കണ്ണൂർ: അതിഥി തൊഴിലാളിയെന്ന വ്യാജേനെ പുതിയ തെരുവിലെ വാടകക്വാർട്ടേഴ്‌സിൽ താമസിച്ചു കണ്ണൂർ നഗരത്തിലും പരിസര പ്രദേശങ്ങളിലും കഞ്ചാവ് വിൽപന നടത്തിയിരുന്ന ഒഡീഷ സ്വദേശിയായ യുവാവിനെ എക്‌സൈസ് തന്ത്രപരമായി പിടികൂടി. പുതിയതെരു മൂപ്പൻപാറയിൽ എക്‌സൈസ് സംഘം നടത്തിയ പരിശോധനയിലാണ് കഞ്ചാവുമായി ഒഡീഷ സ്വദേശിയായ യുവാവിനെ പിടികൂടിയത്.
രഹസ്യവിവരത്തെ തുടർന്ന് ആഴ്ചകളായി ഇയാളുടെ നീക്കങ്ങൾ നിരീക്ഷച്ചതിന്റെ ഭാഗമായാണ് ഉണക്ക കഞ്ചാവുമായി പിടികൂടാൻ സാധിച്ചത്. നേരത്തെയും കണ്ണൂർ ഭാഗങ്ങളിൽ കഞ്ചാവ് എത്തിച്ചുകൊടുത്തതിന് പ്രതിയെ കണ്ണൂർ കോടതി റിമാന്റ് ചെയ്തിരുന്നു. പരിശോധനയ്ക്ക് എക്‌സൈസ് പ്രിവന്റീവ് ഓഫിസർമാരായ സർവ്വജ്ഞൻ എംപി, പ്രവീൺ എൻ.വി, പ്രിവന്റീവ് ഓഫീസർ(ഗ്രേഡ്) ദിനേശൻ പികെ, സിവിൽ എക്‌സൈസ് ഓഫീസർമാരായ രജിത് കുമാർ എൻ, സജിത്ത് എം, റോഷി കെ.പി, ടിഅനീഷ്, പി. നിഖിൽ പിഎന്നിവരാണ് അന്വേഷണത്തിന് നേതൃത്വം നൽകിയത്.
കണ്ണൂ‍ര്‍ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
ആശ്വാസമായി തീരസഭ അദാലത്ത്
ജില്ലാ ഭരണകൂടത്തിൻറെയും ഫിഷറീസ് വകുപ്പിൻറെയും ആഭിമുഖ്യത്തിൽ നടന്ന തീര സഭ അദാലത്ത് നിരവധി പേർക്ക് ആശ്വാസമായി. ജില്ലാ കലക്ടർ ഡോ.എൻ തേജ് ലോഹിത് റെഡ്ഡിയുൾപ്പടെയുള്ള ഉദ്യോഗസ്ഥർ തീരദേശ വാസികളുടെ വിവിധ പരാതികൾ കേട്ടു. പരിഹാര സാധ്യതയുള്ളത് തത്സമയം തീർപ്പാക്കുകയും സർക്കാർ തീരുമാനമെടുക്കേണ്ട പരാതികൾ തുടർ നടപടികൾക്കായി മാറ്റിവെക്കുകയും ചെയ്തു.
തെക്കേ കടപ്പുറം മുതൽ എലത്തൂർ മത്സ്യഗ്രാമം വരെയുള്ള മത്സ്യത്തൊഴിലാളികളുടെ ഇരുനൂറോളം പരാതികൾക്ക് പുറമെ പുതുതായി ലഭിച്ച പരാതികളും വെസ്റ്റ്ഹിൽ ഫിഷറീസ് കോംപ്ലക്സിൽ നടന്ന അദാലത്തിൽ പരിഗണിച്ചു.
മത്സ്യതൊഴിലാളി ക്ഷേമനിധി ബോർഡ്, എംപ്ലോയ്മെന്റ്, കാരുണ്യ ആരോഗ്യ ഇൻഷുറൻസ്, മത്സ്യഫെഡ്,ഫിഷറീസ്, തീരദേശ വികസന കോർപ്പറേഷൻ, സഹകരണം, കോർപ്പറേഷൻ,സിവിൽ സപ്ലൈസ്, ലൈഫ്മിഷൻ, റവന്യൂ, ലീഡ് ബാങ്ക്, ആരോഗ്യം, കുടിവെള്ളം, ഇറിഗേഷൻ, കെ എസ് ഇ ബി, കുടുംബശ്രീ, ടൗൺ പ്ലാനിങ്ങ്, ഹാർബർ എഞ്ചിനിയറിങ്, വിദ്യാഭ്യാസം തുടങ്ങി വിവിധ സർക്കാർ വകുപ്പുകളുടെ കൗണ്ടറുകൾ അദാലത്തിനായി ഒരുക്കിയിരുന്നു.