വിദ്യാർഥിനിയുടെ ആത്മഹത്യ; കണ്ണൂരിൽ ഡിഡിഇ ഓഫിസ് ഉപരോധിച്ച് കെഎസ്‍യു

കണ്ണൂര്‍: മലപ്പുറത്ത് വിദ്യാര്‍ഥിനി ആത്മഹത്യ ചെയ്ത സംഭവത്തിൽ കണ്ണൂര്‍ ഡിഡിഇ ഓഫീസ് ഉപരോധിച്ച് കെഎസ്‍യു ജില്ലാ കമ്മിറ്റി. വിദ്യാര്‍ഥിനി ആത്മഹത്യ ചെയ്തതുള്‍പ്പടെയുള്ള സംഭവങ്ങളുടെ പൂര്‍ണ്ണ ഉത്തരവാദിത്തം സര്‍ക്കാരിൻ്റെ അവധാനതയില്ലാത്ത നടപടിയാണെന്നും പ്രതിഷേധ പരിപാടി ഉദ്ഘാടനം ചെയ്ത് കെഎസ്‍യു ജില്ലാ പ്രസിഡൻ്റ് പി മുഹമ്മദ് ഷമ്മാസ് പറഞ്ഞു.

Also Read: പണ്ട് ഞാന്‍ ടാറിംഗ് പണിയെടുത്ത റോഡാണിത്... ഇന്നിവിടെ വണ്ടി നിര്‍ത്തി ഫോട്ടോയെടുക്കുമ്പോള്‍... ജീവിതാനുഭവം പങ്കുവെച്ച് സര്‍ക്കിള്‍ ഇന്‍സ്‌പെക്ടര്‍

ഓണ്‍ലൈന്‍ ക്ലാസുകള്‍ സംബന്ധിച്ച് വിദ്യാര്‍ഥികള്‍ക്കും രക്ഷിതാക്കള്‍ക്കും വ്യാപകമായ ആശങ്കകള്‍ നിലനില്‍ക്കുകയാണ്. ആദിവാസി പിന്നോക്ക വിഭാഗങ്ങളുള്‍പ്പെടെ വലിയ ഒരു വിഭാഗത്തിന് ഒരു സൗകര്യങ്ങളും ലഭ്യമല്ലാത്തതിനാല്‍ ഇത് പരിഹരിക്കാന്‍ സര്‍ക്കാര്‍ ആവശ്യമായ സൗകര്യങ്ങളും മുന്‍കരുതലും സ്വീകരിക്കാന്‍ തയാറാവാത്തത് വിദ്യാര്‍ത്ഥികളെ മാനസിക സംഘര്‍ഷത്തിലാക്കുന്നുവെന്നും മുഹമ്മദ് ഷമ്മാസ് പറഞ്ഞു.

Also Read: മംഗളൂരുവില്‍ നിന്ന് കാസര്‍കോട്ടേക്ക് യാത്ര ചെയ്യുന്നവര്‍ക്ക് പ്രത്യേക പാസ്; ഉത്തരവിറക്കി ജില്ലാ ഭരണകൂടം

സമരത്തിനിടയില്‍ ഓഫീസിലേക്ക് തള്ളിക്കയറിയ കെഎസ്‍യു നേതാക്കളെ ടൗണ്‍ എസ്ഐയുടെ നേതൃത്വത്തിലുള്ള പോലീസ് സംഘമെത്തി നീക്കം ചെയ്യുകയായിരുന്നു. സമരത്തിന് കെഎസ്‍യു ജില്ലാ പ്രസിഡന്റ് പി മുഹമ്മദ് ഷമ്മാസ്, ജില്ലാ ജനറല്‍ സെക്രട്ടറി ഫര്‍ഹാന്‍ മുണ്ടേരി, ബ്ലോക്ക് പ്രസിഡന്റുമാരായ റിബിന്‍ സി എച്ച്, നബീല്‍ വളപട്ടണം, അക്ഷയ് ആയിക്കര, അനുദിത്ത് മനോഹരന്‍, നിവേദ് ചൊവ്വ, അഹദ് വലിയന്നൂര്‍ തുടങ്ങിയവര്‍ നേതൃത്വം നല്‍കി.

Also Read: വരണ്ടുണങ്ങി കൃഷിയിടങ്ങള്‍; കൃഷിനാശം! വട്ടവടയില്‍ കര്‍ഷകര്‍ നട്ടംതിരിയുന്നു!! ആശങ്കളൊഴിയുന്നില്ല