ജോസഫൈൻ വനിതാ കമ്മീഷൻ ചെയർപേഴ്‌സൺ സ്ഥാനത്തിരിക്കാൻ യോഗ്യയല്ല: കെ.സുധാകരൻ

കണ്ണൂർ: സി.പി.എം ഒരേ സമയം കോടതിയും പൊലിസുമാണെന്ന വനിതാ കമ്മിഷൻ ചെയർപേഴ്സൺ എം.സി ജോസഫൈൻ നടത്തിയ പ്രസ്താവനയ്ക്കെതിരെ ആഞ്ഞടിച്ച് കെ.സുധാകരൻ എം.പി. ജോസഫൈൻ ഇങ്ങനെയൊരു പ്രസ്താവന നടത്തിയത് താനിരിക്കുന്ന സ്ഥാനം മറന്നു കൊണ്ടാണ്.

ജോസഫൈൻ നടത്തിയ പ്രസ്താവന അവരുടെ തറ രാഷ്ട്രീയമാണ് വ്യക്തമാക്കുന്നത്. വനിതാ കമ്മിഷൻ അധ്യക്ഷ സ്ഥാനത്ത് ഇരിക്കാൻ അവർ യോഗ്യയല്ല. അവരെ ഉടൻ പുറത്താക്കാൻ സർക്കാർ തയ്യാറാകണമെന്ന് കെ.സുധാകരൻ പറഞ്ഞു. ജീവിത വിഷമം അനുഭവിക്കുന്ന വനിതകൾക്ക് സാന്ത്വനം നൽകേണ്ട അവർ പാർട്ടിയോട് കാണിക്കുന്ന കൂറ് ജനാധിപത്യപരമായി ഇരിക്കേണ്ട സ്ഥാനത്തിന് യോജിച്ചതല്ലെന്നും കെ.സുധാകരൻ എം.പി കണ്ണൂരിൽ മാധ്യമ പ്രവർത്തകരോട് പറഞ്ഞു.