കണ്ണൂര്(Kannur): സ്ഥാനാത്ഥി നിര്ണയ വിവാദങ്ങള്ക്കും കോണ്ഗ്രസിലെ ചേരിപ്പോരിനുമിടെയിലും തൃക്കാക്കര ഉപതെരഞ്ഞെടുപ്പില് യുഡി എഫ് ക്യാംപ് തികഞ്ഞ ആത്മവിശ്വാസത്തിലാണെന്ന് കെപിസിസി അധ്യക്ഷന് കെ.സുധാകരന്. സഭയ്ക്കെതിരെ കോണ്ഗ്രസ് പ്രതികരിച്ചുവെന്ന വിവാദങ്ങള് അദ്ദേഹം തള്ളിക്കളഞ്ഞു. തൃക്കാക്കരയിലെ എല്ഡിഎഫ് സ്ഥാനാര്ത്ഥി ജോ ജോസഫ് സഭാ സ്ഥാനാര്ത്ഥിയാണെന്ന് കോണ്ഗ്രസിന് അഭിപ്രായമില്ലെന്നും കെപിസിസി അധ്യക്ഷന് കെ.സുധാകരന് വ്യക്തമാക്കി. കണ്ണൂരില് മാധ്യമപ്രവര്ത്തകരോട് തൃക്കാക്കര തെരഞ്ഞെടുപ്പ് വിവാദങ്ങളെ കുറിച്ചു പ്രതികരിക്കവെയാണ് അനുനയത്തിന്റെ ശൈലിയാണ് കോണ്ഗ്രസ് സ്വീകരിക്കുകയെന്ന സൂചന അദ്ദേഹം നല്കിയത്.
ജോ ജോസഫ് സഭാ സ്ഥാനാര്ത്ഥിയാണെന്ന് കോണ്ഗ്രസിന് അഭിപ്രായമില്ല. സഭ അങ്ങനെ നിലപാടെടുക്കുന്നവരല്ലെന്നും സുധാകരന് പറഞ്ഞു. സര്ക്കാര് സില്വര് ലൈന് സര്വേ നിര്ത്തിയത് തെരഞ്ഞെടുപ്പ് പശ്ചാത്തലത്തിലാണോയെന്നു അറിയില്ലെന്ന് സുധാകരന് പറഞ്ഞു. എന്നാല് ഇനിയും കെ- റെയിലിന് അനുമതിയില്ലാതെ ജനങ്ങളുടെ വീട്ടുപറമ്പില് കല്ലിട്ടാല് കോണ്ഗ്രസ് പ്രവര്ത്തകര് പിഴുതെറിയുമെന്നും സുധാകരന് മുന്നറിയിപ്പു നല്കി.
Topic: Kannur News, K Sudhakaran, Thrikkakkara election