ഉമ്മൻ ചാണ്ടിയെ കല്ലെറിഞ്ഞ കേസ് പിൻവലിക്കാനുള്ള ഹർജി തള്ളി

കണ്ണൂര്‍: മുന്‍ മുഖ്യമന്ത്രി ഉമ്മന്‍ ചാണ്ടിയെ കല്ലെറിഞ്ഞ കേസ് പിന്‍വലിക്കാനുള്ള ഹര്‍ജി കണ്ണൂര്‍ സബ് കോടതി തള്ളി. കേസ് ഉടന്‍ വിചാരണക്കെടുക്കും. കേസില്‍ പ്രതികളോട് ഹാജരാകാന്‍ ആവശ്യപ്പെട്ട് സമന്‍സ് അയച്ചിരുന്നെങ്കിലും കോടതിയിൽ എത്തിയില്ല. കുറ്റപത്രം വായിച്ചു കേള്‍പ്പിക്കാനാണ് പ്രതികൾക്ക് സമന്‍സ് അയച്ചിരുന്നത്.

Also Read: കണ്ണൂരിൽ കുതിച്ച് പ്രതിദിന കൊവിഡ് കേസുകൾ; 300 കടന്നു, 2000 ത്തിലധികം രോഗബാധിതർ

കണ്ണൂരില്‍ പൊതുപരിപാടിക്ക് എത്തിയ മുഖ്യമന്ത്രി ഉമ്മന്‍ ചാണ്ടിക്ക് നേരെ എല്‍ഡിഎഫ് പ്രവര്‍ത്തകരാണ് കല്ലേറ് നടത്തിയത്. എംഎല്‍എമാരായ ടി വി രാജേഷ്, സി കൃഷ്ണന്‍ എന്നിവര്‍ ഉള്‍പ്പടെ നൂറ്റിപതിമൂന്ന് പേര്‍ക്കെതിരെയാണ് കേസെടുത്തത്. കേസ് തള്ളണമെന്ന് ആവശ്യപ്പെട്ട് ഗവ. അഡീഷണല്‍ പ്ലീഡര്‍ പി വി അന്‍വര്‍ നല്‍കിയ ഹര്‍ജിയാണ് തള്ളിയത്. ഇതിനോട് അനുബന്ധിച്ച് പോലിസുകാരെ കല്ലെറിഞ്ഞ എല്‍ഡിഎഫ് പ്രവര്‍ത്തകര്‍ക്കെതിരെയുള്ള കേസ് കോടതി തള്ളിയിരുന്നു. പരാതിക്കാരായ പോലീസുകാര്‍ കൂറുമാറിയതിനെ തുടര്‍ന്നാണ് നേരത്തേ തള്ളിയത്.

Also Read: തടയാനാകാതെ കൊവിഡ്; പയ്യന്നൂർ 2 ദിവസം അടച്ചിടും

വിമത സിപിഎം നേതാവ് സി ഒ ടി നസീര്‍ കല്ലേറ് കേസില്‍ പ്രതിയായിരുന്നു. താന്‍ നിരപരാധിയാണെന്ന് വ്യക്തമാക്കി നസീര്‍ ഉമ്മന്‍ ചാണ്ടിയെ നേരില്‍ കണ്ട് മാപ്പു ചോദിച്ചിരുന്നു. ഉമ്മന്‍ ചാണ്ടിയുടെ നിയമസഭാ അംഗത്വത്തിന്റെ അൻപതാം വാര്‍ഷികം ആഘോഷിക്കുന്ന വേളയിലാണ് അദ്ദേഹത്തെ കല്ലെറിഞ്ഞ കേസ് കഴിഞ്ഞ ദിവസം സബ് കോടതിയില്‍ പരിഗണനക്കു വന്നത്. സബ് ജഡ്ജി കേസ് നവംബര്‍ രണ്ടിലേക്ക് മാറ്റി.

Also Read: പിണറായിയിൽ സഹോദരങ്ങൾ മരിച്ച നിലയിൽ; ഒരാൾ തൂങ്ങിയ നിലയിൽ, മൃതദേഹത്തിന് പഴക്കം

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ