കണ്ണൂര്: പയ്യന്നൂർ ഗവൺമെന്റ് താലൂക്ക് ആശുപത്രിയിൽ സർക്കാർ വാഹനം പുറത്തിറക്കാൻ കഴിയാത്ത വിധത്തിൽ ചുറ്റുമതിൽ കെട്ടി. നടപ്പ് വഴി മാത്രം ബാക്കിയാക്കി അധികൃതര് ചുറ്റുമതില് നിർമിച്ചതോടെ താലൂക്ക് ആശുപത്രി കോമ്പൗണ്ടില് പൊളിച്ചു മാറ്റാന് നിശ്ചയിക്കപ്പെട്ട വാഹനം മതില് കെട്ടിനുള്ളിൽ പെട്ടിരിക്കുകയാണ്. മതിലുകളും മറ്റു നിര്മാണങ്ങളും നടന്നപ്പോള് വാഹനത്തെ പുറത്തെത്തിക്കാനുള്ള വഴികളെല്ലാം അടയ്ക്കപ്പെടുകയായിരുന്നു. കേരള ഹെല്ത്ത് റിസര്ച്ച് സൊസൈറ്റി കണ്ണൂര് റീജ്യണല് മാനേജരുടെ കാര്യാലയത്തിനു മുന്നിലാണ് പഴയ ടാറ്റാ സുമോ കിടക്കുന്നത്. മൾട്ടി സ്പെഷ്യാലിറ്റിയായി ഉയര്ത്തപ്പെടുന്ന പയ്യന്നൂര് താലൂക്ക് ആശുപത്രിയില് നിര്മാണ പ്രവര്ത്തനങ്ങള് ദ്രുതഗതിയില് പുരോഗമിക്കുകയാണ്. ഇതിനിടെയാണ് ആശുപത്രി കോമ്പൗണ്ടില് മതില് കെട്ടിനുള്ളില് ഒരു പഴയ ടാറ്റാ സുമോ പെട്ടു പോയത്.
കേരള ഹെല്ത്ത് റിസര്ച്ച് സൊസൈറ്റി കണ്ണൂര് റീജിയണല് മാനേജരുടെ കാര്യാലയത്തിന്റെ പടിഞ്ഞാറു ഭാഗത്തെ മുറ്റത്താണ് ആരോഗ്യവകുപ്പിന്റെ വാഹനം കിടക്കുന്നത്. കൊവിഡ് കാലത്ത് രോഗികളുടെ സേവനത്തിനായി എത്തിച്ച വാഹനം രണ്ടു വര്ഷത്തിലേറെയായി പ്രവര്ത്തനരഹിതമായി ഇവിടെ കിടക്കുകയാണ്. 2018 ല് ഫിറ്റ്നസ് കാലാവധി അവസാനിച്ച വാഹനമാണിത്. 19 വര്ഷം പഴക്കമുള്ളതാണ് വാഹനം.
പതിനഞ്ചു വര്ഷം പഴക്കമുള്ള വാഹനങ്ങള് പൊളിച്ചു മാറ്റണമെന്നാണ് സര്ക്കാര് ഉത്തരവ് അതു പ്രകാരം പൊളിച്ചു മാറ്റാന് നിശ്ചയിക്കപ്പെട്ട വാഹനമാണിത്. ഇതിനുള്ള നടപടികള് ആരംഭിച്ചതായി അധികൃതര് പറയുന്നു. എന്നാല് ഇനി ഈ വാഹനം കിടക്കുന്നിടത്തു വച്ച് പൊളിക്കലല്ലാതെ മറ്റൊരു വഴിയുമില്ല. പലവിധ നിര്മാണ പ്രവര്ത്തനങ്ങള് നടന്നതോടെ വാഹനം പുറത്തെത്തിക്കാന് മറ്റ് മാര്ഗങ്ങളില്ലാതാരിക്കുകയാണ്.
പൊളിച്ചു മാറ്റുന്നതിനായി വാഹനം ഇവിടെ നിന്നും മാറ്റണമെങ്കില് മതിലോ മറ്റേതെങ്കിലും നിര്മാണമോ പൊളിച്ചു മാറ്റണമെന്നതാണ് അവസ്ഥ. സര്ക്കാര് അധികൃതരുടെ അനാസ്ഥയായി മാറിയിരിക്കുകയാണ് പയ്യന്നൂരിലെ മതിലിനകത്തു കുടുങ്ങിയ വാഹനം. ഇതിന്റെ ചിത്രം സോഷ്യല് മീഡിയയിലും ഇപ്പോള് പ്രചരിക്കുന്നുണ്ട്.
കേരള ഹെല്ത്ത് റിസര്ച്ച് സൊസൈറ്റി കണ്ണൂര് റീജിയണല് മാനേജരുടെ കാര്യാലയത്തിന്റെ പടിഞ്ഞാറു ഭാഗത്തെ മുറ്റത്താണ് ആരോഗ്യവകുപ്പിന്റെ വാഹനം കിടക്കുന്നത്. കൊവിഡ് കാലത്ത് രോഗികളുടെ സേവനത്തിനായി എത്തിച്ച വാഹനം രണ്ടു വര്ഷത്തിലേറെയായി പ്രവര്ത്തനരഹിതമായി ഇവിടെ കിടക്കുകയാണ്. 2018 ല് ഫിറ്റ്നസ് കാലാവധി അവസാനിച്ച വാഹനമാണിത്. 19 വര്ഷം പഴക്കമുള്ളതാണ് വാഹനം.
പതിനഞ്ചു വര്ഷം പഴക്കമുള്ള വാഹനങ്ങള് പൊളിച്ചു മാറ്റണമെന്നാണ് സര്ക്കാര് ഉത്തരവ് അതു പ്രകാരം പൊളിച്ചു മാറ്റാന് നിശ്ചയിക്കപ്പെട്ട വാഹനമാണിത്. ഇതിനുള്ള നടപടികള് ആരംഭിച്ചതായി അധികൃതര് പറയുന്നു. എന്നാല് ഇനി ഈ വാഹനം കിടക്കുന്നിടത്തു വച്ച് പൊളിക്കലല്ലാതെ മറ്റൊരു വഴിയുമില്ല. പലവിധ നിര്മാണ പ്രവര്ത്തനങ്ങള് നടന്നതോടെ വാഹനം പുറത്തെത്തിക്കാന് മറ്റ് മാര്ഗങ്ങളില്ലാതാരിക്കുകയാണ്.
പൊളിച്ചു മാറ്റുന്നതിനായി വാഹനം ഇവിടെ നിന്നും മാറ്റണമെങ്കില് മതിലോ മറ്റേതെങ്കിലും നിര്മാണമോ പൊളിച്ചു മാറ്റണമെന്നതാണ് അവസ്ഥ. സര്ക്കാര് അധികൃതരുടെ അനാസ്ഥയായി മാറിയിരിക്കുകയാണ് പയ്യന്നൂരിലെ മതിലിനകത്തു കുടുങ്ങിയ വാഹനം. ഇതിന്റെ ചിത്രം സോഷ്യല് മീഡിയയിലും ഇപ്പോള് പ്രചരിക്കുന്നുണ്ട്.