കണ്ണൂര്: ഓട്ടോഗ്രാഫുകളില് സ്നേഹാക്ഷരം ചാലിച്ചും മധുരം നവരച്ചത്. ല്കിയും സ്കൂള് വിദ്യാര്ത്ഥികള്ക്ക് യാത്രയയപ്പുനല്കുന്നത് നാം കണ്ടിട്ടുണ്ട്. എന്നാല് ഇതില് നിന്നൊക്കെ വ്യത്യസ്തമായി ഹൃദയം കൊണ്ടുളള യാത്രയയപ്പാണ് നരവൂരിലെ കുട്ടികള്ക്ക് ലഭിച്ചത്. സ്കൂളിന്റെ പടിയിറങ്ങുന്ന കുട്ടികള്ക്ക് സ്നേഹത്തില് ചാലിച്ച ചിത്രമെഴുതി യാത്രയയപ്പ് നല്കി വേര്പാടിനെ അവിസ്മരണീയമാക്കിയിരിക്കുകയാണ് ഒരുകൂട്ടം അധ്യാപകര്. കൂത്തുപറമ്പ് നരവൂര് സൗത്ത് എല് പി സ്കൂളിലെ കുട്ടികള്ക്കാണ് ഈ വേറിട്ട യാത്രയയപ്പു നല്കിയത്.
നരവൂര് സൗത്ത് എല് പി സ്കൂള് ഹെഡ്മാസ്റ്റര് പി വി ദിജേഷാണ് മുഴുവന് കുട്ടികളുടേയും ചിത്രം വച്ച് ഫ്രയിംചെയ്ത് യാത്രയയപ്പ് വേളയില് കുട്ടികള്ക്ക് നല്കിയത്. ശില്പങ്ങള് നിര്മ്മിക്കുകയും,പ്രകൃതി ചിത്രങ്ങള് വരയ്ക്കാറുണ്ടെങ്കിലും, ചിത്രകലയില് പരിശീലനം നേടാതെയാണ് അധ്യാപകന് അവരുടെ മനോഹരമായ ചിത്രങ്ങള് വരച്ച് കുട്ടികള്ക്ക് നല്കിയത്.
ചിത്രം വരച്ച് അവ ഓരോ കുട്ടിയുടേയും കൈയ്യിലേല്പ്പിച്ചപ്പോള് അവരുടെ മുഖത്ത് വിരിഞ്ഞ നിറഞ്ഞ പുഞ്ചിരിയാണ് ഏറ്റവും വലിയ സന്തോഷമെന്ന് ഹെഡ് മാസ്റ്റര് പറഞ്ഞു. യാത്രയപ്പിന്റെ ഭാഗമായി ഭീമന്കേക്ക് മുറിക്കല്, പായസം, കേക്ക്, മിഠായി എന്നിവയും പങ്ക് വച്ചു. പ്രവര്ത്തനങ്ങള്ക്ക് കെ ദിപിന് , സി. റജിന് , വി. രഗില, എ.കെ. യജുഷ, പി. ശ്രുതി, എ.കെ. രഗിന , ദില് നാദാസ് എന്നിവര് നേതൃത്വം നല്കി.