Eruvessi Service Co-op Bank Board Election Udf To Approach High Court
എരുവേശി സര്‍വീസ് സഹകരണ ബാങ്ക് ഭരണസമിതി തെരഞ്ഞെടുപ്പ്; നിയമയുദ്ധത്തിനൊരുങ്ങി യു ഡി എഫ്
Eruvessi Service Co-Op Bank: തെരഞ്ഞെടുപ്പ് നടക്കുന്ന സ്ഥലത്തില്‍ ഇടപെടാനാവില്ലെന്നും സുരക്ഷ ഉറപ്പാക്കാമെന്നും ഹൈക്കോടതി പറഞ്ഞിരുന്നു. എന്നാല്‍ ഹൈക്കോടതി നിര്‍ദ്ദേശത്തെ മറികടന്ന് പോലീസ് സുരക്ഷ ഒരുക്കാന്‍ തയ്യാറാവാതെ പോലീസ് ഒഴിഞ്ഞുമാറുകയായിരുന്നുവെന്ന് യു ഡി എഫ് നേതാക്കള്‍ ആരോപിച്ചു.
Lipi15 Nov 2022, 11:20 am
കണ്ണൂര്: എരുവേശി സര്‍വീസ് സഹകരണ ബാങ്ക് ഭരണസമിതി തെരഞ്ഞെടുപ്പില്‍ ഏകപക്ഷീയമായി എല്‍ ഡി എഫ് ജയിച്ച സാഹചര്യത്തില്‍ യു ഡി എഫ് നിയമയുദ്ധം നടത്താന്‍ തീരുമാനിച്ചു. സംഘര്‍ഷദൃശ്യങ്ങളുമായി യു ഡി എഫ് ഹൈക്കോടതിയിലെ സമീപിക്കുമെന്നാണ് വിവരം. എം എല്‍ എ ഉള്‍പ്പെടെയുള്ള യു ഡി എഫ് പ്രവര്‍ത്തകരെ സി പി എം പ്രവര്‍ത്തകര്‍ മര്‍ദ്ദിക്കുന്ന ദൃശ്യങ്ങളാണ് ഈ വരുന്ന നവംബര്‍ 23ന് ഹൈക്കോടതിയില്‍ സമര്‍പ്പിക്കുക. എരുവേശി സഹകരണബാങ്ക് തെരഞ്ഞെടുപ്പ് സാധാരണയായി ചെമ്പേരിയിലാണ് നടന്നിരുന്നത്. എന്നാല്‍ ഇക്കുറി അതു എരുവേശിയിലേക്ക് മാറ്റിയതിനെതിരെ യു ഡി എഫ് ഹൈക്കോടതിയെ സമീപിച്ചിരുന്നു.
Samayam Malayalam എരുവേശി സര്‍വീസ് സഹകരണ ബാങ്ക് തെരഞ്ഞെടുപ്പിനിടെ നടന്ന സംഘർഷം
തെരഞ്ഞെടുപ്പ് നടക്കുന്ന സ്ഥലത്തില്‍ ഇടപെടാനാവില്ലെന്നും സുരക്ഷ ഉറപ്പാക്കാമെന്നും ഹൈക്കോടതി പറഞ്ഞിരുന്നു. എന്നാല്‍ ഹൈക്കോടതി നിര്‍ദ്ദേശത്തെ മറികടന്ന് പോലീസ് സുരക്ഷ ഒരുക്കാന്‍ തയ്യാറാവാതെ പോലീസ് ഒഴിഞ്ഞുമാറുകയായിരുന്നുവെന്ന് യു ഡി എഫ് നേതാക്കള്‍ ആരോപിച്ചു. യു ഡി എഫ് വോട്ടര്‍മാരെ പോളിങ് ബൂത്തിലേക്ക് കടത്തിവിടാതെ വഴിയില്‍ തടയുകയും ഭീഷണിപ്പെടുത്തി തിരിച്ചയക്കുകയുമാണ് ചെയ്തത്. അക്രമവിവരമറിഞ്ഞെത്തിയ സജീവ് ജോസഫ് എം എല്‍ എയെയും കൈയേറ്റം ചെയ്തു. എരുവേശി ഗ്രാമപഞ്ചായത്ത് പ്രസിഡന്റ് ടെസി ഇമാനുവല്‍, സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷൈലാജോയ്, സ്ഥാനാര്‍ത്ഥി ജോസഫ് കൊട്ടുകപ്പള്ളി, യൂത്ത് കോണ്‍ഗ്രസ് പ്രവര്‍ത്തകന്‍ പി.കെ ലിജേഷ്, ഡി.സി.സി സെക്രട്ടറി ജോജി വട്ടോളി, എന്നിവര്‍ക്കാണ് മര്‍ദ്ദനമേറ്റത്. ഇവര്‍ ആശുപത്രിയില്‍ ചികിത്‌സയിലാണ്.
ഇതില്‍ പ്രതിഷേധിച്ച്‌ചൊവ്വാഴ്ച്ച വൈകുന്നേരം ചെമ്പേരി ടൗണില്‍ പ്രകടനവും പ്രതിഷേധ പൊതുസമ്മേളനവും നടത്താന്‍ യു ഡി എഫ് തീരുമാനിച്ചിട്ടുണ്ട്. കോണ്‍ഗ്രസുകാരായ അംഗങ്ങള്‍ക്ക് ഭൂരിപക്ഷമുള്ള എരുവേശി ബാങ്ക് ഭരണം ഇതുരണ്ടാം തവണയാണ് എല്‍ ഡി എഫ് പിടിച്ചെടുക്കുന്നത്. തുടക്കം മുതല്‍ അന്‍പതുവര്‍ഷക്കാലം ഭരണം നടത്തിയിരുന്ന യു ഡി എഫില്‍ നിന്നും 2017-ലാണ് സി പി എം ആദ്യമായി ഭരണം പിടിക്കുന്നത്. തെരഞ്ഞെടുപ്പിനു ശേഷം ബാങ്ക് പ്രസിഡന്റായി അനില്‍ പി ജോര്‍ജിനെയും വൈസ് പ്രസിഡന്റായി കെജി പ്രകാശിനെയും തെരഞ്ഞെടുത്തിട്ടുണ്ട്. കണ്ണൂര് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം Read Latest Local News and Malayalam News
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
