ആപ്പ്ജില്ല

കോൺഗ്രസിലെ ഗ്രൂപ്പുവഴക്ക്; പ്രാദേശിക നേത്യത്വവുമായുള്ള തര്‍ക്കവും വാക്കേറ്റവും, ഒടുവില്‍ ചെമ്പേരി മാർട്ടിന്‍റെ വീട് കെസി ജോസഫ് സന്ദർശിച്ചു

കൊവിഡ് കാലത്ത് കോട്ടയത്ത് ഹോം കൊറന്‍റൈനിൽ പോകേണ്ടി വന്ന തന്നെ മണ്ഡലത്തിൽ കാണാനില്ലെന്ന് നവ മാധ്യമങ്ങളിൽ പ്രചരിപ്പിച്ചതും കോൺഗ്രസിലെ ഒരു വിഭാഗം പ്രവർത്തകരാണെന്ന് കെസി ജോസഫ് ആരോപിച്ചു.

Samayam Malayalam 8 May 2020, 5:09 pm
കണ്ണൂർ: കോൺഗ്രസ് ഗ്രൂപ്പ് വഴക്കിനെ തുടർന്ന് കല്ലെറിഞ്ഞ് തകർത്തചെമ്പേരി മാർട്ടിന്‍റെ വീട് ഇരിക്കൂർ മണ്ഡലം എം.എൽ.എ കെ സി ജോസഫ് സന്ദർശിച്ചു. നാലു ദിവസങ്ങൾക്കു മുൻപാണ് പ്രതിപക്ഷ നേതാവിനോട് ചോദിക്കാമെന്ന ഒരു ചാനലിലെ രമേശ് ചെന്നിത്തലയുടെ ഫോൺ ഇൻ പരിപാടിക്കിടെ കൊ വിഡ് 19 സമൂഹ വ്യാപനം പടരുന്നതിന്‍റെ ഭാഗമായി ലോക്ക് ഡൗൺ പ്രഖ്യാപിച്ച സാഹചര്യത്തിൽ ജനങ്ങൾ ദുരിതമനുഭവിക്കുമ്പോൾ കെസി ജോസഫ് എംഎൽഎയെ ഇരിക്കൂർ മണ്ഡലത്തിൽ കാണുന്നില്ലെന്ന് മാർട്ടിൻ ചോദിച്ചത്.
Samayam Malayalam KC Joseph Visited Martins house


Also Read: പനി ബാധിച്ചിട്ടും കൊവിഡ് പരിശോധന നടത്തിയില്ല;അട്ടപ്പാടിയില്‍ നിരീക്ഷണത്തിലായിരുന്ന യുവാവ് മരിച്ചു

ഇതേ തുടർന്ന് പ്രാദേശിക നേത്യത്വവുമായി ഏറെ തർക്കങ്ങളും വാക്കേറ്റവുമുണ്ടായി. ഇതിനു ശേഷമാണ് കഴിഞ്ഞ ദിവസം രാത്രി പത്തരയോടെ മാർട്ടിന്‍റെ ചെമ്പേരി യിലുള്ള വീടിന് നേരെ കല്ലേറുണ്ടായത്. കല്ലേറിൽ മാർട്ടിന്‍റെ വീടിന്‍റെ മുൻവശത്തെ ജനൽചില്ലുകളും ഒന്നാം നിലയിലെ ഗ്ളാസുകളും തകർന്നു.ഇതോടെ അക്രമത്തിനു പിന്നിൽ കെസി ജോസഫിനെ അനുകൂലിക്കുന്നവരാണെന്ന ആരോപണവും പരസ്പരം പഴിചാരലുമുണ്ടായി.

എന്നാൽ അക്രമത്തിന് പിന്നിൽ കോൺഗ്രസുകാർ തന്നെയാണെന്നും കഴിഞ്ഞ കുറെ നാളായി തന്നെ ചിലർ വേട്ടയാടുകയാണുമെന്ന ഗുരുതര ആരോപണവുമായി കെസി ജോസഫ് എംഎൽഎ തന്നെ പരസ്യമായി രംഗത്തുവന്നു. കൊവിഡ് കാലത്ത് കോട്ടയത്ത് ഹോം കൊറന്‍റൈനിൽ പോകേണ്ടി വന്ന തന്നെ മണ്ഡലത്തിൽ കാണാനില്ലെന്ന് നവ മാധ്യമങ്ങളിൽ പ്രചരിപ്പിച്ചതും കോൺഗ്രസിലെ ഒരു വിഭാഗം പ്രവർത്തകരാണെന്ന് കെസി ജോസഫ് ആരോപിച്ചു.

Also Read: മലപ്പുറത്ത് ഭാര്യയെ ഭർത്താവ് തലയണ വെച്ച് ശ്വാസം മുട്ടിച്ചു കൊലപ്പെടുത്തി

സോഷ്യൽ മീഡിയയിൽ തനിക്കെതിരെ അപകീർത്തി പ്രചരണം നടത്തിയവർക്കെതിരെ ശക്തമായ നടപടിയെടുക്കണമെന്നാവശ്യപ്പെട്ട് കെസി ജോസഫ് ഡിജിപിക്ക്‌ നൽകിയ പരാതിയിൽ സൈബർ പോലിസ് അന്വേഷണം നടത്തിവരികയാണ്. അക്രമം നടന്ന ചെമ്പേരി യിലെ മാർട്ടിന്‍റെ വീട്ടിൽ ഏകദേശം ഒരു മണിക്കൂറോളം എംഎൽഎയും കൂടെയുണ്ടായിരുന്ന നേതാക്കളും ചെലവഴിച്ചു. അക്രമത്തിന് ഉത്തരവാദികളായവർക്കെതിരെ കർശന നടപടി സ്വീകരിക്കണമെന്ന് കുടിയാൻമല പോലിസിനോട് കെസി ജോസഫ് ആവശ്യപ്പെട്ടു.

ആര്‍ട്ടിക്കിള്‍ ഷോ

ട്രെൻഡിങ്