കര്‍ണാടകയിലേക്കുള്ള യാത്ര വേണ്ടെന്ന് കലക്ടർ, ഇരിട്ടി മാക്കൂട്ടം ചുരം വഴിയുള്ള യാത്രയില്‍ കര്‍ശന നിയന്ത്രണം

കണ്ണുര്‍: കണ്ണൂര്‍ ജില്ലയില്‍ നിന്നും കര്‍ണാടകയിലേക്ക് ഇരിട്ടി മാക്കൂട്ടം ചുരം വഴിയുള്ള യാത്രയില്‍ കര്‍ശന നിയന്ത്രണങ്ങളുമായി കണ്ണൂര്‍ ജില്ലാ ഭരണകൂടം. കണ്ണൂര്‍ ജില്ലക്കാര്‍ കര്‍ണാടക യാത്ര അത്യാവശ്യമല്ലെങ്കില്‍ ഒഴിവാക്കണമെന്ന് കണ്ണൂര്‍ കളക്ടര്‍ ടി.വി സുഭാഷ് അറിയിച്ചു. അതിർത്തിയിൽ കർണാടക സർക്കാർ പ്രഖ്യാപിച്ച വാരാന്ത്യ ലോക്ഡൗൺ ഈ ആഴ്ചയും തുടരുന്നതിനാൽ പൊതുജനങ്ങൾ യാത്ര ഒഴിവാക്കുന്നതാണ് ഉചിതമെന്ന് ജില്ലാ കളക്ടർ ടി.വി സുഭാഷ് വാർത്താകുറിപ്പിൽ അറിയിച്ചു.

Also Read: 'അവർ മനുഷ്യരല്ല, മൃഗങ്ങളാണ്, നരകം കണ്ടു... മെഡിക്കല്‍ കോളേജില്‍ അബോധാവസ്ഥയിലിരിക്കെയാണ് പുഴുവരിച്ചത്', അനില്‍ കുമാറിന്‍റെ വാക്കുകള്‍ കേട്ടാല്‍ ആരുടെയും കണ്ണ് നിറയും

ചികിത്സ ആവശ്യങ്ങൾക്കുള്ള അടിയന്തര യാത്രകൾക്ക് മാത്രമായിരിക്കും അതിർത്തി കടക്കാൻ അനുവാദം നൽകുക. ഈ വിഷയത്തിൽ തലശ്ശേരി സബ് കളക്ടർകുടക് ജില്ലാ അധികൃതരുമായി ആശയ വിനിമയം നടത്തിയിരുന്നു. ഇനി ഒരു അറിയിപ്പ് ഉണ്ടാകുന്നത് വരെ അതിർത്തിയിലെ വരാന്ത്യ ലോക്ഡൗൺ തുടരും. കേരളത്തില്‍ രോഗികളുടെ എണ്ണത്തിലെ വര്‍ധനയും ആശങ്കയുമാണ് കര്‍ണാടകയെ കടുത്ത യാത്രാ നിരോധനത്തിലേക്ക് തള്ളിവിട്ടത്. ഒരു വര്‍ഷം മുമ്പ് രോഗ ഭീതി തുടങ്ങിയപ്പോള്‍ തന്നെ കര്‍ണാടക അതിര്‍ത്തി മണ്ണിടിച്ചത് വിവാദമായിരുന്നു.

Also Read: പാതയോരത്തെ കാന 'പാര'യായി! മഴ വെള്ളം വീടുകളിലേക്ക്; നട്ടംതിരിഞ്ഞ് നാട്ടുകാര്‍, വീഡിയോ കാണാം

പ്രശ്നത്തില്‍ സുപ്രീം കോടതി അടക്കം ഇടപെട്ടിരുന്നു. കേരളത്തില്‍ കോവിസ് രോഗികളുടെ എണ്ണം ദിനംപ്രതി 20000 ലേറെയാണ്. ഇതാണ് കര്‍ണാടക കടുത്ത നിയന്ത്രണം ഏര്‍പ്പെടുത്താന്‍ കാരണമെന്നാണ് സൂചന. കേരളത്തില്‍ നിന്നുമെത്തുന്നവരില്‍ കൊവിഡ് വ്യാപനം കൂടുതലാണെന്ന് നേരത്തെ കര്‍ണാടക സര്‍ക്കാര്‍ ആരോപിച്ചിരുന്നു. ഇതിനെ തുടർന്ന് കണ്ണൂർ -കാസർകോട് ജില്ലകളിലെ കർണാടക അതിർത്തികൾ അടച്ചിരുന്നു കർണാടകയിലേക്കുള്ള യാത്രകൾ നിലച്ചതോടെ ബംഗ്ളുര്, മൈസൂര് എന്നിവടങ്ങളിൽ ജോലി ചെയ്യുന്ന വ്യാപാരികളും ഐടി പ്രൊഫഷനലുകളും വിദ്യാർത്ഥികളും ത്രിശങ്കുവിലായി.

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ