ന്യൂ മാഹിയിലെ നഴ്സിന്‍റെ ആത്മഹത്യാശ്രമം; സഹപ്രവർത്തകൻ ഉൾപ്പെടെ നാലുപേർ അറസ്റ്റിൽ

കണ്ണൂർ: സോഷ്യൽ മീഡിയയിലൂടെ നടത്തിയ വ്യാജപ്രചാരണത്തിൽ‌ മനംനൊന്ത് ന്യൂ മാഹി പ്രാഥമിക കേന്ദ്രത്തിലെആരോഗ്യ പ്രവര്‍ത്തക ജീവനൊടുക്കാൻ ശ്രമിച്ച സംഭവത്തിൽ നാല് പേർ അറസ്റ്റിൽ. ആത്മഹത്യാ കുറിപ്പില്‍ പരാമർശിച്ച ഇവരുടെ സഹപ്രവർത്തകനായ ഹെൽത്ത് ഇൻസ്പെക്ടറും വില്ലേജ് ഓഫിസ് ജീവനക്കാരനുമടക്കം നാലുപേരാണ് പിടിയിലായത്. യുവതിയെ മാനസികമായി പീഡിപ്പിച്ചതിനാണ് ന്യൂ മാഹി പോലിസ് ഇവർക്കെതിരെ കേസെടുത്തത്.

Also Read: കാസര്‍കോട് സമ്പര്‍ക്കത്തില്‍ ഒരാള്‍ക്ക് കൊവിഡ്; രോഗലക്ഷണമുണ്ടായിട്ടും ക്വാറന്‍റൈനിലാക്കിയില്ലെന്നാരോപണം

അറസ്റ്റിലായ ഇവരെ പിന്നീട് സ്റ്റേഷൻ ജാമ്യത്തിൽ വിട്ടയച്ചു. കഴിഞ്ഞ വെള്ളിയാഴ്ച രാത്രി ന്യൂ മാഹി പ്രാഥമികാരോഗ്യ കേന്ദ്രത്തിലെ ജീവനക്കാരിയും പുന്നോല്‍ സ്വദേശിനിയുമായ മുപ്പത്തിമുന്നുകാരിയാണ് ജീവനൊടുക്കാനൊ രുങ്ങിയത്. രക്തസമ്മര്‍ദത്തിനുള്ള 20 ഗുളിക യുവതി ഒരുമിച്ചു കഴിക്കുകയായിരുന്നു. ഉടന്‍ തലശേരി ഗവ.ആശുപത്രിയില്‍ പ്രവേശിപ്പിച്ചെങ്കിലും പ്രഥമ ശു ശ്രൂഷയ്ക്കു ശേഷം പകണ്ണൂർ ഗവ. മെഡിക്കല്‍ കോളജ് ആശുപത്രിയിലേക്ക് മാറ്റി. അപകടനില തരണം ചെയ്തതായി ആശുപത്രി അധികൃതര്‍ പറഞ്ഞു.

Also Read: വിദ്യാര്‍ഥിയുടെ ആത്മഹത്യ; മലപ്പുറത്ത് വ്യാപക പ്രതിഷേധം, വിദ്യാഭ്യാസ മന്ത്രി രാജിവെക്കണമെന്ന് ദളിത് ലീഗ്, ബാലാവകാശ കമ്മീഷന്‍ ഇടപെടണമെന്ന് ബിജെപി

അതേ സമയം യുവതിയുടെ കൊ വിഡ് സ്രവ പരിശോധന ഫലം നെഗറ്റീവാണ്.ഇവർ അപകടനില തരണം ചെയ്തതായി ആശുപത്രി അധികൃതർ അറിയിച്ചു.ആരോഗ്യ പ്രവർത്തകയുടെ പേരിലുള്ള ആത്മഹത്യക്കുറിപ്പ് സമൂഹമാധ്യമങ്ങള്‍വഴി പ്രചരിക്കുന്നുണ്ട്. തന്‍റെ മരണത്തിന് ഉത്തരവാദികള്‍ സഹപ്രവര്‍ത്തകന്‍ ഉള്‍പ്പെടെ നാലു പേരാണെന്ന് ആ കുറിപ്പില്‍ പറയുന്നു. ശുചിത്വം പാലിക്കാതെയും അശ്രദ്ധമായും താന്‍ ജോലി ചെയ്‌തെന്നാണ് ചിലര്‍ കുപ്രചാരണം നടത്തുന്നതെന്നും ഇതില്‍ മനംനൊന്താണ് ജീവിതം അവസാനിപ്പിക്കാൻ ശ്രമിച്ചതെന്നും കുറിപ്പിലുണ്ട്.