുത്തത്.

Also Read: പേ വിഷബാധയ്‌ക്കെതിരെ മൂന്നു കുത്തിവയ്പ് എടുത്ത പെണ്‍കുട്ടി ഗുരുതരാവസ്ഥയില്‍

നിയമസഭ കയ്യാങ്കളി കേസിലെ ഹൈക്കോടതി വിധി തിരിച്ചടിയല്ലെന്ന് ജയരാജന്‍ പറഞ്ഞു. കൂടുതല്‍ തെളിവുകള്‍ ഹാജരാക്കാനുള്ള അവസരമായിട്ടാണ് കോടതിവിധിയെ കാണുന്നതെന്ന് അദ്ദേഹം കൂട്ടിച്ചേര്‍ത്തു.

നേതാക്കളെ യുഡിഎഫ് എംഎല്‍എമാര്‍ ആക്രമിച്ചപ്പോള്‍ നോക്കി നില്‍ക്കണമായിരുന്നോയെന്നും ജയരാജന്‍ ചോദിച്ചു. കേസ് നിയമപരമായി നേരിടുമെന്നും അദ്ദേഹം പറഞ്ഞു. 'സിപിഐ സമ്മേളനത്തില്‍ ഉണ്ടാകുന്ന പല വിമര്‍ശനങ്ങളും മറുപടി അര്‍ഹിക്കുന്നില്ല. സിപിഎം- സിപിഐ പാര്‍ട്ടികളെ തമ്മില്‍ അടിപ്പിക്കാന്‍ പലരും ശ്രമിക്കുന്നു. ഇടതു പാര്‍ട്ടികളുടെ ഐക്യമാണ് പരമപ്രധാനമെന്ന് പാര്‍ട്ടി നേതൃത്വത്തിന് അറിയാമെന്ന് അദ്ദേഹം വ്യക്തമാക്കി.