കണ്ണൂർ:കൊവിഡ് നിരീക്ഷണത്തിലിരുന്ന ക്യാൻസർ രോഗിയായ സ്ത്രീ മരിച്ചു. കണ്ണൂർ കുന്നോത്തുപറമ്പ് പാറാട് പൊന്നൻ്റ പറമ്പത്ത് പി.ഒ. ആയിഷ ഹജ്ജുമ്മയാണ് മരിച്ചത്. പരിയാരത്തെ കണ്ണൂർ മെഡിക്കൽ കോളേജിൽ വെച്ചായിരുന്നു മരണം. ഇവരുടെ ഭർത്താവിന് സമ്പർക്കത്തിലൂടെ കഴിഞ്ഞ ദിവസം കൊവിഡ് സ്ഥിരീകരിച്ചിരുന്നു. ആയിഷയുടെ പരിശോധനാ ഫലം ലഭിച്ചിട്ടില്ല.
Also Read: കണ്ണൂരിൽ ആശങ്കയേറുന്നു; 17 പേർക്ക് കൂടി കൊവിഡ്, 19 പേർക്ക് രോഗമുക്തി
ഇവർ കഴിഞ്ഞ കുറെക്കാലമായി ക്യാൻസറിന് ചികിത്സയിലായിരുന്നു.ഇതിനിടെ സംസ്ഥാനത്ത് വീണ്ടും കൊവിഡ് മരണമുണ്ടായി.കൊല്ലം വാളത്തുങ്കൽ സ്വദേശി ത്യാഗരാജൻ ആചാരി (74) ആണ് മരിച്ചത്. ഇതിനു പുറമേ കൊല്ലത്ത് കഴിഞ്ഞ ദിവസം മുങ്ങി മരിച്ച വയോധികയ്ക്കും കൊവിഡ് സ്ഥിരീകരിച്ചു. ത്യാഗരാജൻ ആചാരി മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. സ്രവം വീണ്ടും പരിശോധനയ്ക്ക്
എടുത്തിട്ടുണ്ട്. നാലു ദിവസമായി വെന്‍റിലേറ്ററിന്‍റെ സഹായത്തോടെയാണു ജീവൻ നിലനിർത്തിയിരുന്നത്. കൊല്ലത്ത് ഗൗരിക്കുട്ടി (75) ആണ് കഴിഞ്ഞ ദിവസം മരിച്ചത്.