ഭാര്യയ്ക്കും മകൾക്കും പിന്നാലെ മനോജും മരണത്തിന് കീഴടങ്ങി; മാഹിയിൽ നിന്നും മറ്റൊരു ദുരന്ത വാർത്ത കൂടി

കണ്ണൂർ: ഭാര്യയ്ക്കും മകൾക്കും പിന്നാലെയുണ്ടായ പ്രവാസിയുടെ മരണം മയ്യഴിയെ കണ്ണീരിലാഴ്ത്തി. മാഹി വെളളച്ചാലിലെ മനോജ് കുമാറാണ് (53) സൗദി അറേബ്യയിലെ അൽ ഹസയിലെ അൽ മൂസ ആശുപത്രിയിൽ കൊവിഡ് ചികിത്സയ്ക്കിടെ കഴിഞ്ഞ ദിവസം മരണമടഞ്ഞത് ന്യൂമോണിയ ബാധിച്ചു ചികിത്സയിലായിരുന്ന മനോജിന്റെ ഇരു വൃക്കകളും തകരാറിലാവുകയായിരുന്നു.

Also Read: പതിനാറുകാരിയെ പിതാവ് പീഡിപ്പിച്ചത് മടിക്കേരിയില്‍ വെച്ച്... നിരവധി തവണ ക്രൂര പീഡനം, ഞെട്ടിക്കുന്ന മൊഴി, 2 പേര്‍ അറസ്റ്റില്‍

കഴിഞ്ഞ കുറച്ചു ദിവസങ്ങളായി കൊവിഡ് ബാധിച്ച മനോജ് കുമാർ അൽ ഹസ ആശുപത്രിയിൽ ചികിത്സയിലായിരുന്നു. ഇവിടെ നിന്നും മെച്ചപ്പെട്ട ചികിത്സ നൽകിയിരുന്നുവെങ്കിലും ജീവൻ രക്ഷിക്കാനായില്ല. ഏതാനും ദിവസങ്ങൾക്കു മുമ്പ് രണ്ടാമത്തെ കുട്ടിയുടെ പ്രസവത്തെ തുടർന്ന് ഭാര്യ ഷിജിയും കുട്ടിയും മരണമടഞ്ഞിരുന്നു. ഇതു മനോജിനെ മാനസികമായി തളർത്തിയിരുന്നതായി സഹപ്രവർത്തകർ പറഞ്ഞു.കഴിഞ്ഞ ഇരുപതു വർഷമായി അൽ ഹസയിൽ ജോലി ചെയ്തു വരികയാണ് മനോജ്.മൂത്ത മകൾ അരുണിമ.