കണ്ണൂർ: നടുവിൽ പുലിക്കുരുമ്പക്കടുത്ത് പുലംവനത്ത് അമ്മയേയും മകളേയും കുളിമുറിയിൽ മരിച്ച നിലയിൽ കണ്ടെത്തിയ സംഭവത്തില് ഞെട്ടല് മാറാതെ നാട്. ലോഡിങ് തൊഴിലാളി മനോജിന്റെ ഭാര്യ സജിത(34), മകൾ എട്ടു വയസുള്ള നന്ദൂട്ടി എന്നിവരെയാണ് മരിച്ച നിലയിൽ കണ്ടെത്തിയത്.
സജിതയെ കുളിമുറിയിലെ ഷവർ പൈപ്പിൽ തൂങ്ങിയ നിലയിലും മകളെ ക്ലോസറ്റില് ചാരിയിരുത്തിയിരിക്കുന്ന നിലയിലുമാണ് മൃതദേഹം കണ്ടെത്തിയത്.
നന്ദൂട്ടിയുടെ കഴുത്തിൽ ചെറിയ പ്ലാസ്റ്റിക്ക് കൊണ്ട് കെട്ടിയ നിലയിലായിരുന്നു.
മരണത്തിൽ ദുരൂഹതയുള്ളതിനാൽ മൃതദേഹം വീട്ടിൽ നിന്നും നീക്കിയിട്ടില്ല. കുടുംബ കലഹമാണ് മരണത്തിനു കാരണമെന്ന് പോലീസ് പറഞ്ഞു. സജിതയ്ക്ക് മറ്റൊരു യുവാവുമായുണ്ടായിരുന്ന ബന്ധം ഇരു കുടുംബങ്ങളിലും പ്രശ്നങ്ങള് സൃഷ്ടിച്ചിരുന്നു.
Also Read: കുത്തുകൾ യോജിപ്പിച്ച് ആയിരത്തോളം ചിത്രങ്ങൾ വരച്ച ഹിന്ദി അധ്യാപകൻ!
ഈ യുവാവിന്റെ ഭാര്യ ആത്മഹത്യക്ക് ശ്രമിച്ചതിനെ തുടർന്ന് മംഗളൂരുവിലെ ആസ്പത്രിയിൽ ചികിത്സയിലാണ്. സജിത ഒരു വർഷം മുൻപ് വിഷം കഴിച്ച ആത്മഹത്യക്ക് ശ്രമിച്ചതായും പോലീസ് പറഞ്ഞു. കുടിയൻമല പോലീസ് വീട് പൂട്ടി സീൽ ചെയ്തു. ഇന്ന് വിദഗദ്ഗ പരിശോധന നടത്തും.
(ആത്മഹത്യ ഒന്നിനും പരിഹാരമല്ല, വിദഗ്ധ സഹായം തേടാം- Toll free helpline number-1056)