കണ്ണൂർ: കുത്തുപറമ്പിനടുത്തെ പാത്തിപ്പാലത്ത് കൊവിഡ് നിരീക്ഷണത്തിലായിരുന്ന പ്രവാസി യുവാവ് ജീവനൊടുക്കാൻ ശ്രമിച്ചു. ഗൾഫിൽ നിന്നെത്തിയ യുവാവാണ് ഹോം ക്വാറന്റൈനില്
കഴിയവെ ആത്മഹത്യയ്ക്കു ശ്രമിച്ചത്. പാത്തിപ്പാലത്തെ,വീട്ടില് കൊവിഡ് നിരീക്ഷണത്തില് കഴിഞ്ഞിരുന്ന യുവാവാണ് മാനസിക സമ്മർദ്ദത്താൽ ആത്മഹത്യക്ക് ശ്രമിച്ചത്.
മൂന്ന് ദിവസം മുമ്പാണ് യുവാവ് ഗള്ഫില് നിന്നും മടങ്ങിയെത്തിയത്. നിരീക്ഷണത്തില് കഴിഞ്ഞിരുന്ന മുറിയില് തൂങ്ങിമരിക്കാന് ശ്രമിക്കുകയായിരുന്നു. എന്നാല് കയര്പൊട്ടി നിലത്തുവീഴുകയായിരുന്നു.
ഇയാളുടെ അമ്മ ഭക്ഷണവുമായി വീട്ടിലെത്തിയപ്പോഴാണ് യുവാവിനെ വീണ നിലയിൽ കണ്ടത്. നാട്ടുകാരും പോലീസും ആരോഗ്യവകുപ്പ് അധികൃതരും ചേര്ന്ന് ഉടന്തന്നെ ആശുപത്രിയിലേക്ക് മാറ്റി.
Also Read: കണ്ണൂരിൽ ഡി എസ് സി ഡോക്ടർക്ക് കൊവിഡ്; വ്യാഴാഴ്ച 17 പേർക്ക് സമ്പർക്കത്തിലുടെ രോഗബാധ
തലശേരി ജനറൽ ആശുപത്രിയിൽ കഴിയുന്ന ഇദ്ദേഹത്തിന്റെ ആരോഗ്യനില തൃപ്തികരമാണെന്ന് ഡോക്ടര്മാര് അറിയിച്ചു. യുവാവിനെ ആശുപത്രിയില് എത്തിച്ച രണ്ടുപേര് ക്വാറന്റൈനിലേക്ക് മാറി. സാമ്പത്തിക ബാധ്യതയാണ് ആത്മഹത്യാ ശ്രമത്തിന് കാരണമെന്നാണ് സൂചന. ഗൾഫിൽ നിന്നും ജോലി നഷ്ടപ്പെട്ട നിരാശയിലാണ് പ്രവാസിയായ യുവാവ് വന്ദേ ഭാരതം മിഷന്റെ ഭാഗമായുള്ള ചാർട്ടേഡ് വിമാനത്തിൽ നാട്ടിലെത്തിയത്.