അയവില്ലാതെ അക്രമം: കണ്ണൂരിൽ സിപിഎം ഓഫീസ് ബോംബെറിഞ്ഞു തകർത്തു

കണ്ണൂർ: കണ്ണൂർ ജില്ലയിൽ അയവില്ലാതെ രാഷ്ട്രീയാതിക്രമം. സിപിഎം പയ്യന്നൂർ ഏരിയാ കമ്മിറ്റിക്ക് കീഴിലെ കുഞ്ഞിമംഗലം നോര്‍ത്ത് ലോക്കല്‍ കമ്മിറ്റി ഓഫീസിന് നേരെ ബോംബേറ്. വെള്ളിയാഴ്ച പുലര്‍ച്ചെ ഒന്നരയോടെയാണ് കുഞ്ഞിമംഗലം നോര്‍ത്ത് ലോക്കലിന്റെ കണ്ടംകുളങ്ങരയില്‍ പ്രവര്‍ത്തിക്കുന്ന ലോക്കല്‍ കമ്മിറ്റി ഓഫീസിന് നേരെ തുടർച്ചയായി രണ്ട് ബോബുകള്‍ എറിഞ്ഞത്. മുന്‍വശത്തെ വാതിലുകളും ജനലുകളും ബോംബാക്രമണത്തില്‍ പൂര്‍ണ്ണമായും തകര്‍ന്നു.

Also Read: കണ്ണൂരിൽ സമരക്കാരെ നേരിട്ട പോലീസുകാരന് കൊവിഡ്; ഉദ്യോഗസ്ഥർ നിരീക്ഷണത്തിൽ

അക്രമം നടന്ന ഓഫീസ് ജില്ലാ സെക്രട്ടറി എം.വി ജയരാജന്റെ നേതൃത്വത്തിലുള്ള സിപിഎം സംഘം സന്ദര്‍ശിച്ചു. പയ്യന്നൂര്‍ പോലീസ് സ്ഥലത്തെത്തി പരിശോധന നടത്തി. അക്രമത്തിനു പിന്നില്‍ ആര്‍എസ്എസ് പ്രവർത്തകരാണെന്ന് സിപിഎം നേതൃത്വം ആരോപിച്ചു. ബോംബേറിനെ തുടര്‍ന്ന് കണ്ടംകുളങ്ങരയില്‍ നടന്ന പ്രതിഷേധ കൂട്ടായ്മ ജില്ലാ സെക്രട്ടറി എം.വി ജയരാജന്‍ ഉദ്ഘാടനം ചെയ്തു. കെ.വി വാസു അധ്യക്ഷനായി. സംസ്ഥാന കമ്മിറ്റി അംഗം ടി.വി രാജേഷ് എം.എല്‍.എ, ജില്ലാ കമ്മിറ്റി അംഗം ഒ.വി നാരായണന്‍, പി.പി ദാമോദരന്‍, എം. വിജിന്‍ സംസാരിച്ചു.

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ