കണ്ണപുരം(കണ്ണൂര്‍): ഒരു നാട്ടിലെ മുഴുവന്‍ സ്ത്രീകളെയും നീന്തല്‍ പഠിപ്പിച്ചിരിക്കുകയാണ് ജാനകി അമ്മ. സ്ത്രീകളെ മാത്രമല്ല നാട്ടിലെ സകല കുട്ടികളെയും. കണക്കുകള്‍ കൃത്യമായി അറിയില്ലെങ്കിലും 11 വര്‍ഷം കൊണ്ട് ആയിരത്തില്‍ അധികം പേരെ നീന്തല്‍ പഠിപ്പിച്ചതായി ജാനകിയമ്മ പറയുന്നു. കണ്ണൂര്‍ ചെറുകുന്ന് തറയില്‍ നിന്ന് ചൈനാക്ലേ റോഡ് വഴി ചുണ്ടയിലെത്തിയാല്‍ ചേലേരി വീട്ടില്‍ ജാനകി എന്ന സിവി ജാനകിയുടെ വീടെത്തും. ഇവിടെ നിന്നും ഇടവഴി താണ്ടിയാല്‍ വയലിനോട് ചേര്‍ന്ന ചെറിയ കുളം കാണാം.Also Read: 15കാരന് വടികൊണ്ടും കൈകൊണ്ടും മർദ്ദനം, മദ്യം വായിൽ ഒഴിപ്പിച്ചുകുടിപ്പിച്ചു, മാതാവിന്റെ ആൺസുഹൃത്തുക്കളുടെ ക്രൂരത, ഒരാൾ അറസ്റ്റിൽ
നാട്ടുകാര്‍ പൂവന്‍കുളം എന്നു വിളിക്കുന്ന ഈ കൊച്ചു കുളത്തിലാണ് ജാനകി അമ്മ ആയിരങ്ങളെ നീന്തല്‍ പഠിപ്പിച്ചത്. സ്ത്രീകള്‍ക്കൊപ്പം വരുന്ന അവരുടെ കുട്ടികളെയും വെള്ളത്തിനോടുള്ള ഭയം മാറ്റി മുങ്ങാന്‍ കുഴിയിടാന്‍ സജ്ജരാക്കി. ചുണ്ടയിലുള്ളവര്‍ക്കു പുറമേ സമീപ പ്രദേശത്തെ വീടുകളില്‍ നിന്നും സ്ത്രീകള്‍ നീന്തല്‍ പഠിക്കാനെത്തുന്നുണ്ട്. ഓരോ വര്‍ഷവും വരുന്നവരുടെ എണ്ണം കൂടുന്നതല്ലാതെ കുറവില്ലെന്നും ജാനകി അമ്മ പറയുന്നു.
ചിലരെ വെറും മൂന്ന് ദിവസം കൊണ്ട് നീന്തല്‍ പഠിപ്പിച്ചിട്ടുണ്ട്. വെള്ളത്തിനോട് ഭയം മാറ്റുന്ന സമയമെടുത്താല്‍ കൂടിപ്പോയാല്‍ 10 ദിവസം മതി ഒരാളെ പഠിപ്പിച്ചെടുക്കാന്‍. എന്നാല്‍ ഭൂരിഭാഗം പേരും ഒരാഴ്ചയ്ക്കുള്ളില്‍ തന്നെ നീന്തല്‍ വശത്താക്കും. രാവിലെ 11 മണിക്കും വൈകീട്ട് നാലുമണിക്കുമാണ് ഇവിടെ പരിശീലനം. സ്ത്രീകള്‍ അവരുടെ വീട്ടുജോലി കഴിഞ്ഞ ഉടന്‍ പൂവന്‍ കുളത്തിലേക്ക് എത്തും. കുട്ടികളെക്കാള്‍ വേഗത്തില്‍ മുതിര്‍ന്ന സ്ത്രീകളെ പഠിപ്പിക്കാന്‍ പറ്റുമെന്നാണ് ജാനകി അമ്മ പറയുന്നത്. നിശ്ചിത പ്രായം കഴിഞ്ഞാല്‍ നീന്തല്‍ പഠിക്കാന്‍ പൊതുവെ പറ്റില്ലെന്നു പറയുന്നവര്‍ക്കുള്ള കൃത്യമായ മോട്ടിവേഷന്‍.
വീട്ടുകാര്യങ്ങളും പശുക്കളെയും മറ്റും നോക്കി നടന്ന ജാനകിയെ നീന്തല്‍ കുളത്തിലേക്ക് എത്തിച്ചതിന് കൃത്യമായ കാരണമുണ്ട്. അക്കാലത്ത് പത്രങ്ങളില്‍ വരുന്ന വാര്‍ത്തകളില്‍ പലപ്പോഴും കണ്ടത് മുങ്ങി മരണങ്ങളുടേതായിരുന്നു. ഇതുതടയാന്‍ നീന്തല്‍ പഠനം അത്യാവശ്യമാണെന്ന് മനസിലാക്കിയാണ് സമീപത്തെ കുളത്തിലേക്ക് ജാനകി എത്തിയത്. കുട്ടിക്കാലം തൊട്ട് നീന്തല്‍ വശമുണ്ടായിരുന്ന ഏതാനും പേരും ഒപ്പം കൂടി. സ്ത്രീകളെ ഓരോരുത്തരെയും കുളത്തിലെത്തിച്ച് നീന്തല്‍ പഠിപ്പിച്ചാണ് തുടക്കം.
ജൂണ്‍ മുതല്‍ ആരംഭിക്കുന്ന പരിശീലനം ഡിസംബര്‍ വരെ നീളും. ഇതിനിടയില്‍ നൂറുകണക്കിന് പേര്‍ വന്ന് നീന്തല്‍ പഠിച്ചുപോയി. ആരോഗ്യം അനുവദിക്കുന്നതുവരെ ഇതു തുടരുമെന്നാണ് ജാനകി അമ്മ പറയുന്നത്. ഭര്‍ത്താവ് കൃഷ്ണനും മകളും പേരമക്കളും പ്രോത്സാഹനവുമായി ഒപ്പമുണ്ട്. നീന്തല്‍ അറിയാത്ത തലമുറ കൂടി വരുന്ന ഈ കാലത്ത് ജാനകി അമ്മയുടെ നിസ്വാര്‍ത്ഥ സേവനത്തിന് പൂര്‍ണ പിന്തുണയാണ് നാട്ടുകാരും നല്‍കുന്നത്.
നാട്ടുകാര്‍ പൂവന്‍കുളം എന്നു വിളിക്കുന്ന ഈ കൊച്ചു കുളത്തിലാണ് ജാനകി അമ്മ ആയിരങ്ങളെ നീന്തല്‍ പഠിപ്പിച്ചത്. സ്ത്രീകള്‍ക്കൊപ്പം വരുന്ന അവരുടെ കുട്ടികളെയും വെള്ളത്തിനോടുള്ള ഭയം മാറ്റി മുങ്ങാന്‍ കുഴിയിടാന്‍ സജ്ജരാക്കി. ചുണ്ടയിലുള്ളവര്‍ക്കു പുറമേ സമീപ പ്രദേശത്തെ വീടുകളില്‍ നിന്നും സ്ത്രീകള്‍ നീന്തല്‍ പഠിക്കാനെത്തുന്നുണ്ട്. ഓരോ വര്‍ഷവും വരുന്നവരുടെ എണ്ണം കൂടുന്നതല്ലാതെ കുറവില്ലെന്നും ജാനകി അമ്മ പറയുന്നു.
ചിലരെ വെറും മൂന്ന് ദിവസം കൊണ്ട് നീന്തല്‍ പഠിപ്പിച്ചിട്ടുണ്ട്. വെള്ളത്തിനോട് ഭയം മാറ്റുന്ന സമയമെടുത്താല്‍ കൂടിപ്പോയാല്‍ 10 ദിവസം മതി ഒരാളെ പഠിപ്പിച്ചെടുക്കാന്‍. എന്നാല്‍ ഭൂരിഭാഗം പേരും ഒരാഴ്ചയ്ക്കുള്ളില്‍ തന്നെ നീന്തല്‍ വശത്താക്കും. രാവിലെ 11 മണിക്കും വൈകീട്ട് നാലുമണിക്കുമാണ് ഇവിടെ പരിശീലനം. സ്ത്രീകള്‍ അവരുടെ വീട്ടുജോലി കഴിഞ്ഞ ഉടന്‍ പൂവന്‍ കുളത്തിലേക്ക് എത്തും. കുട്ടികളെക്കാള്‍ വേഗത്തില്‍ മുതിര്‍ന്ന സ്ത്രീകളെ പഠിപ്പിക്കാന്‍ പറ്റുമെന്നാണ് ജാനകി അമ്മ പറയുന്നത്. നിശ്ചിത പ്രായം കഴിഞ്ഞാല്‍ നീന്തല്‍ പഠിക്കാന്‍ പൊതുവെ പറ്റില്ലെന്നു പറയുന്നവര്‍ക്കുള്ള കൃത്യമായ മോട്ടിവേഷന്‍.
വീട്ടുകാര്യങ്ങളും പശുക്കളെയും മറ്റും നോക്കി നടന്ന ജാനകിയെ നീന്തല്‍ കുളത്തിലേക്ക് എത്തിച്ചതിന് കൃത്യമായ കാരണമുണ്ട്. അക്കാലത്ത് പത്രങ്ങളില്‍ വരുന്ന വാര്‍ത്തകളില്‍ പലപ്പോഴും കണ്ടത് മുങ്ങി മരണങ്ങളുടേതായിരുന്നു. ഇതുതടയാന്‍ നീന്തല്‍ പഠനം അത്യാവശ്യമാണെന്ന് മനസിലാക്കിയാണ് സമീപത്തെ കുളത്തിലേക്ക് ജാനകി എത്തിയത്. കുട്ടിക്കാലം തൊട്ട് നീന്തല്‍ വശമുണ്ടായിരുന്ന ഏതാനും പേരും ഒപ്പം കൂടി. സ്ത്രീകളെ ഓരോരുത്തരെയും കുളത്തിലെത്തിച്ച് നീന്തല്‍ പഠിപ്പിച്ചാണ് തുടക്കം.
ജൂണ്‍ മുതല്‍ ആരംഭിക്കുന്ന പരിശീലനം ഡിസംബര്‍ വരെ നീളും. ഇതിനിടയില്‍ നൂറുകണക്കിന് പേര്‍ വന്ന് നീന്തല്‍ പഠിച്ചുപോയി. ആരോഗ്യം അനുവദിക്കുന്നതുവരെ ഇതു തുടരുമെന്നാണ് ജാനകി അമ്മ പറയുന്നത്. ഭര്‍ത്താവ് കൃഷ്ണനും മകളും പേരമക്കളും പ്രോത്സാഹനവുമായി ഒപ്പമുണ്ട്. നീന്തല്‍ അറിയാത്ത തലമുറ കൂടി വരുന്ന ഈ കാലത്ത് ജാനകി അമ്മയുടെ നിസ്വാര്‍ത്ഥ സേവനത്തിന് പൂര്‍ണ പിന്തുണയാണ് നാട്ടുകാരും നല്‍കുന്നത്.
